سەيسەنبى, 27 ماۋسىم 2017
19 مامىر, 2017 ساعات 10:02 بىلگەنگە مارجان 821 7 پىكىر

ەلدىڭ ەڭسەسىن ەڭبەك كوتەرەدى

قازىرگى عىلىم مەن جاڭا تەحنولوگيا جەتىلگەن زاماندا ەكونوميكالىق دامۋ رۋحاني دامۋدى باسىپ وزدى. بۇگىنگى كۇنى تەك قانا قوعامنىڭ زاتتىق سۇرانىسىن قاناعاتتاندىراتىن، جاپپاي جايلى ءومىردى ناسيحاتتايتىن «دامىعان» ەلدەردىڭ ساياساتى ونىڭ مۇشەلەرىن ءبىر-بىرىمەن بايلانىستىراتىن ادامگەرشىلىك، مەيىرىمدىلىك، قايىرىمدىلىق، وبال، ساۋاپ، قاناعات، راقىم، ادالدىق، كىشىپەيىلدىلىك، ەڭبەكقورلىق سياقتى ادامزاتتىق ىزگى قۇندىلىقتاردى اياقاستى ەتۋدە. رۋحاني دامۋى كەنجەلەگەن قوعام اشكوزدىككە ۇرىنىپ، ازعىندايتىنىنا تاريح كۋا. سوندىقتان، قاي كەزەڭدە دە ادامزات يگىلىگى مەن ەل دامۋىن قامتاماسىز ەتەتىن ەڭبەك تاربيەسىنە كوڭىل ءبولۋ كەرەك.

جاھاندىق داعدارىس ەشبىر ەلدى تاسادا قالدىرمايتىندىقتان، الەم ەلدەرىنىڭ كۇش بىرىكتىرۋىن ۋاقىت تالاپ ەتۋدە. دەگەنمەن، ءاربىر ەل وزىنشە ارەكەتتەنبەي، جاھاندانعان الەمنەن ورتاق ۇستانىم ىزدەپ، وزگەدەن بەرەكەلى باستاما كۇتسە، وندا ۇتىلاتىنى انىق. ەكونوميكالىق تاۋەلسىزدىگىمىزگە دە كولەڭكە تۇسىرگىسى كەلمەيتىن ەلباسىمىز «الەۋمەتتىك جاڭعىرتۋدىڭ جاھاندىق ترەندىن» ويلاپ، «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلاماسىن ۇسىنعانى بەلگىلى.

كەلمەسكە كەتكەن كەڭەستىك كەزەڭنەن قالعان تۇتىنۋشىلىق پيعىل قوعامدا ماسىلدىق پسيحولوگيا قالىپتاستىردى. جاھاندىق داعدارىستىڭ باستى سەبەبى دە الەۋمەتتىك ماسىلدىق بولعانىن ايتا كەلىپ، ۇلت كوشباسشىسى: «جالپىعا ورتاق ەڭبەك قوعامى يدەياسى كوز جەتپەيتىن كوكجيەكتە ويلاپ تابىلماعان. بۇل – پراكتيكالىق، پراگماتيكالىق يدەيا. ول ماعان ءتىپتى ەتەنە جاقىن، ويتكەنى، مەن قازاقستاندىقتار جاقسى بىلەتىندەي، ءوزىمنىڭ كاسىبي جولىمدى «اق ساۋساقتار» سەكىلدى كابينەتتە دە، پاركەتتە دە ەمەس، جۇمىسشى-مەتاللۋرگ بولىپ باس­تادىم»، دەپ «جالپىعا ورتاق ەڭبەك قوعامى» اتتى سىندارلى يدەيا ۇسىندى.

وندا ەڭ ءبىرىنشى تۇتىنۋشىلىققا بەيىمدەلگەن يدەولوگيامەن، جاپپاي ماسىلدىقپەن كۇرەسۋ ءۇشىن ءاربىر قازاقستاندىقتىڭ ەسەلەنگەن ەڭبەگىنە، ەڭبەك ونىمدىلىگى مەن ەڭبەك قۇندىلىعىنا باسا ءمان بەرۋ قاجەتتىلىگى سارابدالدىقپەن تالدانعان. دەمەك، ءاربىر قوعام مۇشەسى «ەڭبەك ەتسەڭ ەرىنبەي، تويادى قارنىڭ تىلەنبەي» قاعيداتىن تەرەڭ ءتۇسىنىپ، ادال ەڭبەك ەتۋگە ارەكەتتەنۋ كەرەك.

مەملەكەت باسشىسى سول باعدارلامادا ۇلتتىڭ باسەكەگە قابىلەتتىلىگىن ارتتىرىپ، ەلدى ۇيىتاتىن ماسەلەلەردى ايقىنداپ، «جالپىعا ورتاق ەڭبەك قوعامىنا» قاراي قادام جاساۋ ارقىلى عالامدى جايلاعان داعدارىستان قورعانۋعا بولاتىنىن جان-جاقتى تالداپ تۇسىندىرگەن.

ەلدىڭ ەڭسەسىن كوتەرەتىن يگى باستامانىڭ ماڭىزىن قوعامنىڭ ءاربىر مۇشەسى ءتۇسىنىپ، الەۋمەتتىك جاڭعىرتۋعا شاماسى كەلگەنشە ۇلەس قوسسا، ول ءوزى ءۇشىن دە، ەلىمىز ءۇشىن دە ءتيىمدى. كىم نە بەرەدى دەپ جالتاقتاعاننان، اركىم قولىنان كەلەتىن ىسپەن اينالىسسا، ءومىرى بەرەكەلى بولاتىنى ايقىن.

الەمدىك وركەنيەتتىڭ بار­لىق قۇندىلىقتارى، مادەني باي­لىقتار ادام ەڭ­بەگىمەن جاسالاتىندىقتان، الەۋ­مەتتىك جاڭعىرتۋ دا ءونىمدى ەڭ­بەكتىڭ ارقاسىندا جۇزەگە اسادى. بۇكىل قوعام ادال ەڭبەككە بەت بۇرىپ، تىنىمسىز ارەكەتتەنسە، ازاماتتاردىڭ تۇرمىسى تۇزەلىپ، مەملەكەتتىڭ دامۋ دەڭگەيى ارتاتىنى ءمالىم. مۇنداي يگىلىككە باستايتىن جول – ماسىلدىقتان ارىلۋ.

الەۋمەتتىك جاڭعىرتۋ بۇكىل قوعامنىڭ، ءاربىر قازاقستاندىقتىڭ ومىرىنە شىنايى وڭ وزگەرىستەر اكەلۋگە باعىتتالعان ناقتى قادامدار جاساۋدى، سونى سەزىندىرەتىن شەشىمدەردى تالاپ ەتەدى. بۇل جاڭعىرتۋ قوعامنىڭ ءاربىر مۇشەسىنىڭ ءومىرىن جاقسارتۋعا باعىتتالعانىن تەرەڭ تۇسىنسە، اركىم ءوزى ءۇشىن قيمىلدايدى. از جۇمىس ىستەپ، كوپ تابىس تابۋ، جان قيناماي بايلىققا باتۋ سەكىلدى الدامشى ويلاردان ارىلىپ، يگىلىككە جەتۋدىڭ وڭتايلى جولدارىن ويلاستىراتىن ۋاقىت جەتتى. ساعىم قۋعانداي الدامشى ەلەسپەن ءجۇرۋدىڭ كۇنى وتكەنىن، اركىم قولىنان كەلەتىن ىسپەن اينالىسىپ، قابىلەتىنە قاراي ەڭبەكتەنسە، ول ناتيجەسىز بولمايتىنىن قازىرگى تاڭدا ءار ادامنىڭ ساناسىنا جەتكىزۋ وتە ماڭىزدى.

«جالپىعا ورتاق ەڭبەك قوعامىنىڭ» باعدارلاماسىندا كورسەتىلگەندەي، الەۋمەتتىك جاڭعىرۋ ءۇشىن قوعامدى يندۋستريالىق-يننوۆاتسيالىق ەكونوميكا جاعدايىنداعى جاڭا ومىرگە دايىنداۋ، قازاقستاننىڭ ۇدەمەلى ەكونو­مي­كا­لىق دامۋى مەن كەڭ كولەم­دى يگىلىكتەرمەن قامتاماسىز ەتۋ جولىنداعى وڭتايلى تەپە-تەڭ­دىك ورناتۋ، قۇقىق پەن ادىلەتتىلىك قاعيدات­تارى­نا نەگىزدەلگەن الەۋمەتتىك قاتىناستاردى بەكىتۋ، سونداي-اق جەكە سەكتور مەن كاسىبي بىرلەستىكتەردىڭ ارىپتەستىگىن جولعا قوياتىن الەۋمەتتىك-ەڭبەك قاتى­ناسىنىڭ ءتيىمدى ۇلگىسىن قۇرۋ ماڭىزدى.

ول ءۇشىن جەرگىلىكتى باسقارۋ ورگاندارى ازاماتتار­دىڭ الەۋمەتتىك باستامالارىن جۇزەگە اسىراتىن ءوز مىندەتتەرىن ادال اتقارىپ، قوعامدى زامانعا بەيىمدەيتىن التىن كوپىر بولعانى ابزال. سونداي-اق، عالامتور مەن اقپاراتتىق تەحنولوگيانىڭ مۇمكىندىكتەرىن ءتيىمدى پايدالانىپ، مەملەكەت پەن حالىقتىڭ اراسىندا تىعىز بايلانىس ورناۋىنا مۇمكىندىك جاساسا نۇر ۇستىنە نۇر. سوندا يننوۆاتسيالىق ەكونوميكانىڭ باستى قوزعاۋشى كۇشى ورتا تاپتىڭ ۇزدىكسىز وسۋىنە، تىڭ يدەيالار مەن ءتيىمدى جاڭالىقتار ويلاپ تاباتىنداردىڭ دامۋىنا جان-جاقتى مۇمكىندىك تۋىپ، ەڭبەك ونىمدىلىگى ارتادى.

ەلباسى جاڭعىرتۋ ءۇردىسىنىڭ تابىستى بولۋىنا قاجەتتى قاعيداتتاردى دا ەۆوليۋتسيالىق (مۇمكىندىكتەردى پايدالانا وتىرىپ جۇيەلى دامۋ), ورتاق جاۋاپكەرشىلىك (مەملەكەت قانا ەمەس، جەكەمەنشىك قۇرىلىمدار مەن جالپى قوعام), ارىپتەستىك قارىم-قاتىناس (مەملەكەتتىڭ، قوعامنىڭ جانە جەكە ادام مۇددەسىنىڭ تەپە-تەڭدىگى), ىنتالاندىرۋ (ازاماتتاردىڭ مۇمكىندىگى جەتپەيتىن جاعدايدا عانا مەملەكەتتەن جاردەم الىپ، قولىنان كەلەتىن شارۋانى ءوزى اتقارۋى، مەملەكەتتىڭ تابىستى ەڭبەكتى قوعامدىق ىنتالاندىرۋى), كاسىبيلىك (شەشىم قابىلداماي تۇرا، ەگجەي-تەگجەي ەسەپ جۇرگىزىپ، عىلىمي دالەلدەنگەن الەمدىك تاجىريبەنى وقىپ-ۇيرەنۋ) جەكە-جەكە تالداپ، ماڭىزىن  ءتۇسىندىردى.

جوسپارلانعان جۇمىس جۇيەلى جۇزەگە اسىپ، ناقتى ەكونوميكالىق تابىستار اكەلەتىن جاڭعىرتۋعا، ول جاڭعىرتۋ يندۋستريالىق-يننوۆاتسيالىق دامۋعا نەگىزدەلسە عانا جەمىستى بولاتىنى جالپىۇلتتىق تۇجىرىمدامادا ايتىلعان، يندۋستريالىق-يننوۆاتسيالىق دامۋسىز ەشقانداي جاڭعىرتۋ بولمايتىنىن قازىر كوزى قاراقتى، كوڭىلى وياۋ ادامنىڭ ءبارى تۇسىنسە كەرەك.

حالىقتىڭ ءال-اۋقاتىن جاقسارتىپ، ەلدى كوركەيتۋدىڭ ەڭ توتە جولى – توتاليتارلىق جۇيە قالىپتاستىرعان جاپپاي تۇتىنۋشىلىق پيعىلمەن جانە ماسىلدىق سانامەن كۇرەسۋ. ۇلتتىق رۋحانيات پەن ەلدىڭ ەكونوميكالىق تۇراقتى دامۋىنا نەگىز بولاتىن جالپىادامزاتتىق قۇندىلىق – ەڭبەكتى الدىڭعى ورىنعا قويىپ، مازمۇنىن قايتا جاڭعىرتۋ مەملەكەت ءۇشىن ماڭىزدى. ەڭبەك – ەلدىڭ دە، جەكە ادامنىڭ دا ءوسىپ-وركەندەۋىنىڭ كەپىلى.

«جال­پىعا ورتاق ەڭبەك قوعامى» يدەيا­سى قوعامدى دامىتاتىن ەڭبەككە باسا ءمان بەرىپ، ەل يگىلىگى مەن جەكە باستىڭ اۋقاتتى ءومىرىن قامتاماسىز ەتەتىن قاجىر­لىلىققا شاقىرادى. حالىقتىڭ ءال-اۋقاتى جاقسى بولسا، مەملەكەتتىڭ دە كەلەشەگى كەمەل بولاتىنى بەلگىلى.

سوڭعى جىلدارى ەلدەگى وندىرىستەردىڭ كوپتەپ اشىلۋى جۇمىس ورىندارىنا دەگەن سۇرانىستى قاناعاتتاندىرعانمەن، كەيدە مامان مەن جۇمىسشى تاپشىلىعىنا قاتىستى ماسەلە تۋىنداپ جاتادى. وسى ورايدا ەلباسىنىڭ: «ەگەر ءبىزدىڭ قا­بىلەتتى ۇلت بولعىمىز كە­لەتىندىگى راس بولسا، بۇل پسيحو­لوگيادان ارىلۋ قاجەت! جاڭا بىلىك­تىلىكتى مەڭگەرۋ جانە زاۋىت­قا، ءون­دىرىسكە بارۋ كەرەك. قازاقستاندىق جاس بولسىن، ەرەسەك بولسىن بوس وتىرىپ، ءبارىن سىناي بەرمەي جۇ­مىس بار جەرگە، ناپاقا تاباتىن جەرگە قاراي ۇمتىلۋلارى كەرەك!» دەگەن پىكىرى ويعا ورالادى.

جالپى، ترانسۇلتتىق كومپانيالاردىڭ الەمدىك نارىقتى مەيلىنشە از ۋاقىتتا بارىنشا كەڭىنەن جاۋلاپ الۋعا جانتالاسا ۇمتىلۋى، جاھاندىق ءىرى مادەنيەتتەردىڭ ۇساق مادەنيەتتەردى جۇتىپ قويۋ قاۋپىنىڭ ۋاقىت وتكەن سايىن ارتۋى، ەكونوميكالىق تاۋەلدى ەلدەردىڭ ءوز ءتىلى مەن ءدىلىن، مادەنيەتى مەن بولمىسىن ساقتاپ قالۋ قابىلەتى السىرەپ بارا جاتقان مىنا زاماندا قازاقستاننىڭ دا جارقىن بولاشاققا تەك ەكونوميكانى دامىتۋمەن عانا جەتۋى مۇمكىن ەمەس ەكەنىن ءتۇسىنىپ، ەكونوميكالىق دامۋعا كۇش بەرەتىن رۋحاني قۋاتتىلىقتى ارتتىرۋعا ءاربىر قازاقستاندىق ۇلەس قوسۋى ماڭىزدى. ول ءۇشىن قوعامنىڭ ەڭبەكشى كۇشىنىڭ ساناسىن جاڭعىرتىپ، قوعامدىق سانانى وزگەرتۋگە ۇمتىلۋ كەرەك. قوعامدىق سانانى وزگەرتۋ – قوعامدى وزگەرتۋمەن بارا-بار، سوندىقتان قوعامدىق سانانى وزگەرتۋگە ىقپال ەتەتىن قازاقتىڭ ۇتىمدى سوزدەرىن ورنىمەن جۇمساپ، حالىققا تۇسىنىكتى ءارى جۇيەلى جەتكىزۋ ماڭىزدى. نارىقتىق ەكونوميكاعا بەيىمدەلگەن قوعامدىق قاتىناستاردى رەتتەۋ بارىسىندا ەڭبەككە باسىمدىق بەرۋ جەكە ادام ءۇشىن دە، قوعام ءۇشىن دە ءتيىمدى بولاتىنىن قاراپايىم حالىققا قاراپايىم تىلمەن ءتۇسىندىرۋ قاجەت. وزىنە پايدالى نارسە ۇعىمدى سوزبەن ايتىلسا، كەز كەلگەن ادام قۇلاق تۇرەدى.

«جالپىعا ورتاق ەڭبەك قوعامىن» قۇرىپ، كوپشىلىكتى ءوزى ءۇشىن دە، ەلى ءۇشىن دە ءونىمدى ەڭبەككە جۇمىلدىرىپ، ونىڭ ناتيجەسىن بۇكىل قوعامنىڭ ورتاق يگىلىگىنە پايدالانۋ ءۇشىن ءوتىمدى ويلاردى جۇيەلى سوزبەن جەتكىزە ايتۋدىڭ ماڭىزى زور. ويتكەنى، قازىرگى زامانداعى باستى ماسەلەلەردىڭ ءبىرى – ءوز يدەيالارىڭدى تىڭداۋشىلارعا ورامدى تىلمەن جەتكىزە ءبىلۋ. ۋاقىت سۇرانىسىنا لايىق، زامان تالابىنا ساي بولۋ ءۇشىن دە قوعامعا قاجەتتى وسى بىلىكتىلىكتى اركىم ءوز بويىندا دامىتىپ، سويلەگەندە نەگىزگى ءۇش ماقساتتىڭ ورىندالۋىن ء(تۇسىندىرۋ، سەزىمىن وياتۋ، تولقىتىپ-تەبىرەنتۋ) قاداعالاۋ كەرەك.

ۇلتتىق قۇندىلىقتار مەن قوعامدىق وزگەرىستەردى ساباقتاستىرىپ، ءۇردىستى ۇزبەي، ءداستۇردى بۇزباي، ءتىلدى شۇبارلاماي، ەڭبەككە يكەمدى ۇرپاقتى تاربيەلەۋ ءۇشىن جۇيەلى ءسوزدى ورنىمەن قولدانا ءبىلۋ – ۋاقىت تالابى. اقىل-وي تاربيەسىنىڭ باستاۋ-بۇلاعى ءسوز ونەرى السىرەسە، ۇلت تا السىرەيدى. ءسوز – قازاق ءۇشىن قۇدىرەتتى كۇش. وسى كۇشپەن وسكەلەڭ ۇرپاقتى رۋحاني بايىتىپ، ادال ەڭبەك پەن كاسىپكەرلىككە جۇمىلدىرۋ – قاي جاعىنان العاندا دا ءتيىمدى.

ءسوز سالماعىن ۇعىنعان قازاق – تابيعاتىنان ەڭبەكسۇيگىش حالىق! جانى تازا، نيەتى ادال قازاق ارام جولمەن تابىلعان ناندى داستارقانىنا قويماعان، كۇدىكتەنسە، بوتەننىڭ داستارقانىنان ءدام تاتپاعان. اللا مولىنان نەسىبە بەرسە، شۇكىرلىك ەتىپ، از بەرسە، قاناعات قىلعان. «ەڭبەك ەتپەگەن ءىشىپ-جەمەيدى» دەگەن بابالارىمىز ارامتاماقتاردى «جالقاۋدىڭ جانى – ءتاتتى» دەپ مىسقىلداسا، وزگەنىڭ ەڭبەگىن پايدالاناتىنداردى «ارامتاماق» دەپ باعالاعان.

دانا حالقىمىز «ەڭبەكتىڭ نانى – ءتاتتى» دەپ ماڭداي تەرمەن، ادال ەڭبەكپەن كەلگەن نەسىبەنىڭ بەرەكەلى بولاتىنىن مەڭزەسە، ادال ەڭبەكتىڭ راقاتىن «بەينەت ءتۇبى – زەينەت» دەپ تۇجىرىمداعان. سەبەبى اۋا-رايى سان قۇبىلعان، تابيعاتى ءار قيلى – ءشولى مەن شولەيتى، باتپاعى مەن تاۋى، ورمانى مەن ويپاتى بار كەڭ دالانى ءومىرى مەن كاسىبىنە بەيىمدەۋ ءۇشىن بابالارىمىز بەل شەشپەي ەڭبەكتەنگەن. دەمەك، ۇلان-بايتاق جەرىمىزدى اتا-بابامىز اق نايزانىڭ ۇشىمەن، اق بىلەكتىڭ كۇشىمەن ساقتاعان. اينالىسقان كاسىبى مال بولعان سوڭ، ونىڭ قيلى قيىندىقتارىنا ءتوزىپ، ءشول دالادان قۇدىق قازىپ، قىسى-جازى ەڭبەك ەتكەن. دالا قازاعى ءۇشىن ءتورت تۇلىكتى كۇتىپ-باعىپ، مال باسىن ارتتىرۋ، اسىل تۇقىمدىلارىن كوبەيتۋ، كيىز ءۇيدىڭ جاساۋ-جابدىعىن ازىرلەۋ، ال قالا قازاعى ءۇشىن قالا سوعۋ، ديقانشىلىق جاساۋ، باۋ-باقشا سالۋ ت.ب. سەكىلدى ەڭبەك تۇرلەرى اتا-بابامىزعا تاڭسىق بولماعانىن تاريحشى، ارحەولوگتارىمىز دالەلدەپ كەلەدى. تاريح تولقىنىمەن ۇرپاقتار اۋىسقانىمەن، جاسامپاز حالىق ۇلتىنىڭ اسىل قۇندىلىقتارىن ارداقتاپ، كەيىنگىگە قالدىرىپ وتىراتىنى – ءومىر زاڭدىلىعى.

ءاربىر قوعام مۇشەسى «جالپىعا ورتاق ەڭبەك قوعامى» يدەياسىنىڭ تيىمدىلىگىن ءتۇسىنىپ، حالقىمىزدىڭ قانىندا بار ەڭبەكسۇيگىشتىكتى قايتا جانداندىرسا، وزىنە دە، قوعامعا دا پايدالى بولماق.

حالقىنىڭ قامىن ويلاپ، كەيىنگىگە ولمەس مۇرا قالدىرعان قازاقتىڭ الەمدىك دەڭگەيدەگى ۇلى اقىنى ابايدىڭ:

«سەنبە جۇرتقا تۇرسا دا قانشا ماقتاپ،

اۋرە ەتەدى ىشىنە قۋلىق ساقتاپ،

وزىڭە سەن، ءوزىڭدى الىپ شىعار،

اقىلىڭ مەن ەڭبەگىڭ ەكى جاقتاپ»، دەگەن دانا تاعىلىمىن وسكەلەڭ ۇرپاق جادىندا ساقتاپ، ادال ەڭبەككە بەيىمدەلسە، زامانا كوشىنەن قالماي، ەلىمىزدىڭ ابىرويىن اسقاقتاتا تۇسەتىنى انىق.

س.ا.دۋاناەۆا، ف.ع.ك.، قر دىاقم ءدىن ىستەرى كوميتەتى دىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ عىلىمي حاتشىسى

Abai.kz

 

 

 

 

7 پىكىر
Алмагуль апай 2017-05-23 22:32:46
Саясатты толық білу, түсіну де тек парыз жолында еңбектеніп жүргеннен келедідеп отыр бұл авторымыз. Қазір саясаттың заманы болғандықтан өмірге бір жақтама саясатпен ғана күшті мемлекет бола алмайсың,оған ұлттық артықшылығың мен қазіргі артықшылығың қосылып,күшті держава -мемлекет болу үшін, артықшылығымызды жөнді көрсете алуымыз керек. Ол да шынайылық еңбек арқылы келеді. Тіптен өткен кеткен сыншыл болған Кеңестегі кесіп айтушылықпен ешкімді түзете алмаспыз, себебі ол тек сол системада ғана жарасымды еді, халықтың бой түзетіп,сенген нанымы да басқа еді. Сол кездегі саясатшылдықпен әлде де міндет алған коммунистше, әр қайсымыз міндет артып,өзгешеленіп, тек қарсыластарды көбейту методикасы көп болып, халықтың әр басындағы қиялын жандандырып та сөндіріп те әлі "общесто" деп жүрудеміз!? Әр біреуіміз дерес,дұрыс қимылдап,содан барып дұрыс қоғам болсақ дегені өте реалды бұл жүйеде. Бүл адамымыз жанды сөзді жұмсақ политикамен айтып отыр қайта . Ендеше мың сан түрлі саясатты секунд сайын айыра білгеніміз дұрыс деуде қазіргі білімділер. Мейлі құлықтылығы болсын, мейлі басқасы болсын сол саясатты айыру ғана емес, сол жолдаған саясатымен де жауап алып, жауап бере алатын заман туса неге оларды да,тілімен бірге түсіну үшін қақпанға құр түсе бермей, құр бекері қасқырша күштіміз көк бөріміз дей бермей ,тірі жан тіршілігін қазіргі жоғарғы тілектегі адамша еңбегімен жасай беруі ықтимал ғой!!? Тіптен барлық жаны барлар да ертеңгі тамағын ертеңге жасырады ғой!!?? Тілін білгеніміз, жеңілмегеніміз болар едік қайта дос болып,дәл солай айыра біліп , жауапты бере алып, жауапты ала алып та алғанымыз да шарт екен . Құр елдің өсегі мен өтірік өлшемі бар саясаттың көлемін арттыра бермей, өз еңбегіңмен арпалысып, білімділігіңмен мемлекетіңді тұрақтандыра алсаң ғана ,ондайларды шебер саясаты бар халық дейді екен. Капитализм саясатының тереңдігін, жан- жақтылығын, реалдылығын Өзбек туысқан елімізде, бізден бұрын түсінгені болар ендеше . Бар нәрсеңді жоқ демей, дұрысты бұрыс демей , шынайы/искренность/ көңілді болғандықты- мінезді бұзық демей өз пайдаңа қисайтпай фактылы ойға жақындап, инемен құдық қазғандай,оқып, тоқып ғалымдарша түсіне білген уақыт келді міне. Болмасаңда болып бақ деген дана атамыздың да терең ойлы өсиетінде -тек еңбектен дегені екен,, Тек терең шынайы болатын фактылы оймен ,жұмсарта айта отырып, ашықтан ашық өз ойыңмен әсіресе ішкі саясатты жөндей білуіміз қажет екен. Қазақстан халқы болып, содан кейінде сыртқы саясатты да тек таза еңбегіңмен таба білу деген сөз, қай саладан болмасын еңбек тек сізді қорғайды деп отыр. Әр АДАМЗАТ БАСЫНДА бір жаман қиял ЗАТЫ көбеймеуі үшін, білімсіз адамға ұқсамай, еңбектене беріп, мықты болуымыз шарт екен... Ол жағы да тыраншалықпен, құр өтірік өсекпен емес, басты істетететін тереңшілдік оймен -сүзе алатын еңбегіңмен,жалпылық системасы бар адал ойыңмен, еліңді күшейте аласың екен, бұл реалды системада да әлі де Жер бетінде солай!! Бұрмалап,тіптен ондай еместі жоғарылата берсең ауруға ғана шалдырасың өзіңді де басқаны да, ол да үлкен тылсым дүниедегі жаман инерция әдеті, ол тек трагедиясы бар позитивті емес қарау күнге айналады екен . Капитализм дегі шынайы достық тек терең ойшылдықпен бола алады, сізді басқа жолға салу үшін де.ол еңбекпен де терең оймен келеді , сол терең дікте батып кетпей, жүзе білгеніміз шарт екен онда. Ата- бабамыз сондықтан да адамдарын шашыратпай,бұрмалатпай өтірікпен жау болғансытпай барлығы өзіміздікі деп біріктіре отырған, сырт көзгеде саясатын державалыққа айналдыра алған.. Оның барлығы тек еліңдегі әрбір адамдармен бірге үлкендеріміздің жауапты,парызды ортақ милы қызметімен біріккеннен ғана келген,ендеше мақтануға тұрарлықтай еңбектеріміз тек терең ойлы еңбекпен келген соны айтып отыр дана атамыз да басқаларымызда!!!? Президентіміз де және оның семьясы да еңбегімен жүрсе де жаман адамдарға тіптен жатпағаны болар, көп сансыз жақсылығы мол болғандықтан қадірін кейін ғанабілерсіздер осал емес саясатымен шындығын уақыт пен Құдірет эволюциясы көрсетер болар. Маңдайға біткен бір туар жаңа, күшті де , таза ойлы еңбегін -қазақ еңбегін, кішкене балаша бағалай алмау да ауырдың үстімен жүргеніміз болар... Үлкен су кемесінің қадіріне ұқсатып, жамандай бермей уйіңді бала шағаңа арнап, соның рухы мен адами түсінігін түзей беруіміз қажет қай жағынан болса да, қай мемлекетте болсаңда, жөнді МЕМЛЕКЕТ АТАНУЫҢ ҮШІН ТЕК ЕҢБЕК АРҚЫЛЫ КЕЛЕМІЗ ДЕ ТҰРАМЫЗ!! !!?? Ол деген сөз халқыңды көбейтумен бірге , бір- бірімізбен сиыса алатын /ерте де болсын қазірде болсын/ біріміз дос , біріміз нағыз қазақ та болып және де болуымыз қажет екен. Майдалықпен күндей беріп, өтірікпен өсегімен құтырта бермей , сиысу амалын да таба алуымыз қажет еді сонда біздер де көп болар едік... Әрі сол алған білімімізбен де көп алтын қоры мен бриллиант материяларды көбейте беріп күшті мемлекет болар елдік, себебі Құдіретт күші де берген екен БҰЛ ЖЕРІҢДІ. Атамыздың еңбектерін қасиеттілікпен бағаласаңыз, -БІЗ БАТЫРЛЫҒЫМЫЗБЕН ҚОРШАДЫҚ ДЕП ҚҰР БОСҚА АШЫТКАН НАНДАЙ КӨТЕРІЛЕ СӨЙЛЕГЕНШЕ практикада көрсетіп, өте көп байлығымызды,мұнайымызды ашып байыр едік сол ми еңбегімен бірге күш еңбегімен бірігіп жүрер едік . Келесілерімізге жоғарыдағы еңбектеріне өтірік сын айта алғандылық ол тыраншалық қой құр бекер, одан да сол өркенниетті мемлекеттердің тіптен қулық пен құлықтығы да бар болсада теориясымен практикасын үйрене алсақ қой еш болмаса. Ақша мол болу үшін,ақшаны табатын адамдар бар жерде тіптен Жер философиясымен пенделікке жаралған ақшаларыңыз кей кезде қулықпен де келеді. Оны қазіргі жұмсақ саясат дейді.. Еш болмаса құр сөзбен емес бата беріп жүре алсаң ,ол шеберлік батаңды практикада орындап отырсақ қой дегені де онда... ӨМІР КӨРСЕТУДЕ кімнің кім екенін,бір өркен ниетті қаланың санындай ғана мемлекет саны болып отырып, көкірегіміз текірек қағып,өз өзіңнен буына бергенше сиыса алмай, оны да жарытпай отырғанымыз өзіміз ендеше, өнеріміз болған мал бағуды да басқаларымыздың жарытып жатқаны шамалы, тағы да бөлінген үкімет ақшасы өте көп болғаны сонша киіктерді де басқаны да микробтан, удан залалдандыру дегенді үмытып, тек еңбектену дегендібілмей келдік, тек қалтамызды ойлап......?!... Бірақ өтірікпен ,көре алмаушылықпен,өшпенділікпен бірінші жау болуға ұста болып, өзімізді айтылған бос сөзбен ғана айқайлап көпсіп мақтанып ,/елі де әлі түсінбейді оны,нені нендей жетістік рухын мақтанып жүргенін/ болдыра алмағанбайлығымызбен, санымызбенде жарытып көбейтеміз деген ойлармен құр жалаңдаған бір ғана сөзбен әлек болып, біреудің таза жолын кесіп те тастап, иықтасуға шеберлікпен жүргеніміз сонша , қайтадан феодалдық дәуірмен де дос болып, өтірікпен бір бірімізді мұқата қалғандай күш алып сондай майдалық өмірден нәр алып, қазанымызды дер кезінде жабумен жауып тынышталып, тіптен сіңірімізді мәңгілікке созып жүргеннен көбейтпей көбеймей , біздер әлі де көбіміз ғасырларға баратын ұйқыдамыз!!?? Бірақта барлық саладан біздердің құр бос баркемшіліктерімізді 65-70 % тегі аянбаған еңбек адамдарымыз барлық арқаланған ауыр еңбегімен жауып отырып,/ білімі де , таза халық еңбегіде үлкен күш болса ,/ әр адамның бір өзі мыңын жеңе алғандықтанда еңбектері асылданып, мемлекетімізді шеберлік пен қорландырып , нағыз бриллиантша асылдылығын тездікпен көрсетуде !!! Авторымыз өте дұрыс мәселе құрып отыр кайта, әлі де манаусыраған - сеңді қозғау мықты сөздеріне мыңда бір рахмет екен, қалғаны да болса көштен қалмаса екен деп,жан дүниесі рухталған адамдарымыз жүзге жете беріп , мол болса екен деп отыр!!!?
Серік Әлиханұлы 2017-05-23 09:53:11
Автор өз мақаласында қоғам мүшелерінің әрқайсысының қолынан келетін іспен айналысып, қабілетіне қарай еңбектенсе оның өмірінде үндестік болатынын, бақытқа қол жеткізетінін меңзейді. Қоғамдық сана және адал еңбек тәрізді маңызды мәселелерді көтереді. Алайда, оқырмандардың кейбірі негізгі ойды бұра тартып, тисе терекке, тимесе бұтаққа деген ниетте пікір қалдырыпты. Құрметті отандастар! Кез-келген мақалаға пікір қалдырардан бұрын ойланып алайық. Лақап атты жамылып алып, аузымызға келгенді жаза бермейік. Егер біреуге жақсылық жасау қолымыздан келмесе, онда ісімізбен де, сөзімізбен де ешкімге жамандық жасамайық. Біреудің көңіліне келетін сөз жазсам, кешірім өтінемін...
Абдусамат 2017-05-23 09:19:54
МАҚАЛА ЖАҚСЫ ЖАЗЫЛЫПТЫ. ТҮСІНІКТІ ТІЛМЕНЕН ЖҮЙЕЛІ ЖАЗЫЛЫПТЫ. РАХМЕТ САЛИХА АПАЙ.
Нұрғали 2017-05-23 09:13:31
"Рухани дамуы кенжелеген қоғам ашкөздікке ұрынып, азғындайтынына тарих куә" - депті мақала авторы. біз қазір кім болып барамыз? Екі аяқты, жұмыр басты пенді әр сәт ойлану қажет. Қайдан келіп, қайда кетіп бара жатқанын. Қоғам ешуақытта азбайды. Қоғамды аздыртатын адам. Абай тілімен өрнектесем "қарны тоқ, жұмысы жоқ, аздырар адам баласын" деген қанатты сөзін тілге тиек етуге болады. Елдің жүгін арқалаған Елбасы «Жалпыға ортақ Еңбек Қоғамының» бағдарламасын бекерден бекер жоспар етіп бекіткен жоққой. Кейбір бауырларымыз неге сонша жат пікір айтуға асықты екен. Адам дегеннің ақылы болса мақаланы дұрыстап оқып, санасы болса саралап барып пікір жазбайма? "Төре" деп өзіне жалған ат қойып, теріс пікіріңіз қалдыруға Құдайдан қорықпайсызба? "Жақсы сөз жарым ырыс" деген даналар. Келер ырыстың жолын кеспесең жақсы болар еді, бастысы өзіңе! Салиха Дуанаеваның жасына жетіп, ғылым жолын игергеннен кейін барып салихалы пікір қалдырарсыз. Ретсіз, жүйесіз пікір қалдыра бермей....
Че 2017-05-19 19:29:44
***Халқының қамын ойлап, кейінгіге өлмес мұра қалдырған қазақтың әлемдік деңгейдегі ұлы ақыны Абайдың:*** Ата бабамыз өлең жазып өлмес мұра кең байтақ қазыналы жерді президент оның туыс жақындарына олигархтарға қалдырыптыма Дуанаев мырза ??? Қазақтың соңғы 100 жыл көрген қуғын сүргін озбырлық отаршылдықтың азабын көргенін бүгінгі күнде ашкөз билік бағаламай халықтың еңбек жалақысын осыған сай қылмай бəрі далбаса сөз.
Курылысшы 2017-05-19 17:35:33
Егемберди енбек етеди,Рахымберди рахатын кореди!
Төре 2017-05-19 15:46:11
"Елдің еңсесін еңбек көтереді". Осы ӘЛЕМДЕ теңдесі жоқ "іргелі" ғылыми жаңалығыңызды ашып, негіздегеніңіз үшін ф.ғ.к. атағын алған боларсыз?

ۇزدىك ماتەريالدار

انىق

ولار قالاي بايىدى؟

رۋسلان احماعانبەتوۆ 18720