بەيسەنبى, 28 ناۋرىز 2024
جاڭالىقتار 6433 1 پىكىر 26 ءساۋىر, 2017 ساعات 14:34

ماقپالدىڭ "مامەسىندە" "ۇلى كوشتىڭ" نەسى بار؟

رەيتينگ، رەيتينگ جانە رەيتينگ! بۇل - قازاقستانداعى "اقپاراتتىق" سايتتاردىڭ كۇن-ءتۇن دەمەي قۋالاي باستاعان قۋ دۇنيەسى بولدى. سانعا سايكەس ساپا بولسا كانى؟!

جاقىندا "ۇلى كوش" دەيتىن ۇلتتىق پورتال جارىق كورىپ ەدى. قۋانىپ قالعانبىز.  امال كەم، "ۇلى كوشىمىز" ۇلتقا تانىلۋ ءۇشىن رەيتينگ دەيتىن پالەنىڭ سوڭىنا ءتۇسىپ، بەيادەپ ماتەريالدار جاريالاۋعا بىردەن كىرىسىپ كەتتى. مىنا تاقىرىپقا قاراڭىز: "ماقپال يسابەكوۆا ەمشەگىن كورسەتتى".

اتالعان سايت الاقانداي اقپاراتقا وسىنداي تاقىرىپ قويادى دا، قازاق ەستراداسىنا فۋتۋريستىك سارىنمەن كەلگەن ماقپال يسابەكوۆا دەيتىن ءانشىنىڭ الەمجەلىدەگى بەينە جازباسىن جۇرتقا جاريا ەتەدى.

...قازاق كوشى - ىقىلىمنان قازاق ۇلتىنىڭ تاعدىرى. ءتىلىم-ءتىلىم تاعدىرىنداعى قازاقتىڭ ۇلى كوشى كۇنى بۇگىنگە دەيىن جالعاسىپ كەلەدى. مەملەكەت باسشىسى نۇرسۇلتان نازارباەۆتىڭ جارلىعىمەن جەر دۇنيەگە شاشىراعان قازاقتىڭ قازاقستانعا اعىلۋى ءۇشىن اشىلعان كوش - قازىر ەل اۋزىندا: "ۇلى كوش" - "نۇرلى كوش" اتالىپ كەتكەن. اۋ، سوندا قازاق ءۇشىن كيەلى كوشتى، كيەلى ۇعىمدى  سارجاعالدانىپ العان سايتتىڭ قور ەتكەنى قالاي؟

جاڭا مەديا جاڭا سەرپىنمەن دامىعان سايىن رەيتينگ پەن سەنساتسيا باستى پلانعا شىعىپ، ساپا كاتەگورياسى نازاردان تىس قالا باستادى. 

رەيتينگ باستى تالاپقا اينالعان سايىن قازاق ۇلتىنىڭ بويىنان جات قىلىق، جامان مىنەز كۇننەن كۇنگە ءورشىپ، دۇنيەنىڭ سۇرەڭسىز كەلبەتىن سۇزگىسىز قابىلداۋ مەن تىيىمسىز، توقتاۋسىز ۇرانداۋ عادەتى پايدا بولدى.

رەيتينگ قالاي جاسالادى؟ تاقىرىپ بىرەۋ: ء"ولدى", "اتتى", "شاپتى", "اسىلدى", "زورلادى". نەمەسە "جۇلدىزداردىڭ" جالاڭاش دەنەسى، "بادەندى بيكەشتەردىڭ بوكسەسى" . وسىنداي جاڭا ترەندسىماق جۋىندى-شايىندىنى ەرتەلى-كەش ەزىپ وتىرعاندار وزگە ەمەس، ءوزىمىزدىڭ - "نوقال قازاقتار". ويتكەنى قارجى بەرىپ، قارىق قىلاتىن بيلىكتىڭ سۇرايتىنى - رەيتينگ.

ماسەلەن مىناۋ "ۇلى كوش" دەيتىن پورتال وزدەرىنە "ۇلتتىق پورتال" دەگەن مارتەبە بەرىپتى. مەيلى، سولاي-اق بولسىنشى! بىراق، جازىپ، جارنامالاپ وتىرعان تاقىرىبى اناۋ: "ماقپال يسابەكوۆا "مامەسىن" كورسەتتى" نە بولماسا "ەليتالى جەزوكشە قالتالى جىگىتتەردىڭ وزدەرىن قالاي قورلايتىنىن ايتىپ بەردى". سوندا بۇل قانداي "ۇلى كوش"? كىمدەردىڭ "ۇلى كوشى"?.. قايدا اۋىپ بارا جاتقان كوش بۇل؟

پارادوكس. ءبىزدىڭ ميىمىزعا كىرىپ-شىقپايتىنى - ماقپال يسابەكوۆانىڭ ۇلى كوشكە قانداي قاتىسى بار؟ نەمەسە "ۇلى كوشتىڭ" ماقپالدىڭ "مامەسىندە" نەسى بار؟

ءتوس پەنەن توسەكتىڭ توڭىرەگىننەن اينالىپ شىقپايتىن وسىنداي تاقىرىپتارمەن ءبىز وقىرماندى قايدا جەتەلەپ بارامىز؟

نۇرزات توقاجان

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3499