جۇما, 29 ناۋرىز 2024
ادەبيەت 6199 0 پىكىر 22 مامىر, 2017 ساعات 18:11

ەۋرازيا حالىقارالىق كىتاپ كورمە-جارمەڭكەسى وتەدى

2017 جىلى 15-18 ماۋسىم ارالىعىندا، استانا قالاسىندا «فوليانت» باسپاسىنىڭ ۇيىمداستىرۋىمەن جانە قر مادەنيەت جانە سپورت مينيسترلىگى، استانا قالاسى اكىمدىگىنىڭ ۇيىمداستىرۋشىلىق قولداۋىمەن «Eurasian Book Fair-2017» II ەۋرازيا حالىقارالىق كىتاپ كورمە-جارمەڭكەسى وتەدى.

كورمەگە تمد، ەۋروپا، ازيا ەلدەرىنىڭ باسپالارى، كىتاپ ساۋداسى ۇيىمدارى، پوليگرافيالىق كومپانيالار مەن مادەني جانە وقۋ ورتالىقتارى قاتىسادى.

«استانا ەكسپو-2017» حالىقارالىق مامانداندىرىلعان كورمەسى دە قاتار وتەتىندىكتەن شەتەلدىك ارىپتەستەر تاراپىنان كىتاپ كورمەسىنە دەگەن قىزىعۋشىلىق پەن سۇرانىس كۇننەن-كۇنگە ارتىپ كەلەدى. اتالعان ءىرى شاراعا 120-عا جۋىق حالىقارالىق ۇيىم مەن الەمنىڭ 20-دان اسا ەلى قاتىسادى دەپ جوسپارلانۋدا.

كورمەنىڭ مادەني جانە ىسكەرلىك باعدارلاماسىندا ءار ءتۇرلى شارالار: عىلىمي-تاجىريبەلىك كونفەرەنتسيالار، تۇساۋكەسەرلەر، دوڭگەلەك ۇستەلدەر، مادەنيەت، عىلىم جانە ءبىلىم سالاسىنداعى تانىمال قايراتكەرلەرمەن كەزدەسۋلەر، فورۋمدار مەن كونكۋرستار جوسپارلانعان. ق.سالعاراۇلى، م.جولداسبەكوۆ، يسپان اقىنى ح.ح. پادرون، س.راحمەتۇلى، ق.مۇحامبەتقالي، د. كاپۇلى جانە ت.ب. وتاندىق جانە شەتەلدىك جازۋشىلار كىتاپتارىنىڭ تۇساۋكەسەرى وتەدى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1565
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541