دۇيسەنبى, 21 تامىز 2017
ماڭگىلىك ەل 1096 0 پىكىر 17 شىلدە, 2017 ساعات 11:49

«ادال ەڭبەكپەن مال ىزدەمەك – ول ارلى ادامنىڭ ءىسى»

«ادال ەڭبەكپەن مال ىزدەمەك – ول ارلى ادامنىڭ ءىسى» دەپ دانا اباي ايتقانداي راسىندا دا، ادامزات پايدا بولعاننان بەرى ءوزىنىڭ قاجەتتىلىگىن تەك ەڭبەك ارقىلى قامتاماسىز ەتىپ كەلەدى. ەڭبەك ادامدى ادالدىق، تاباندىلىق، جاۋاپكەرشىلىك سياقتى قاسيەتتەرگە باۋلىپ يگىلىككە جەتكىزەدى. وسىنداي ادامزات دامۋىنىڭ يگىلىگىنە قاتىستى ەلباسىمىز بارشاعا ءوزىنىڭ «قازاقستاننىڭ الەۋمەتتىك جاڭارتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلاماسىن جاريا ەتتى. بۇل باعدارلاما قازاقستاندىقتارعا جاڭا سەرپىن، جاڭا ءۇمىت سىيلاعانى انىق.

باعدارلاما اياسىندا قاراستىرىلعان تاقىرىپتار زاماننىڭ وزەكتى ماسەلەلەرىنە باسا نازار اۋدارىپ، الەۋمەتتىك جاڭعىرتۋ ساياساتىنىڭ نەگىزىنە شىنايى وندىرىستىك ەڭبەكتى قويۋ مىندەتى ارتىلعان. «بۇل – پراكتيكالىق، پراگماتيكالىق يدەيا. ول ماعان ءتىپتى ەتەنە جاقىن، ويتكەنى، مەن قازاقستاندىقتار جاقسى بىلەتىندەي، ءوزىمنىڭ كاسىبي جولىمدى «اق ساۋساقتار» سەكىلدى كابينەتتە دە، پاركەتتە دە ەمەس، جۇمىسشى-مەتاللۋرگ رەتىندە باستادىم. ال بۇل، اتاپ ايتسام، ناعىز كاسىپ بولىپ تابىلادى!» دەگەن ەلباسىنىڭ بۇل سوزدەرىنەن جاستاردى ەڭبەكتىڭ ءتۇرلى سالاسىن مەڭگەرىپ، قيىندىققا قاراماستان ەڭبەك جولىن وندىرىستە باستاپ، جۇمىسشى مامان بولۋدان باس تارتپاي، ءوز ۇلگىسىن مىسال ەتە وتىرىپ، جاستاردى قاجىرلى ەڭبەك ەتۋگە شاقىردى.

باسەكەگە قابىلەتتى ۇلت بولىپ قالىپتاسۋدا كەيبىر جاستارىمىزدىڭ پسيحولوگياسىندا قالىپتاسقان شەتتەن تىس قاناعاتشىلدىق سەزىمى ەڭبەك جولىندا تابىستى ناتيجەگە قول جەتكىزۋ ءۇشىن تاجىريبە جيناقتاۋعا، جاڭا ماقسات-مۇددەلەرگە، بولاشاققا تالپىنۋعا كەدەرگى كەلتىرەدى. كەرىسىنشە، جاستار ەڭبەك ەتۋدە ۇنەمى جاڭا قارقىنعا، زاماناۋي سۇرانىستارعا ساي بولىپ وتىرۋ ماقساتىندا ءوز-ءوزىن ۇنەمى جەتىلدىرىپ، قامشىلاپ وتىرۋى قاجەت. بۇعان ەلباسىنىڭ «ادام ءوزىنىڭ قايدا بەت العاندىعىن انىق كورگەن كەزدە عانا بيىككە قاراي كۇش-جىگەرمەن ۇمتىلادى» دەگەن سوزدەرى دالەل بولا الادى.

ارينە، نارىقتىق ەكونوميكا زامانىندا باسەكەگە قابىلەتتى بولۋ ءۇشىن باعدارلامادا قاراستىرىلعان ءبىلىم بەرۋ جۇيەسىن جاڭعىرتۋ جونىندەگى قادامدارعا جاۋاپكەرشىلىكپەن قاراۋ ماڭىزدى. باعدارلاما مازمۇنىندا كورسەتىلگەن الەۋمەتتىك جاڭعىرتۋ جولىنداعى ماقسات-تالاپتار يگى باستامانىڭ نىشانىن بىلدىرەدى. «ەڭبەك ەتسەڭ ەرىنبەي، تويادى قارنىن تىلەنبەي» دەپ دانا بابالارىمىز ايتقانداي، ەڭبەك ەتۋ دەگەنىمىز - ءومىر ءسۇرۋ، ءوز تالاپتارىڭدى قاناعاتتاندىرۋ بولسا، جاستاردى ءبىلىم وردالارىنان باستاپ-اق ەڭبەككە باۋلۋ جانە ەڭبەك ەتۋدە ءبىلىمنىڭ الار ورنىن ايقىنداپ كورسەتۋ – ءبىزدىڭ مىندەتىمىز.

قازىرگى زامانداعى عىلىم مەن تەحنيكانىڭ جاھاندانۋ داۋىرىندە ءبىلىم الۋدىڭ ماڭىزدىلىعىن تەرەڭ ءتۇسىنىپ، تەوريالىق بىلىمدەرىن تاجىريبەدە، ياعني وندىرىستە جۇزەگە اسىرۋ ءار ازاماتتان تالاپ ەتىلسە، بارلىق ءوندىرىس سالاسىندا وزىق تەحنولوگيالاردى يگەرۋ ارقىلى ەلىمىز نارىقتا بەلدى ورىن الارى انىق.

سوڭعى كەزدەرى ەلىمىزدە وندىرىستىك مەكەمەلەردىڭ ءجيى اشىلۋى حالىقتى جۇمىس ورىندارىمەن قامتاماسىز ەتە العانىمەن، كەي سالالاردا مامانداردىڭ تاپشىلىعى بايقالادى. راسىندا دا، ءبىلىم ورداسىن جاڭا تامامداعان كەيبىر جاس ماماندار بىردەن بيىك مانساپ پەن جوعارى جالاقىنى قالايتىنى جاسىرىن ەمەس. بىراق بۇل بارلىق سالادا بىردەي مۇمكىن بولا بەرمەيدى. باستى نازاردا كاسىبي شەبەرلىكتى شىڭداۋ، بىلىكتى مامان رەتىندە قالىپتاسۋ تۇرۋى ءتيىس. ادال ەڭبەكپەن كەلەتىن ەڭبەكتىڭ جەمىسى بەرەكەلى، ىرزىققا تولى بولاتىنىن ەسكەرۋ قاجەت.

ەلباسىمىزدىڭ حالىققا ارناعان اتالمىش باعدارلاماسى اۋقىمدى مىندەتتەردى قامتي وتىرىپ، حالقىمىزدىڭ ەڭبەكقورلىعى مەن باسەكەگە قابىلەتتىلىگىن وياتۋعا ۇندەۋ بولارى انىق.

گ.قالاباي، قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتى ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعى عىلىمي قىزمەتكەرى

Abai.kz

 

 

0 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 3187
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 8013