سارسەنبى, 18 قازان 2017
جانايقاي 2129 5 پىكىر 19 مامىر, 2017 ساعات 12:17

70-تەگى كاسىپكەر ەلباسىنان اراشا سۇراپ وتىر

«AsiaCreditBank»-ءتىڭ رەيدەرلىك جاساپ وتىر ما؟ جاقىندا "قالا مەن دالا" گازەتىندە ماقالا جاريالادى. وندا اتىراۋداعى ءىرى تۇز كومپانياسىننان ءبىر-اق كۇندە ايىرىلىپ قالعان كاسىپكەر ابىربەك توقتىباەۆتىڭ جانايقايى جاريا بولدى.

«AsiaCreditBank» نەسيەنى مەرزىمىمەن كەشىكتىرگەنى ءۇشىن، ابىربەك توقتىباەۆتىڭ قۇنى ميلليارد تەڭگە بولاتىن تۇز كومپانياسىن سوت ارقىلى تارتىپ الىپ، وزگە كاسىپكەرگە بولماشى تيىنعا ساتىپ جىبەرىپتى.

«بۇل بانك مەنى سان سوقتىردى. تۇگىمدى قالدىرماي تارتىپ العانىمەن قويماي، قىلاياعى زەينەتاقىمدى دا بەرگىزبەي وتىر»، – دەيدى كاسىپكەر. ونىڭ ايتۋىنشا، اۋەلدە «AsiaCreditBank»  بانك الدىمەن 290 ميلليون تەڭگە نەسيە بەرگەن.  ارتىنان تاعى 150 ميلليون تەڭگە العان. ال كەپىلگە  كومپانيانىڭ جىلجىمايتىن مۇلكىن، ەكى زاۋىتىن، كومپانياعا تيەسىلى تەمىر جول جانە اۆتو جولىن، مەملەكەتتەن 20 جىلعا جالعا العان 164 گەكتار كەن وندىرەتىن جەرىمەن قوسا، الماتىداعى ءۇيىن جانە كومپانيانىڭ 100 پايىز نەگىزگى جارعىلىق اكتسياسىن كەپىلگە قويىپتى.

ەندى «AsiaCreditBank» بورىشتى ۋاقتىلى قايتارمادى دەگەندى جەلەۋ ەتىپ، سوت ارقىلى كومپانيانى تۇگەلدەي تارتىپ الىپ، كومپانيا قوجايىندارىن دالادا قالدىرعان.

«بۇرىن-سوڭدى مۇنداي زاڭسىزدىقتى ەستىمەپپىن. مەن ەلىمىزدە ادىلدىك بار، زاڭ بار دەپ ءجۇردىم. ميللياردتاعان تەڭگەگە باعالانعان كومپانيامدى ءبىر كۇندە نەبارى 61 ميلليون تەڭگەگە ساتىپ جىبەردى» دەپ كۇيىنەدى كاسىپكەر.

ونىڭ سوزىنشە، وسى وقيعا كەزىندە بىرنەشە رەت ينسۋلت الىپ، ەمحاناعا تۇسكەن. ال بانكتەگىلەر بولسا توقتىباەۆتىڭ دۇنيە-مۇلكىن ارزان باعادا ساتىلىمعا شىعارعان. ول تۋرالى مىنا سىلتەمەدەن وقي الاسىزدار.

بانديتتەر ءالى بار ەكەن

«بانك مەنىڭ ونداعان ميلليون دوللارلىق قۇنى بار كومپانيامدى تارتىپ العانىمەن تىنباي، كەپىلگە قويعان الماتىداعى ءۇيىمدى دە ساتىلىمعا شىعاردى. مەنىڭ سوڭعى مۇلكىم وسى ەدى»، دەپ كۇيىنگەن كاسىپكەر ءوزىنىڭ ازاماتتىق قۇقىنىڭ اياققا تاپتالعانىن ايتادى. ءتىپتى، توقتىباەۆتىڭ تۇز كومپانياسىن بانكتەن بولماشى تيىنعا ساتىپ العان كاسىپكەر ساياتحان ءامىر رەكەتتىك شابۋىل جاساعان ەكەن.

«سوتتىڭ سوڭىن كۇتپەستەن ساياتحان ءامىر ءبىر ماشينا بانديتسىماق جىگىتتەردى باستاپ كەلىپ، ءبىزدىڭ قاراۋىلدار مەن جۇمىسشىلاردى ماشيناعا كۇشتەپ تيەپ، يندەرگە اپارىپ تاستاپتى. «ەگەر قايتا كەلسەڭدەر، اياق-قولدارىڭدى شاعامىن» دەپ دوق كورسەتكەن. سودان بەرى ءبىز ءوز مەكەمەمىزدىڭ اۋلاسىنا كىرە المايتىن بولدىق»، دەيدى.

«مەن وسىعان دەيىن ادىلەتتىڭ بار ەكەنىنە، زاڭنىڭ جۇمىس ىستەيتىنىنە، ەلباسى نۇرسۇلتان نازارباەۆتىڭ كاسىپكەرلىكپەن اينالىسقان ازاماتتاردىڭ تىرلىگىنە ورىنسىز قول سۇقپاڭدار دەپ ۇنەمى ايتاتىن ءسوزىن تىڭدار قۇلاق بارىنا سەنىپ كەلدىم. ءالى دە سەنەمىن. سوڭىنا دەيىن كۇرەسەمىن. سوت باستالعالى بەرى بىرنەشە رەت جۇرەك تالماسىنا ۇشىرادىم. جارىم دا، بالا-شاعام دا ۋايىم-قايعىعا باتتى. ەگەر الدا-جالدا جەڭىلەر بولسام… ايتا المايمىن. مۇنداي ادىلەتسىزدىككە توزە المايمىن»،- دەدى كاسىپكەر ابىربەك توقتىباەۆ.

ەلباسى «كاسىپكەرلەرگە ءجون-جوسىقسىز تيىسپەڭدەر» دەمەپ پە ەدى؟!

راس، مەملەكەت باسشىسى ەلدەگى شاعىن جانە ورتا كاسىپتى دامىتۋعا جاساپ جاتقان تىڭ باستامالارىن بىلەمىز. ەلباسى ءوز سوزىندە "كاسىپكەرلەردى ءجون-جوسىقسىز قۋدالاي بەرمەڭدەر" دەپ ەسكەرتكەن-ءتىن. سوندا، كاسىپكەر توقتىباەۆتىڭ بانككە جەم بولۋى قالاي؟ بانك بىرنەشە مارتە جەكە سوت ورىنداۋشىسىن جالداپ، توقتىباەۆتىڭ دۇنيە-مۇلكىن تولىق تاركىلەپ العانى راس. ونى وزگە كاسىپكەرگە ارزان باعادا ساتىپ جىبەرگەنى تاعى راس. مۇنىڭ ارتىندا ءبىر شيكىلىك بايقالادى.

بانك پەن كاسىپكەردىڭ اراسىنداعى داۋ تۋرالى وبلىس اكىمى بىلەتىن كورىنەدى. تەك ەشقانداي شارا قولدانباي وتىر-مىس.

«وبلىستىڭ بۇرىنعى اكىمى ىزمۇحانبەتوۆكە دە، قازىرگى اكىم نوعاەۆقا دا بىرنەشە رەت كىرگەنمىن. نوعاەۆ بارلىق ءمان-جايدى بىلەدى. بىراق…تالاي مارتە حات تا جازدىم. ولار سوتقا بۇل ءىستىڭ اقيقاتىنا جەتىڭدەر دەگەن سىڭايدا حات جازادى. ءبىتتى»،- دەيدى كاسىپكەر ابىربەك توقتىباەۆ.

ەندىگى ءۇمىتىم ەلباسى مەن باس پروكۋروردا

بانكتىڭ قۇربانىنا اينالعان كاسىپكەر ابىربەك توقتىباەۆ ەندى پرەزيدەنت نۇرسۇلتان نازارباەۆ پەن باس پروكۋرور جاقىپ اسانوۆتان اراشا سۇراپ وتىر.

«ەندىگى ءۇمىتىم پرەزيدەنت نۇرسۇلتان نازارباەۆ پەن باس پروكۋرور جاقىپ اسانوۆ مىرزادا. ەلباسى ۇنەمى ەلىمىز وركەندەۋى ءۇشىن كاسىپكەرلىكتى دامىتۋعا ءتيىسپىز دەپ ايتىپ وتىرادى. بۇل سەكىلدى باسسىزدىققا جول بەرمەس دەگەن ويدامىن. وسى كومپانيانى قۇرىپ، كۇن-ءتۇن دەمەي جۇمىس ىستەدىم. 60-قا جۋىق ادامدى تۇراقتى جۇمىسپەن قامتىدىم. «اس تۇزى» وڭىرگە ەمەس، راسپۋبليكاعا تانىمال برەندكە اينالدى. ەشكىمنىڭ ءالاجىبىن اتتاپ، قۋلىق-سۇمدىقپەن كۇن كورگەن ەمەسپىن.

جاقىپ اسانوۆ مىرزا دا ەلشىل، حالىقشىل ازامات قوي، مەنىڭ جانايقايىمدى ەستىر دەگەن ۇمىتتەمىن. بىرنەشە مارتە حات تا جازدىم. ءبىر كۇنى بولماسا ءبىر كۇنى مەنىڭ باسىما تۇسكەن جاعدايمەن تانىسىپ، اراشا تۇسەر دەگەن ارمانىم بار»، -دەپ تۇيىندەيدى كاسىپكەر.

Abai.kz

5 پىكىر
Мақсұт 2017-05-21 13:29:06
Құдай табалағаннан сақтасын! Жағдайыңыз тым қиын екен "Кәсіпкер" мырза. Бірақ бұдан да шығатын жол бар, Қаладан квартира жалдап, кешқұрын "Жигулимен" таксоват етсеңіз болады. Сіз сияқты мыңдаған "қарттар" сөйтіп күнін көріп жүр. Бұл -Сіз сенген, әліде сене беретін Назарбаевтың орнатқан жұмағы Сіздің сөзіңіз де де жалғандық бар, оны өзіңіз де сездіріп қалдыңыз..."Мен осыған дейін ... заңның жұмыс істейтініне ...сеніп келдім (?) "-дейсіз. Егер Заңның жұмыс істейтініне сенсеңіз неге "Заңға" жүгінбей, заңның құзырында жұмыс істеуге тиісті мем қызметкер- паразидентке шағымданасыз? Өйткені -Заңның жоқ екендігіне, бәрі, бәрі бір ғана адамның еркіндегі әлімжеттілік екендігін өте жақсы біліп отырсыз. Сіздің ондаған миллиондарыңызды тартып алып арзымас бағаға сатпаса, сатқызбаса, Әлиев, Құлыбаев, Дариғаевтар қалай, қайтіп баййды?! "Кәсіпкермін" дейсіз, бірақ ойын "тәртібін" өтірік түсінбей қаласыз... Сізге сонау замандағы Өтебай Тұрымжанов деген ақын ағаңыздың " Бозторғай зорлық көріп тұрымтайдан..." деп келетін өлеңін тауып алып оқуыңыз керек. Бір сәтте бар кеміңіз түгенделіп, есіңіз орнына келеді. Сол кезде "... айтқан сөзіне сеніп келдім. Әліде сенемін..." -деп монтансымайтын боласыз. Өйткені -Сіз Сенген "Гарантқа" бүгінгі күні Қазақстанда ешкім де сенбейді! (Сенгенсымақтар Сіз сияқтанып...ғашықтық Хаттарын жаза бастайды)
Төре 2017-05-20 20:21:48
Тұрысы "жақсы" екен, арашасын Абай кз атынан Төре қабыл алды! Араша батыр араша, Арашамды бермесең, "ҚЫЛАДЫ" жүйе сізге тамаша!
өсімге қарыз алушы да лағнеттеледі деген 2017-05-19 23:10:45
өсімге қарыз алушы да лағнеттеледі деген
өсім алушы да лағнеттеледі деген 2017-05-19 23:10:16
..Алматыдағы үйімді де сатылымға шығарды. Менің соңғы мүлкім осы еді», деп күйінген кәсіпкер... Миллиардтаған теңгеге бағаланған компаниямды бір күнде небары 61 миллион теңгеге сатып жіберді... Оның сөзінше, осы оқиға кезінде бірнеше рет инсулт алып, емханаға түскен... ****************** "Көтере алмайтын шоқпарды беліңе байлама" деген қазақ. Кепілге бар дүние мүлкіңізді салсаңыз да үйіңізді салып нең бар еді? Дүние дүние деп денсаулықтан айрылып өлгеннің несі жақсы. 61 миллион теңгеге алса ол алған адамдар қарыздарыңызды қоса өтейтін болып алған шығар? Олай болмаса банк иелерінің компаниялары болуы мүмкін.
шаруа 2017-05-19 17:32:48
әй,қайдам,естір құлақ мына кісіге табылар ма екен ?

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7653
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 14884