جۇما, 29 ناۋرىز 2024
جاڭالىقتار 5277 2 پىكىر 13 ماۋسىم, 2017 ساعات 14:32

7 مىڭ قازاقستاندىق جالاقىسىز قالۋى مۇمكىن

جەتى مىڭعا جۋىق قازاقستاندىق جالاقىسىن الا المايتىن بولدى. ياعني، ەڭبەك كودەكسىنە ەنگىزىلگەن جاڭا ەرەجەلەر ەلگە پايداسىز ءوندىرىس وشاقتارىنىڭ سانىن قىسقارتا الماپتى. بۇل تۋرالى ەڭبەك  جانە الەۋمەتتىك قورعاۋ ءمينيسترى تامارا دۇيسەنوۆا ءمالىم ەتتى.

-جاڭا ەڭبەك كودەكسىندە جۇمىس بەرۋشەلىرگە جەڭىلدىكتەر قاراستىرىلعان. ولار قيىن جاعداي تۋىنداعاندا (ەكونوميكالىق داعدارىس، اپاتتى جاعدايلار ت.ب.) جۇمىسكەرلەردىڭ مىندەتتى زەينەتاقى جارناسىن اۋدارماسا دا بولاتىن ەدى. الايدا، بۇل جەڭىلدىكتى ەشكىم قولدانعان جوق. 7,5 مىڭ كاسىپورىن ءالى كۇنگە 5% سالىمدى سالىپ كەلەدى. قازىر ولاردىڭ قاراماعىندا 423 مىڭ جۇمىسشى بار. جۇمىس ىستەۋگە قاۋىپتى ءارى زياندى جاعدايدا ەڭبەك ەتىپ جۇرگەندەر وسىدان شىعادى، - دەيدى تامارا دۇيسەنوۆا.

مينيستر حانىمنىڭ ايتۋىنشا، جۇمىس بەرۋشى كاسىپورىندار جۇمىسكەرلەرگە قاۋىپسىز جاعداي جاساۋ ءۇشىن، بىرنەشە جەڭىلدىكتەر قاراستىرىلعانىن ايتادى. سونىڭ ىشىندە، كەيبىر مىندەتتى تولەمدەردەن بوساتۋ دا قاراستىرىلعان ەكەن.

الايدا، كاسىپورىنداردىڭ قوسىمشى تولەمى 2012 جىلمەن سالىستىرعاندا ەداۋىر ءوسىپ كەتكەن. دەرەكتەرگە سۇيەنسەك، كاسىپورىندار 2012 جىلى 78 ميلليارد تەڭگە كومپەنساتسيا تولەسە، 2016 جىلى بۇل سوما 100 ميللياردقا جەتكەن.

سونداي-اق، ەڭبەك ءمينيسترى ەلگە جالاقى بەرە الماي وتىرعان كاسىپورىنداردىڭ دا كوبەيگەنىن اتاپ ءوتتى.

-ءبىز قاراستىرىپ وتىرعان جەڭىلدىكتەرگە قاراماستان، جالاقى بويىنشا جالپى قارىز 88 ميلليونعا جەتتى. ال كەشىكتىرىلىپ جاتقان جالاقى مولشەرى 1,7 ميلليارد تەڭگە. سونىڭ ىشىندە 82% قارىز نەمەسە 1,4 ميلليارد تەڭگە قايتا دايارلارىن جاتقان كاسىپورىنداردىڭ ەسەبىنە تيەسىلى. بۇل دەگەنىڭىز 7 مىڭعا جۋىق ادام جالاقىسىز دەگەندى بىلدىرەدى، - دەيدى مينيستر حانىم.

اباي اقپارات

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593