سارسەنبى, 18 قازان 2017
دەپ جاتىر 3092 6 پىكىر 18 مامىر, 2017 ساعات 12:30

Abai.kz-كە قۇلىباەۆ قوجالىق ەتە مە؟

جاقىندا وزبەكستاندىق "فەرعانا" پورتالى قازاقستاننىڭ اقپارات كەڭىستىگىنە شولۋ جاساپتى. دالىرەك ايتساق، قازاقستاندىق باق-قا كىمدەر ەگەلىك ەتىتىنىن جازعان.

"قازاقستاندا 2000-نان استام باق رەسمي تىركەلگەن. جەتكىلىكتى قارجىسى جوق، ماتەريالدىق بازاسى وسال. كوبىنە-كوپ وبلىس ورتالىقتارىندا ورانلاسقان. وزىندىك كونتەنتتەرى جوق، سوندىقتان قوعامدىق ساناعا ىقپال ەتە المايدى. قازاقستانداعى اقپاراتتىق-اناليتيكالىق الاڭدى كوبىنە استانالىق جانە سيرەك تۇردە الماتىلىق باق باسقارىپ تۇر. ولار بەلىگىلى ءبىر توپتىڭ، ۇيىمنىڭ تىكەلەي باقىلاۋىنا الىنعان", - دەپ جازادى

"فەرعانا"."فەرعانا" زەرتتەۋشىلەرىنىڭ پىكىرىنشە، قازاقستاندىق باق بىرنەشە ادامنىڭ يەلىگىنە تيەسىلى ەكەن-مىس.

 

داريعانىڭ مەديا-يمپەرياسى

«فەرعانا» ساراپشىلارىنىڭ مالىمەتىنشە،  قازاقستانداعى ەڭ الىپ مەديا-ماگنات –  پرەزيدەنتتىڭ ۇلكەن قىزى – داريعا نازارباەۆا.

داريعا نۇرسۇلتانقىزىنىڭ مەنشىگىنە:

-«كتك» ارناسى (تولىق باقىلاۋ);

-«نتك» ارناسى (تولىق باقىلاۋ);

-«ەۆرازيا – ءبىرىنشى ارناسى» (مەملەكەتتىك «قازاقستان» تەلە-راديو كورپوراتسياسىمەن ءىشىنارا بىرلەسكەن);

-«ON-تۆ» (تولىق باقىلاۋ);

-MuzzON (ارمانجان بايتاسوۆتىڭ ۇيىمىمەن بىرلەسكەن تولىق باقىلاۋ);

-HIT-TV ارناسى (تولىق باقىلاۋ – د. نازارباەۆانىڭ ۇلكەن ۇلى ءنۇرالى اليەۆتىڭ «شاحار» ۇيىمىنا كىرەدى);

-«الما-تۆ» كابەلدىك تەلەۆيدەنيە (باقىلاۋ);

-ICON كابەلدىك تەلەۆيدەنيەسى (2017 جىلدىڭ ناۋرىزىندا ا. بايتاسوۆتىڭ توبىنا قوسىلعانىنا بايلانىستى تولىق باقىلاۋ);

-«ەۆروپا پليۋس قازاقستان» راديوستانتسياسى (تولىق باقىلاۋ);

-«حيت-FM – قازاقستان» راديوستانتسياسى (تولىق باقىلاۋ);

-«رۋسسكوە راديو ازيا» راديوستانتسيا (تولىق باقىلاۋ);

-«Classic FM» راديوستانتسياسى (تولىق باقىلاۋ);

-«رەترو FM» راديوستانتسياسى (تولىق باقىلاۋ);

-Energy FM راديوستانتسياسى ء(نۇرالى اليەۆتىڭ «شاحار» توبىنا كىرگەندىكتەن تولىق باقىلاۋ);

-«كاراۆان» گازەتى (تولىق باقىلاۋ);

-«نوۆوە پوكولنيە» گازەتى (ميلليونەر راشيد سارسەنوۆپەن بىرىككەن ءىشىنارا باقىلاۋ);

-«Forbes-كازاحستان» جۋرنالى (تولىق باقىلاۋ);

-«موسكوۆسكي كومسومولەتس ۆ كازاحستانە» گازەتى ء(ىشىنارا باقىلاۋ);

-forbes.kz ينتەرنەت-باسىلىمى;

-365info.kz (تولىق باقىلاۋ);

-caravan.kz  مەديا-پورتالى (تولىق باقىلاۋ);

-zakon.kz ينەرنەت-پورتالى;

-nur.kz ينەرنەت-اگرەگاتور ء(ىشىنارا باقىلاۋ) كىرەتىن كورىنەدى.

قۇلىباەۆتىڭ قولىنداعى مەديا اگەنتتىكتەر

«اتامەكەن» قازاقستان پالاتاسى كاسىپكەرلەر پرەزيديۋمىنىڭ باسشىسى تيمۋر قۇلىباەۆتىڭ باق اكتيۆتەرى دە وسال ەمەس. فەرعانا دەرەگىنە كوز جۇگىرتسەك، بۇل باسىلىمداردىڭ قوعامدىق پىكىرلەردىڭ قالىپتاسۋىنا ىقپالى از ەمەس، سونداي-اق مەملەكەتتىڭ ساياسي جانە ەكونوميكالىق شەشىمدەرىن قابىلداۋدا دا ىقپالى زور.

-abai.kz ينتەرنەت-باسىلىمى;

-Atameken Business Chanel تەلەارناسى; -

Central Asia Monitor گازەتى;

-«كاپيتال» گازەتى;

-«كۋرسيۆ» گازەتى;

-«جاس الاش» گازەتى;

-«كومسومولسكايا پراۆدا كازاحستان» گازەتى;

-dialog.kz ينتەرنەت-باسىلىمى;

-sports.kz ينتەرنەت-باسىلىمى;

-contur.kz ينتەرنەت-باسىلىمى;

-better.kz ينتەرنەت-باسىلىمى;

-spik.kz ينتەرنەت-باسىلىمى;

-bnews.kz اقپاراتتىق-اناليتيكالىق پورتالى;

-today.kz اقپاراتتىق اگەنتتىگى;

-kaztag.kz اقپاراتتىق اگەنتتىگى.

قازاقستاندىق مەديا-ماگناتتار تىزىمىندە ۇقك توراعاسى كارىم ءماسىموۆ پەن ميللياردەر بولات وتەمۇراتوۆ تا بار.

 

"فەرعانا"  دەرەكتەردى قايدان الدى؟

وزبەكستاندىق "فەرعانا" اگەنتتىگىنىڭ دەرەكتەرى جاريا بولىسىمەن قازاقستاندىق الەۋمەتتىك جەلى قولدانۋشىلارىنىڭ كۇلكىسىنە قالدى. شىندىققا جاناسپايتىن بۇنداي اقپاراتتى "فەرعانا" قايدان الدى؟ قانداي فاكتىلەرگە نەگىزدەلدى؟ وكىنىشكە وراي اگەنتتىك ساراپشىلارى بۇل جايلى ء"لام-ميم" دەمەيدى.

"فەرعانا" ساراپشىلارى قازاقستاندىق باق-قا تالداۋ جاساعاندا، جاڭساق پىكىر قالىپتاستىرعان.  كوپكە توپىراق شاشىپ قانا قويماي، قازاقستاندىق باق جۇمىسىمەن تولىق تانىس ەمەستىگىن دە اڭعارتتى.

"فەرعانا" تۋرالى ءبىز نە بىلەمىز؟

وزدەرىن حالىقارالىق اقپاراتتىق اگەنتتىك دەپ تانىستىراتىن "فەرعانا" تۋرالى ءبىز نە بىلەمىز؟

2016 جىلعا دەيىن وزبەكستان بيلىگىنىڭ تسەنزۋرالىق ساياساتى كولەڭكەسىندە كونبىس كۇڭنىڭ "دەڭگەيىندە" جۇرگەن "فەرعانا" پورتالىنىڭ باس رەداكتورىن بىر عانا اقپارات ءماشھۇر ەتتى.

دانيل كيسلوۆ دەيتىن ساراپشى "فەرعانانىڭ" باس رەداكتورى. ءدال وسى كيسلوۆ وزبەكستان پرەزيدەنتىنىڭ قازاسى تۋرالى جۇرتتان بۇرىن اقپارات الىپ، ونى رەسەيلىك  سايتتارعا جاريا ەتتى.

وسىلايشا 2016 جىلدىڭ تامىزىنا دەيىن ءۇن شىعارماي كەلگەن "فەرعانا" پورتالىنىڭ رەداكتورى دانيل كيسلوۆ رەسەيدىڭ سارجاعال ساياساتكەرلەرىمەن سىبايلاسا وتىرىپ، وزبەكستاننىڭ پرەزيدەنت اپپاراتى جارسىرىن ۇستاپ وتىرعان اقپاراتتى جايىپ سالدى. "فەرعانانىڭ" تىندىرعانى وسى دەمەسەك، باسقا اۋىز تولتىرىپ ايتارعا سەبەپ تە جوق.

وزبەكستانداعى "فەرعانا" پورتالىنىڭ كرەمل ايتاعىمەن جۇرەتىنى بەلگىلى. اسىرەسە، كرەملدىڭ شولاقبەلسەندى ساياساتكەرسىماقتارىمەن ىم-جىمى ءبىر.شوۆينيستىك ءام باسقىنشىلىق سارىنداعى ماتەريالداردى ءجيى جاريالاپ تۇرادى.

ءدال سوى "فەرعانانىڭ" ءبىر ءبۇيىرلى ماتەريالى ءۇشىن قىرعىز دەپۋتاتتارى سايتتى بۇعاتتاۋدى ۇسىنعان.

كرەمل نۇسقاۋىمەن ازىرلەنگەن ماتەريال

"فەرعانا" پورتالى قازاقستاندىق ميللياردەر تيمۋر قۇلىباەۆتى  "Abai.kz" پورتالىنىڭ قوجايىنى دەپ كورسەتىپتى. بۇل جالعان اقپارات. "فەرعانانىڭ" بۇنداي اقپاراتتى قايدان تاپقانى قۇدايعا عانا ايان. دەگەنمەن، كرەملدىڭ ايتقانىمەن ءجۇرىپ، ايداۋىنا كونەتىن كيسلوۆتىڭ سايتى ءبىر شابۋىلدى باستاپ كەتسە كەرەك.

ەلدەگى قازاقىلىق كوەفيتسەنتى 80 پايىزدان اسۋ، قازاق ءتىلىنىڭ  دومينانت تىلگە اينالۋى ىقتيمالدىعىنىڭ ءوسۋى، مەملەكەتتىك بيلىكتىڭ كيريليتسا جازۋىنان باس تارتىپ، لاتىن الىپبيىنە كوشۋى، قازاقستان مەن وزبەكستان اراسىنداعى بايلانىستىڭ ارتۋى، گەوساياسي جاعدايلار، ۇلتتىق قۇندىلىقتارعا باسا نازار ءبولىنۋى ت.ب. قازاق قوعامىندا ورىن العان سوڭعى وزگەرىستەر كرەملگە ۇناماسا كەرەك. اشىق شايقاسقا شىعا المايتىن ورىس قوجايىندارى گيبريدتىك شابۋىلدى نەگىزگى پروپوگاندالىق ورتالىق - كرەملدىڭ وزبەكستانداعى فيليالى "فەرعاناعا" جاساتىپ وتىرۋى مۇمكىن. ءبىز وسىلاي دەپ تۇيدىك.

نۇرزات توقاجان

Abai.kz

6 پىكىر
Төре 2017-05-20 17:30:57
Әзірше Абайдың ӘРУАҒЫНАН қаймығып жүрген болар ... Тірі болсақ күндердің-күні Абай кз де "БҰҒАТТАЛДЫ" дегенді естиміз! Немесе зорлап сатып алынады! Күтелік ...
Шалхар 2017-05-19 00:22:55
abai.kz. шыныменде Құлыбаевтың медиасы дегенге сенугеде болады. Былтыр жер туралы Абай.кз. кімнің жыртысын жыртқанын білеміз. Сонымен қатар Айдос сарым жақында мемлекеттік мекемеге жұмысқа жегілді емес пе?
Бекжан 2017-05-18 21:43:08
Орыстілді Кулибаев қазақы адамдарға еш ұнамайтыны анық. Абай кз қожайыны Кулибаев деу арқылы Путиндік Ресей бірнеше мақсатқа қол жеткізбек болар. Қазақ халқының және Қазақ Мемлекетінің жанашыры болып жүрген Абай кз сайтына соққы беру. Халықтың Назарбаевтың жақындарына деген жеккөрушілігін күшейту арқылы оларды болашақта өз мемлекетіне қарсы бүлікке дайындау.
Бекжан 2017-05-18 21:42:57
Орыстілді Кулибаев қазақы адамдарға еш ұнамайтыны анық. Абай кз қожайыны Кулибаев деу арқылы Путиндік Ресей бірнеше мақсатқа қол жеткізбек болар. Қазақ халқының және Қазақ Мемлекетінің жанашыры болып жүрген Абай кз сайтына соққы беру. Халықтың Назарбаевтың жақындарына деген жеккөрушілігін күшейту арқылы оларды болашақта өз мемлекетіне қарсы бүлікке дайындау.
жəй Қазақ 2017-05-18 21:11:12
Күдіктену бекершілік, ҚР ақпараттық кеңістік КӨКЕМнің отбасына қарайтыны хақ. Саяси ақуал өзгерсе қалай сөйлеп, кімді ұлықтап кететіні бір Құдайға аян. Кімнің меншігі болса да, сайтты ұсыну форматы өзгергеннен бері, саясаты да өзгерді. Жұмсақ, сарай сайтына айналды, "ұнамсыз пікір" жоғалып кетуі жиіледі. Өткір пікірлі, білімді оқырмандар бар еді ада болды, орнын қиқым-сиқым, "провокаторлар" басуда. Ешкімнің "Басын мүжу" үшін емес, "Ауруын жасырмасын" деп, Ел ішіндегі басқа пікірді жеткізсек Ем болама деген ниет.қана.
Арсен 2017-05-18 13:06:29
Дәл соы "Ферғананың" бір бүйірлі материалы үшін Қырғыз депутаттары сайтты бұғаттауды ұсынған. Сиздин макаланыз еки буйирли екен..

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7653
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 14884