جۇما, 29 ناۋرىز 2024
كۇبىرتكە 7041 9 پىكىر 28 ءساۋىر, 2017 ساعات 10:02

2 224 تومدىق قىلمىستىق ءىس. حراپۋنوۆ پەن ءابىليازوۆتىڭ قىلمىستىق سحەماسى

الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قاشقىن بانكير مۇحتار ءابىليازوۆ پەن ونىڭ سىبايلاستارىنا قاتىستى قىلمىستىق ءىستى قاراۋ ودان ءارى جالعاسۋدا. سوتتىڭ بۇگىنگى وتىرىسىندا مۇحتار ءابىليازوۆتىڭ حراپۋنوۆتار وتباسىنان ساتىپ العان «Building Service Company» كومپانياسىنا ميللياردتاعان نەسيە بەرۋى تۋرالى وقيعا قارالدى، - دەپ جازادى inform.kz.

جابىرلەنۋشى تاراپتىڭ وكىلى اۋەلى «Building Service Company» كومپانياسىن كىم جانە قالاي قۇرعانىنا توقتالدى. بۇل وقيعانىڭ باسى قازىرگى كەزدە ادىلەتتىلىكتەن قاشىپ،  شۆەيتساريادا جاسىرىنىپ جۇرگەن ۆيكتور حراپۋنوۆتىڭ الماتى قالاسىنىڭ اكىمى بولعان كەزىنەن باستالادى. قالا باسشىسىنىڭ قىزمەتىن اتقارعان كەزىندە ۆيكتور حراپۋنوۆ ەڭ الدىمەن، «مەملەكەت قاجەتىنە» جەكە مەنشىك قوجايىندارىنان جەر ۋچاسكەلەرىن تارتىپ الۋعا قاتىستى شۋلى وقيعالارمەن ەلدىڭ ەسىندە قالدى. مەملەكەت وسىلايشا جەر ۋچاسكەلەرىن وزىنە قايتاردى. ايتارلىعى، مەملەكەتكە قايتارىلعان ۋچاسكەلەر مەن جىلجىمايتىن مۇلىكتەر تابيعات قورعاۋ ايماقتارى مەن الماتىنىڭ بەدەلدى اۋداندارىندا ورنالاستى. تارتىپ الىنعان مۇلىك كوپ ۇزاماي حراپۋنوۆتىڭ ءوزىنىڭ باعىنىشتى فيرمالارىنا ساتۋ ءۇشىن ساۋداعا شىعارىلدى. سولاردىڭ ءبىرى، ۆيكتور حراپۋنوۆتىڭ ايەلىنە تيەسىلى بولعان «Building Service Company» كومپانياسى ەدى.

الايدا، 2003 جىلدىڭ قازان ايىندا ءلايلا حراپۋنوۆا «Building Service Company» كومپانياسىنداعى ءوزىنىڭ 100 پايىزدىق ۇلەسىن ساتىپ، ودان تۇسكەن قاراجاتتى قىزى ەلۆيرانىڭ اتىنا شۆەيتسارياداعى بانكتەردىڭ بىرىندە اشىلعان شوتقا اۋدارادى. اتالعان كومپانيانىڭ ءىس جۇزىندەگى قوجايىنى مۇحتار ءابىليازوۆ بولىپ شىعا كەلەدى. ايتا كەتەلىك، ءابىليازوۆتار مەن حراپۋنوۆتار قۇدا بولعان اۋلەتتەر: ءىلياس حراپۋنوۆ ءمادينا ابىليازوۆاعا ۇيلەنگەنى ءمالىم. تەرگەۋدىڭ مالىمەتتەرىنە قاراساق، وسىناۋ وتباسىلىق مامىلەنىڭ قۇنى 2 ميللياردتان استام تەڭگەنى قۇراعان. بىراق مۇحتار ءابىليازوۆ بۇل شىعىنىنىڭ ورنىن كەيىنىرەك ارتىعىمەن تولتىردى.

ارادا ءبىراز ۋاقىت وتكەندە ول «Building Service Company» كومپانياسىنىڭ قاراجاتىن وزىنە باعىنىشتى باسقا كومپانيالارعا بولەدى. ويتكەنى، ول كومپانيالار دا بتا بانكتەن بىرنەشە ميلليونداعان نەسيەلەر الىپ، قايتارماعان بولاتىن.

2007 جىلى بتا بانكتە بۇعان دەيىن جولعا قويىلعان قىلمىستىق كەستە بويىنشا «Building Service Company» كومپانياسىنىڭ اتىنان 45 ميلليون اقش دوللارى كولەمىندە نەسيەلىك جەلى اشۋعا ءوتىنىش جاسالادى. ارينە، ونى ماقۇلداۋعا كەلگەندە ەشقانداي ماسەلە تۋىنداعان جوق. نەسيە كوميتەتى ەشقانداي ساراپتاما جۇرگىزبەدى، قارىز الۋشىنىڭ ءوزىن جانە نەسيە الۋ تاريحىن تەكسەرگەن جوق. ويتكەنى، بانك قىزمەتكەرلەرى قارىز الۋشى كومپانيانىڭ ءىس جۇزىندەگى قوجايىنى كىم ەكەنىن جاقسى بىلەتىن ەدى. سول سەبەپتەن «Building Service Company» كومپانياسىنا جەدەل نەسيە بەرۋ تۋرالى شەشىم شىعارىلدى.

كوپ ۇزاماي «Building Service Company» كومپانياسىننىڭ شوتىنا بتا بانكتەن قوماقتى نەسيە اقشا تۇسە باستادى. بىراق ول اقشا بانككە سول كۇيى قايتارىلمادى. ال، مۇحتار ءابىليازوۆ بولسا ۇرلانعان ميلليوندار مەن ميللياردتارىن زاڭداستىرىپ، ءوزىنىڭ جەكە باسىنىڭ قاجەتتىلىكتەرىنە جۇمسادى.
ايتا كەتەلىك، قاشقىن بانكير مۇحتار ءابىليازوۆتىڭ قىلمىستىق ءىسى بويىنشا باستى سوت وتىرىسى اعىمداعى جىلدىڭ 3-ءىنشى ساۋىرىندە باستالدى. سوت وتىرىستارىنا ءۇش مەملەكەتتىك ايىپتاۋشى، سوتتالۋشىلاردىڭ قورعاۋشىلارى جانە بتا بانكىنىڭ وكىلى قاتىسۋدا. قىلمىستىق ءىستىڭ جالپى كولەمى 2 224 تومنان تۇرادى.

Abai.kz

 

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594