جۇما, 29 ناۋرىز 2024
جاڭالىقتار 4947 0 پىكىر 27 ءساۋىر, 2017 ساعات 15:25

ءىV رەسپۋبليكالىق «التىن تاياقشا» ديريجەرلەر، «كەستەلى ورامال» ۆوكاليستەر بايقاۋى جەڭىمپازى انىقتالدى

م.تولەباەۆ اتىنداعى ءىV رەسپۋبليكالىق «التىن تاياقشا» ديريجەرلەر، «كەستەلى ورامال» ۆوكاليستەر بايقاۋى جەڭىمپازى انىقتالدى، - دەپ حابارلايدى اباي-اقپارات.

تالدىقورعان قالاسى، ءى.جانسۇگىروۆ اتىنداعى مادەنيەت سارايىندا الماتى وبلىستىق مادەنيەت، ارحيۆتەر جانە قۇجاتتاما باسقارماسىنىڭ ۇيىمداستىرۋىمەن م.تولەباەۆ اتىنداعى ءىV رەسپۋبليكالىق «التىن تاياقشا» ديريجەرلەر، «كەستەلى ورامال» ۆوكاليستەر بايقاۋى ءوز مارەسىنە جەتىپ، گالا-كونتسەرت ءوتتى.

شاراعا ەكى اتالىم بويىنشا 29 ۇمىتكەر قاتىستى.

بايقاۋ قورىتىندىسى بويىنشا ديريجەرلىكتەن استانالىق ەرنار نۇرتازين لاۋرەات اتانىپ، باس جۇلدە الدى. ال ءدال وسىنداي اتالىمنىڭ ۆوكال نوميناتسياسى بويىنشا جەڭىمپاز اتانعان ازات مالىك ەسىمدى قىزىلوردالىق ونەرپاز بولدى. سونىمەن قاتار، بايقاۋعا قاتىسقان بارشا ونەرپازدارعا  ارنايى ديپلوم مەن اقشالاي سىي-سياپات تابىستالدى.

ديريجەرلەر اراسىندا ارنايى جۇلدەمەن (20 000 تەڭگەنى) الماتى وبلىسىنان  جەكسەمباەۆ سامات، استانا قالاسىنان سارىباي بەرىك پەن اتىراۋ وبلىسىنان دجۋماشەۆا سايا جەڭىپ الدى. ءدال وسى نوميناتسيا بويىنشا جۇلدەنى استانالىق ۆوكاليستەر اراسىندا يزبامبەتوۆ المات پەن جەتىسۋ جەرىنەن مىرزابەكوۆ باۋىرجان دا ماراپاتتالدى.

ءىىى ورىن مەن 50 000 تەڭگە كولەمىندەگى جۇلدەنى ديريجەرلەر اراسىندا ماڭعىستاۋ وبلىسىنان مۇراتوۆ الىبەك پەن الماتىلىق مەنداليەۆ ايدوس جەڭدى. ۆوكاليستەردىڭ ىشىنەن وسى ماراپاتپەن پاۆلودارلىق سابيروۆ نۇرسۇلتان، الماتى وبلىسىنان تاكەباەۆ جومارت پەن استانالىق ابدۋللاەۆا جادىرا يەلەندى.

ال، جۇلدەلى 100 000 تەڭگە سىياپاتىمەن ءىى ورىندى ۆوكاليستەر اراسىندا الماتى قالاسىنان جارماعامبەتوۆ راسۋل مەن وڭتۇستىك قازاقستان وبلىسىنان قاڭتارباەۆ جۇمابەك جەڭىپ الدى. ديريجەرلەر اراسىنان الماتىلىقتار  تويبولديەۆ ماديار مەن تلەپبەرگەنوۆ ابىلاي يەلەندى.

ءى دارەجەلى ديپلوم مەن 400 000 تەنگەنى ديريجەرلەر اراسىنان وڭتۇستىك قازاقستان وبلىسىنان كەلگەن  يسمايلوۆ قۋانىش  السا،  ۆوكاليستەردەن  استانالىق تىنىشتىق شاحريزادا يەلەندى.

بايقاۋ قورىتىندىسىندا الماتى وبلىسى اكىمىنىڭ  ءبىرىنشى ورىنباسارى ءلاززات تۇرلاشوۆ جۇلدەگەرلەردى ماراپاتتاپ تۇرىپ: «بۇل بايقاۋعا قاتىسقان ونەرپازداردىڭ قاي-قايسىسى دا ءوز مىقتىلىعىن كورسەتتى. سولاردىڭ ىشىندەگى باعى مەن بابى قاتار كەلگەن قاتىسۋشىلار ءوز ماراپاتتارىن الىپ جاتىر. كەلەسى جىلى سىزدەردى بايقاۋعا كەلىپ، قايتادان باقتارىڭىزدى سىناۋعا شاقىرامىز»، - دەپ ءسوزىن اياقتادى.

رەسپۋبليكا ديريجەرلەرىنىڭ كاسىبي شەبەرلىگىن ارتتىرۋ، پىكىر الماسۋ، قازاق حالقىنىڭ ءان، كۇي تۋىندىلارىنىڭ باسەكەلەستىك الەۋەتىن ارتتىرۋ ماقساتىندا ۇيىمداستىرىلعان بۇل شارا ونەرپازداردىڭ ءان ونەرىن دامىتۋ، جاس تالانت يەلەرىن ىزدەۋ، جاستار اراسىندا انشىلىك ونەردىڭ  كاسىبي دەڭگەيگە كوتەرىلۋىنە جول اشۋعا سەپتىگىن تيگىزەدى.

اباي-اقپارات

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616