سارسەنبى, 18 قازان 2017
جاڭالىقتار 3904 4 پىكىر 18 مامىر, 2017 ساعات 15:29

اسانوۆ پەن ءمامي ءۇنسىز... ەلباسىنىڭ راقىمشىلىعى ساۋداعا ءتۇسىپ جاتىر

وسى ەل جاقىپ اسانوۆتى وتە جاقسى كورەدى. قايرات ءماميدى قارا قىلدى قاق جارار ءادىل ادام دەپ بىلەدى. قوعامداعى ادىلەتسىزدىككە شىداماعان ءار ادام سول كىسىلەرگە حات جازىپ، ءوز قۇقىقتارىنىڭ بۇزىلىپ جاتقانىن ايتىپ شاعىنادى. بيىلدىڭ وزىندە Abai.kz اقپاراتتىق پورتالىنا ەكى بىردەي كىسى ولىمىنە قاتىستى ماتەريال جاريالاندى. ەكەۋى دە وسى تۇلعالارعا اشىق حات ۇلگىسىندە جازىلىپ، قوعام تالقىسىنا ءتۇستى. ەكى وقيعانى دا زاڭ ادامدارى تىگىسىن جاتقىزىپ، ەلباسىنىڭ تاۋەلسىزدىكتىڭ 25 جىلدىعىنا ارناعان راقىمشىلىعىنا ءىلىپ جىبەرگەن.

(ءبىرىنشى ماقالا: ەلباسىنىڭ راقىمشىلىعىن «ساۋدالايتىنداردى» جازالاۋىڭىزدى سۇرايمىن، اسانوۆ مىرزا!

ەكىنشى ماقالا: قىرقىنان شىقپاعان قىزدىڭ جانايقايى قايرات ماميگە جەتە مە؟).

ادام ءولىمىن راقىمشىلىققا ءىلۋ، وسى ماسەلەگە ەلباسىنىڭ ساياساتىن تىكەلەي كىنالى ەتۋ تەك زاڭ ادامدارىنىڭ عانا قولىنان كەلەتىن ءىس. قر پرەزيدەنتىنىڭ شاپاعاتىن ساۋداعا سالىپ، جابىرلەنۋشى تاراپتىڭ كوز جاسىنا سەبەپشى بولعانداردى جازالاۋعا كەلگەندە ەل ماقتاعان اسانوۆ پەن ءمامي قاۋقار تانىتا الماي قالدى.

قازىر زاڭ قىزمەتكەرلەرى باسقانى بىلاي قويىپ، ەلباسىنىڭ راقىمشىلىعىن ساۋدالايتىندى شىعاردى. بۇكىل قازاقستاندى شۋلاتقان وسى ەكى وقيعاعا قر باس پروكۋرورى جاقىپ اسانوۆتىڭ جوعارعى سوتتىڭ توراعاسى قايرات ءماميدىڭ ءلام دەمەۋىنىڭ استارىندا نە جاتىر؟ باس پروكۋرور مەن سوت توراعاسىنىڭ ۇندەمەي قالۋى – قوعامنىڭ مىنەزىن بىلگەندىگىنەن، بۇگىن شۋلاعان جۇرت ەرتەڭ مۇنى ۇمىتادى دەپ ويلاۋىنان بولىپ وتىرسا كەرەك.

بۇل قۇزىرەتتى قىزمەتتەگى ازاماتتارعا جاراساتىن قىلىق ەمەس. ەلباسىنىڭ اتى اتالعان، ول كىسىنىڭ ساياساتىنا كولەڭكە تۇسىرەتىن ءار ىستە اركىم اباي بولۋى ءتيىس.

جاقىپ اسانوۆ پەن قايرات ءمامي اۋزىنان وت شارپىتىپ سويلەگەندە ۇلتشىل، قانشىل، قازاقشىل ازامات بولىپ كورىنەدى. بىراق، سويتە تۇرا ەلباسىنىڭ راقىمشىلىعىن ساۋدالاپ جاتقاندارعا جاق اشا الماعاندارى ولاردىڭ ازاماتتىق تۇلعاسىنىڭ ەل ويلاعانداي كەمەل ەمەس ەكەنىن كورسەتتى.

بۇل اتالمىش ەكى كىسىنىڭ شىن مانىندە جىگەرسىزدىگىن بايقاتتى. ارينە، ەلىمىزدە مۇنداي قىلمىستار كۇن سايىن بولىپ جاتقانى راس. ونىڭ ءبارىنىڭ ءىسىن باس پروكۋرور مەن سوت توراعاسىنىڭ قاراي الماسى دا انىق. بىراق، پرەزيدەنتتىڭ راقىمشىلىعىنا سىن ايتىلعان كەزدە، اسانوۆ پەن ءماميدىڭ جانى مۇرنىنىڭ ۇشىنا كەلۋگە ءتيىس بولاتىن. ەلباسىنىڭ ادەمى ساياساتىنا كولەڭكە ءتۇسىرىپ، ولگەن ادامنىڭ قانىنان اقشا جاساپ جاتقانداردى جازالاۋدىڭ ورنىنا، باسىن قۇمعا تىعىپ، «مەن ەستىمەدىم، مەن كورمەدىم» دەپ وتىرۋ ىسكەر ادامنىڭ ءىسى ەمەس. ەلباسىنىڭ راقىمشىلىعى قانداي جاعدايدا بولماسىن، ادام ولىمىنە قاتىستى قولدانىلماۋى كەرەك. قازاقستان رەسپۋبليكاسىنىڭ ازاماتىن قاساقانا (ياكي ابايسىزدا بولسىن) ولتىرگەن قىلمىستىنىڭ تىم قۇرىسا بىرەر اي تۇرمەدە وتىرماۋى – بۇكىل جۇيەگە دەگەن نارازىلىقتى كۇشەيتەدى.

ءبىر عانا جاڭاوزەن وقيعاسىن الايىق. التى اي بويى الاڭعا شىققان حالىقتىڭ مۇڭ-مۇقتاجىن ەشكىم تىڭداۋعا قۇلىقتى بولعان جوق. اقىر سوڭى قانتوگىسپەن اياقتالدى. مەملەكەتتىڭ ساياساتىنا دەگەن سەنىمدى سەتىنەتكەن وسى وقيعادان اسانوۆ پەن ماميلەر ساباق الۋعا ءتيىس ەدى.

بۇگىن كىسى ولىمىنە سەبەپكەرلەردى جازادان بوساتساق، ەرتەڭ بۇلدىرشىندەردىڭ تاعدىرىن تاس-تالقان ەتكەن پەدوفيلدەرگە راقىمشىلىق جاسارمىز.

مۇنداي جاعداياتتىڭ ءبارى حالىق كوكەيىنە كەك بولىپ قاتا بەرەدى. ول كەك، اشۋ-ىزا جارىلسا، ونىڭ بارىنە باس پروكۋرور مەن جوعارعى سوت توراعاسىن كىنالار دا كەز تۋى مۇمكىن. وسى ەكى وقيعاعا نارازى تاراپ ەرتەڭ قازاقى جولمەن قىلمىسكەرلەردى جازالار بولسا، ونىڭ وبالى دا جاقىپ اسانوۆ پەن قايرات ماميگە بولارى انىق.

سوندىقتان دا، كەش بولماي تۇرىپ، بۇل تۇلعالاردىڭ بىلەك سىبانعانى كەرەك. كەشە بىزگە اتالمىش ماقالالاردىڭ اۆتورى حابارلاستى. ەكى وقيعاعا دا پروكۋراتۋرا تاراپىنان كومەك بولماپتى.

«ءبىز ءادىل زاڭعا سەنىپ ەدىك. سەنگەن زاڭىمىز سەنىمدى اقتامادى» دەيدى ولار.

سەنىمدەردىڭ اقتالماۋى مەملەكەتتىك دەڭگەيدەگى شەنەۋنىك مىرزالارعا ابىروي اپەرمەيتىنىن ءبىلىپ، وسى ماقالانى جازۋدى ءجون سانادىق. ازىرگە وسىمەن توقتاي تۇرۋدى ءجون سانادىق. دەسە دە بۇل ماسەلەگە قاتىستى ايتارىمىز ءالى دە تاۋسىلماعانىن ەسكەرتە كەتۋدى ءجون سانايمىز.

ءشارىپحان قايسار

Abai.kz

4 پىكىر
Марат Жұмабаев 2017-05-21 01:07:47
Прокуратура Вко Қайырлы күні! Сіздің арызыңызды қарадық. Жақын арада жауап беретін боламыз. Ұнату · Жауап · 1 · 18 Мамыр күні, сағат 9:42 Прокуратура Вко Прокуратура Вко Сіздің, №156334011000005 қылмыстық істі өндірістен тоқтату туралы шешіммен келіспейтіндігіңіз жөніндегі арызыңыз облыс прокуратурасымен қаралып, 27.04.2017 жылы 2-15150-17-07324 санды шығыспен Сіздің мекен-жайыңызға арызда көрсетілген уәждеріңіздің өз объективті дәлелін таппағандығы бойынша бас тарту сипатындағы жауап жолданған. Сол себепті, аталған қылмыстық істі өндірістен тоқтату туралы процессуалдық шешіммен облыс прокуратурасы заңдылығы мен негізділігі бойынша келісті. Осыған орай, прокурорлық ықпал ету актілерін енгізуге негіз жоқ. Қабылданған шешіммен келіспеген жағдайда, аталған жауаптың көшірмесін тіркей отырып, Бас прокуратураға немесе сотқа арыздануға құқылы екендігіңізді түсіндіреміз. ҰнатуКөбірек әсерлердіі көрсету · Жауап · 18 Мамыр күні, сағат 10:39 Марат Жумабаев Марат Жумабаев Жауаптарыңызға рахмет ! Алда ҚПК-тің 183 бабы 1 тармағымен ШҚО Прокуратурасы заңдылықты қадағалау міндеттеріндегі жауапсыздықтары жайындаатап айтқанда аталған қылмыстың БҮРКЕМЕЛЕУІНЕ прокурорлары А.Оспанов пен Нұрсұлтан Маратұлына және ШҚО МКД ЭТҚ не келісімімен жол беріп отырған облыс прокуроры Бағбан Таймбетов әрекет (әрекетсіздігі) туралы мақала шынымен жарияланбақ. Рас.осы күнге дейін аталған лауазымды қызметтегі азаматардың кәсіби біліктіліктеріне СЕНІМ АРТҚАН ЕДІМ. Бірақ,осын-ау қазақтың атпал жігіттері бос белбеу,бір күнгі мансаптың буына семірген пенделер екен." Көрмес түйені де көрмес",-дегендей замандасым Бағбаннан бастап өзгелері құжаттай дәлелденген қылмыстық істі маңызын ұқпағандығы сол, Аягөз ауданы прокуратурасындағы әріптестері анықтаған жайларды ескермегендігімен бағыныштылығын пайдаланып ӨКТЕМШІЛДІКТЕ төмендегі қызметтестерін құрметтемейдігі мен ШҚО Мемлекетті Аудиторлық департаменті 8 675 мың тг бюджет қаржысының жымқырылуын анықтағанына көзжұмғандығы өкінішті.Бәрі-бәрі туралы елдің білгені жөн. Сондықтан мақала : " ҚР ПРЕЗИДЕНТІ Н.НАЗАРБАЕВТЫҢ ЖӘНЕ ҚАЗАҚСТАНДЫҚТАР НАЗАРЫНА "айдарымен ,тақырыбы " ӨСКЕМЕН ВАРИАНТЫ НЕМЕСЕ ӘДІЛЕТСІЗДІК " ТҰМАУЫНА " ШАЛДЫҚҚАН Б.ТАЙМБЕТОВ " аталады. ҚР Бас Прокуроры Ж.Асановқа 5 қайтара шағымданғанымен нәтиже жоқ.Өйткені,ол қанша айтқанмен жерлесі Құрметтң Б.Таймбетов Сізді қорғаштайтыны сөзсіз. ҰнатуКөбірек әсерлердіі көрсету · Жауап · 18 Мамыр күні, сағат 14:19
Марат Жұмабаев Аягөз қ-сы ШҚО 2017-05-21 00:58:14
Құрметті Ж.Асанов мырза ! Сізге сенуден қалдым.Мұндай тоқтамға келуіме мәжбүрлеген ШҚО Прокуроры жерлесіңіз Б.Таймбетовтың басы ашық фактілері дәлелденген қылмыстық істі БҮРКЕМЕЛЕТУІМЕН Елбасы қол қойған заң баптарын белден басуы емес пе.Сізге 5 қайтара Өзімнің уәждерімді жазбаша ХҚКО -нан жолдағанымен Сіздің тарапыңыздан ешқандай шара қолданылған жоқ.Қызметкерлеріңіз Облыс Прокурорының қолы қойылған жауапты қоса жолдаңыз деген жаттанды жауап аламын.Жақында облыс прокуроры Б.Таймбетовтың міндетін атарушының жауабын алдым соған сүйеніп Сізге 6-шы рет арыз шағымымды жолдасам шара қолдансыз ба ? Құрметті Ж.Асанов мырза ! ШҚО Прокуроры басы ашық,фактілері анық қылмыстық істі БҮРКЕМЕЛЕУІНЕ тоқтам жасайсыз ба? Өзіңізге 5 қайтара ХҚКО-нан хат жолдасамды нәтижесіз.Таяуда ШҚО Прокурорының мінтетін атқарушының қолы қойылған жауап алдым,бірақ жауапққа қанағаттанбадым.Егер өзіңіңзге жолдасам шара қолданасыз ба ?Сенуіме бола ма ? Әлде алдыңғылардай жауапсыз қызметкерлеріңіз сырғытпа жауап бере салама.Олардың жауап беретін жөні де бар,өйткені ШҚО Пркуроры Б.Таймбетов Сіздің жерлесіңіз екендігін жақсы білетіндіктен ешқандай шара қолданбайтыныңызды ескереді.
қазақ 2017-05-18 21:40:14
осы екеуі халықтан барған хатты оқи ма екен ? әлде қол астындағылардың бытпырақ дайындап берген қағазына оқымай қол қоя салады ма ?
Дана Қазақ 2017-05-18 16:22:27
КАЗАХСТАНДА АДIЛДIК, ОНДА МЕН ЖАПОН ИМПЕРАТОРМЫН.

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7653
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 14884