جۇما, 29 ناۋرىز 2024
7162 2 پىكىر 28 ءساۋىر, 2017 ساعات 11:11

ماسكەۋدە ناۆالنىيعا بەلگىسىز بىرەۋ جاسىل ءدارى شاشىپ كەتتى

رەسەي استاناسىندا بەلگىسىز بىرەۋ وپپوزيتسيالىق ساياساتكەر الەكسەي ناۆالنىيعا جاسىل ءدارى شاشىپ كەتتى. وقيعا جەمقورلىقپەن كۇرەس قورى كەڭسەسىنىڭ الدىندا، ساياساتكەر Global Event Forum جيىنىندا بايانداما جاساۋعا شىعىپ بارا جاتقاندا بولعان.

ناۆالنىيدى اۋرۋحاناعا جەتكىزۋگە تۋرا كەلدى - ونىڭ كوزىنە جاسىل ءدارى ءتيىپ كەتكەن. دارىگەرلەر ساياساتكەردىڭ "وڭ كوزىن حيميالىق كۇيىك شالعانىن" انىقتادى.

"ول قازىر اۋرۋحانادا جاتىر. كوزى كورەدى، بىراق اۋىرادى. پوليتسيا ارىزدى قابىلدادى، بىراق بەينەباقىلاۋدى كورۋگە اسىعار ەمەس. ءبىز قىلمىستىق ءىس قولعالۋىن تالاپ ەتەمىز", - دەدى ناۆالنىي سايلاۋ شتابىنىڭ باسشىسى لەونيد ۆولكوۆ.

بيىل ناۋرىز ايىندا بارناۋىلدا ناۆالنىيعا بەلگىسىز بىرەۋلەر جاسىل ءدارى شاشىپ كەتكەن ەدى. سول كەزدە ساياساتكەر شابۋىلعا قاراماستان، جاقتاستارى الدىندا ءسوز سويلەگەن.

الەكسەي ناۆالنىي 2018 جىلى پرەزيدەنتتىك سايلاۋعا قاتىسۋدى كوزدەيدى. وپپوزيتسيالىق ساياساتكەردى شامامەن 400 مىڭ سايلاۋشى قولداپ وتىر. قازىرگى تاڭدا ساياساتكەردىڭ 25 سايلاۋ شتابى جۇمىس ىستەپ جاتىر.

اباي-اقپارات

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3611