بەيسەنبى, 28 ناۋرىز 2024
ادەبيەت 7765 3 پىكىر 8 شىلدە, 2017 ساعات 23:18

ءبىزدىڭ اۋىلدىڭ بوزداقتارى

ءبىزدىڭ اۋىلدان سوعىسقا 500-دەن استام الىنىپ، ونىڭ 300-گە جۋىعى قازا تاپقان.

بۇل دەرەكتەر تىنىشبەك دايرابايدىڭ «سىر پەرزەنتتەرى» كىتابىنان الىندى.

 

بۇل ءوزى مۇڭلى تاريح كونەرمەگەن...
بۇل قازاق بۇل عاسىردا نە كورمەگەن؟
بۇل قازاق بۇل عاسىردا نە كورسە دە،
تىرلىكتىڭ كەرۋەنىن شوگەرمەگەن.

قاڭباقتاي جەل كوتەرىپ قاڭعالاعان،
كۇن وتكەن كۇرسىنىسپەن اللالاعان.
سوندا دا كۇدەرىن ەش ۇزبەي كەپتى،
ءۇمىتىن ۇمىتىنە جالعاپ امان.

ەل ەدى كوكىرەكتە كوپ الاڭى،
جۇدەتتى اق پاتشانىڭ زوبالاڭى.
سوۆەتتەر دەگەن تاعى ءبىر جاۋ شىعىپ،
كوتەرسەڭ، باسىڭ جەرگە دومالادى.

ەتتى دە، استىقتى دا سالىق قىلىپ،
قازاقتى تۇرالاتتى، تارىقتىرىپ.
«حالىقتىڭ جاۋىسىڭ» دەپ قانىن توكتى،
اۋزىنان اسىن جۇلىپ الىپ تۇرىپ.

جىك سالدى ەل-جۇرتىما سىنادايىن.
كۇي كەشتى ءارى-ءسارى بۇل اعايىن.
بايىن دا، كەدەيىن دە جاۋعا ساناپ،
قازاقتى قىرىپ سالدى قىنادايىن.

مال باققان ەركىن ەلگە قۇلدىق اۋىر،
وقساتىپ تالماۋ تۇستان ۇردى كاۋىر.
ەل قالدى ەسەڭگىرەپ، ەس جىيا الماي،
وسىنىڭ كوردى ءبارىن ءبىزدىڭ اۋىل.

ساناڭدى ءۇمىت سونسە قامالار مۇڭ،
تۇنەكتى سەرپىپ قايتا جاعا الار كىم؟
بويىنان بەس قارۋىن تاستاماعان،
ارمانى وسى ما ەدى بابالاردىڭ؟!

بابالار كوكسەگەن سول ارمان قايدا؟
ومالىپ ورتا جولدا قالعانداي ما؟
ۇرپاعى جاتتىڭ جەرىن قورعاپ ءولدى،
كەشەگى ادىلەتسىز قان مايداندا.

قان مايدان ادىلەتسىز بولعان اۋىر،
تۇرمىسى تۇزەلمەگەن، ول دا جاۋىر...
سوعىسقا بەس ءجۇز ۇلىن اتتاندىرىپ،
تەڭسەلدى ماقپالكولگە قونعان اۋىل.

سول اۋىل ءبىزدىڭ اۋىل، سورى قالىڭ،
توسەلگەن ورىس كەلىپ جولىنا مۇڭ.
ءۇش ءجۇزى بەس ءجۇز ۇلدىڭ ورالمادى،
اھ ۇرىپ، اقىرەتتە بولىپ اعىن.

قوڭىر كۇي، قوڭىر تىرلىك، قوڭىر ايماق،
تاريحتا تاڭبالاندى بولىپ ايعاق.
بەرليندى جەڭدى ماسكەۋ ويسىراتىپ،
جەڭىلگەن قازاق بولدى سورى قايناپ.

بوزداپتى تۇراق تاپپاي كەشقۇرىم نار،
بەيمەزگىل ماڭىراپتى ەشكى مۇندار.
قالدىرعان جەردى يەسىز، ەلدى يەسىز،
ستالين مەن گيتلەر – جەكسۇرىندار!

ءبىر ءسوزدى شەمەن بولعان قوزعاپ قالدىم،
ەسكە الار شەيىتتەرىن بوزداپ حالقىم.
توسەنگەن توپىراعى تورقا بولسىن،
يمانى جولداس بولسىن بوزداقتاردىڭ!

بەيبىت كۇن باقىتىنا ورانباعان،
جار ءسۇيىپ، بالاعا اكە بولا الماعان،
ەسكە الىپ وتىرايىق، دۇعا قىلىپ،
ەرلەردى سۇم سوعىستان ورالماعان!

نۇرلىبەك ساماتۇلى

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516