سارسەنبى, 18 قازان 2017
جاڭالىقتار 1090 0 پىكىر 18 شىلدە, 2017 ساعات 10:41

رۋحاني جاڭعىرۋ: ادامي كاپيتال ساپاسى

الماتى قالاسىندا قازاقستان رەسپۋبليكاسىنىڭ تۇڭعىش پرەزيدەنتى قورىنىڭ جانىنداعى الەمدىك ەكونوميكا جانە ساياسات ينستيتۋتى (اەسي) «جاڭعىرۋدىڭ باستى فاكتورى رەتىندەگى ادامي كاپيتال ساپاسى» تاقىرىبىندا دوڭگەلەك ۇستەل ءوتتى.

دوڭگەلەك ۇستەلدىڭ ماقساتى – ادامي كاپيتالدى دامىتۋ بويىنشا مەملەكەت تاراپىنان اتقارىلىپ جاتقان باعدارلامالاردىڭ جۇزەگە اسۋ ناتيجەلىلىگىن كەشەندى ءارى وبەكتيۆتى تۇردە قاراستىرۋ، ەلىمىزدىڭ الەۋمەتتىك-ەكونوميكالىق جانە قوعامدىق-مادەني جاڭعىرۋىن جۇزەگە اسىرۋ اياسىنداعى تۇيتكىلدى ماسەلەلەر مەن ولاردى شەشۋ جولدارىن قاراستىرۋ.

قازاقستاندا ادامي ءال-اۋقاتتىلىقتى ارتتىرۋ ماسەلەسى مەملەكەت دامۋىنداعى نەگىزگى مىندەت بولىپ تابىلىپ، باستى ستراتەگيالىق قۇجاتتاردا كورىنىس تاپقان. مەملەكەت باسشىسىنىڭ 2015 جىلى جاريا ەتىلگەن «ۇلت جوسپارى – بەس ينستيتۋتسيونالدى رەفورمانى جۇزەگە اسىرۋ بويىنشا 100 ناقتى قادامىندا» ەسدۇ ستاندارتتارىنىڭ نەگىزىندە ادامي كاپيتالدى دامىتۋ باستى مىندەتتەردىڭ ءبىرى رەتىندە اتالعان. 2017 جىلى پرەزيدەنتتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا قازاقستاندا ادامي كاپيتالدىڭ ءال-اۋقاتىن ارتتىرۋعا باعىتتالعان بىرقاتار مىندەتتەمەلەر كورسەتىلگەن بولاتىن.

ادامي دامۋدىڭ حالىقارالىق رەيتينگ-يندەكسىنە ساي قازاقستاننىڭ پوزيتسياسى ايتارلىقتاي ورنىقتى، سەبەبى، ەلىمىز ادي دەڭگەيى جوعارى مەملەكەتتەردىڭ قاتارىنا كىرەدى. 188 مەملەكەت كىرەتىن تىزىمدە ءبىزدىڭ ەلىمىز بەل ورتادان ورىن العان. جالپى العاندا، 2015 جىلعى كورسەتكىشتەر بويىنشا قازاقستاننىڭ دامۋ دەڭگەيى وزگە ورتا ازيا ەلدەرىنەن كوش ىلگەرى، الايدا، پوستكەڭەستىك بالتىق ەلدەرىمەن ءالى دە سالىستىرۋعا كەلمەيدى.

ادامي كاپيتالدى قالىپتاستىرۋعا مەملەكەتتىڭ دەنساۋلىق ساقتاۋ، ءبىلىم بەرۋ مەن كاسىبي دايارلاۋ جانە وزگە دە سالالارىنداعى ساياساتى ىقپال ەتەدى. سونىمەن قاتار، بۇل سالاداعى زەرتتەۋ ناتيجەلەرىنە سۇيەنسەك، ناتيجەلى قالىپتاستىرۋ مەن قولدانۋ شارتتارى نەگىزىندە ادامي كاپيتال ەكونوميكالىق ءوسىمنىڭ ىرعاعى مەن ساپاسىنا وڭ اسەر ەتۋى مۇمكىن.

دوڭگەلەك ۇستەل اياسىندا كەلەسى سۇراقتار تالقىلاندى:

- ادامي كاپيتالدى دامىتۋعا ارنالعان مەملەكەتتىڭ كۇش-جىگەرى مەن ينۆەستيتسيالارى قانشالىقتى وزەكتى؟

- قازاقستاندا ادامي كاپيتالدى دامىتۋعا قانداي فاكتورلار توسقاۋىل قويادى؟

- بۇل سالاداعى جاعدايدى جاقسارتۋ ءۇشىن مەملەكەت تاراپىنان تاعى قانداي شارالار قولدانىلۋ قاجەت؟

دوڭگەلەك ۇستەل جۇمىسىنا قازاقستاننىڭ عىلىمي-زەرتتەۋ مەن اناليتيكالىق قۇرىلىمدارى سالاسىنداعى بەلگىلى ساراپشىلار، سونداي-اق، حالىقارالىق ۇيىمدارداردىڭ وكىلدەرى قاتىستى، ولاردىڭ قاتارىندا: ايدارحان قۇساينوۆ (قر ۇلتتىق بانكى توراعاسىنىڭ كەڭەسشىسى), جانار جاندوسوۆا («ساندج» زەرتتەۋ ورتالىعىنىڭ ديرەكتورى), ۆلاستيمل سامەك (بۇۇ قوعامدىق اقپارات دەپارتامەنتىنىڭ قر وكىلى), سەرگەي دومنين («ەكسپەرت-كازاحستان» ىسكەرلىك جۋرنالىنىڭ باس رەداكتورى), اسقار نۇرشا (اەسي الماتىداعى وكىلدىگىنىڭ جەتەكشىسى), يۋري بۋلۋكتاەۆ (قسزي باس عىلىمي قىزمەتكەرى) بار.

Abai.kz

0 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7653
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 14884