قر پرەزيدەنتى ن.ءا. نازارباەۆ قازاقستان رەسپۋبليكاسىنىڭ ءدىن سالاسىنداعى مەملەكەتتىك ساياساتىنىڭ 2017-2020 جىلدارعا ارنالعان تۇجىرىمداماسىن بەكىتۋ تۋرالى 2017 جىلعى 20 ماۋسىمىنداعى №500 جارلىققا قول قويدى.

رەسپۋبليكاسىنىڭ ءدىن سالاسىنداعى مەملەكەتتىك ساياساتىنىڭ 2017-2020 جىلدارعا ارنالعان تۇجىرىمداماسىن ءدىن ىستەرى جانە ازاماتتىق قوعام مينيسترلىگى ازىرلەدى.

تۇجىرىمدامانىڭ نەگىزگى ماقساتى مەملەكەتتىك-كونفەسسيالىق جانە كونفەسسياارالىق قاتىناستاردى جەتىلدىرۋگە باعىتتالعان ءدىن سالاسىنداعى مەملەكەتتىك ساياساتتىڭ تيىمدىلىگىن ارتتىرۋ، مەملەكەتتىڭ زايىرلىلىق قاعيداتتارىن نىعايتۋ جانە ءدىندى دەسترۋكتيۆتى ماقساتتا پايدالانۋعا جول بەرمەۋ بولىپ تابىلادى.

تۇجىرىمدامادا ءدىن سالاسىنداعى مەملەكەتتىك ساياساتتىڭ دامۋىنىڭ ءۇش نەگىزگە باسىمدىقتارى ايقىندالعان.

ءبىرىنشى باسىمدىق بولىپ زاڭنامانى جەتىلدىرۋ مەن مەملەكەتى جانە ءدىني بىرلەستىكتەر اراسىنداعى ءوزارا ءىس-قيمىلدى رەتتەۋ تابىلادى.

ەكىنشى – مەملەكەت دامۋىنداعى زايىرلىق پرينتسيپتەرىن نىعايتۋ. قۇجاتتا «مەملەكەتتىڭ زايىرلى قۇرىلىسى – قازاقستان حالقىنىڭ ماڭىزدى تاريحي جەتىستىگى»، – دەلىنگەن.

تۇجىرىمداما ار-وجدان بوستاندىعىنا جانە ءدىني سەنىمىنە دەگەن ازاماتتاردىڭ قۇقىقتارىن، ءدىني بىرلەستىكتەردىڭ تولىمدى قىزمەت اتقارۋىن جانە ۇلتتىق قاۋىپسىزدىكتى، مەملەكەتتىڭ كونستيتۋتسيالىق نەگىزدەرىن جويۋعا، حالىقتىڭ بەلگىلى ءبىر توپتارىنىڭ راديكالدانۋىنا الىپ كەلەتىن دەسترۋكتيۆتى ءدىني اعىمدارعا جول بەرمەۋدى قامتاماسىز ەتەدى.

ءۇشىنشى باسىمدىق رەتىندە ءدىني ەكستەرميزم مەن دەسترۋكتيۆتى ءدىني اعىمداردىڭ ءىس-ارەكەتىنە قارسى تۇرۋ جۇيەسىن دامىتۋ انىقتالعان.

تەرروريزم مەن ءدىني ەكسترەميزمگە قارسى كۇرەستە ماڭىزدى ءرولدى دەسترۋكتيۆتى ءدىني يدەولوگياعا ازاماتتاردىڭ يممۋنيتەتىن قالىپتاستىرۋ وينايدى.

بۇل ماقساتتا اقاپراتتىق-تۇسىندىرمە جۇمىستارىنا ۇكىمەتتىك ەمەس ۇيىمداردىڭ وكىلدەرىن، مادەنيەت جانە سپورت قايراتكەرلەرىن بەلسەندى اتسالىسۋعا تارتۋ قاراستىرىلعان.

اتالعان قۇجات ءدىن سالاسىنداعى مەملەكەتتىك ساياساتتى ىسكە اسىرۋ ماسەلەلەرى بويىنشا ورتالىق مەملەكەتتىك جانە جەرگىلىكتى اتقارۋشى ورگانداردىڭ، ازاماتتىق قوعام ينستيتۋتتارىنىڭ قۇزىرەتى مەن جاۋاپكەرشىلىك اياسىن ناقتىلايدى.

ءبىلىم بەرۋ، مادەنيەت، سپورت، باق، دەنساۋلىق ساقتاۋ، وتباسى جانە نەكە ينستيتۋتتارى سياقتى بارلىق سالالاردا كەشەندى جۇمىس جۇرگىزۋ قاراستىرىلعان.

كورسەتىلگەن باسىمدىقتاردى جۇزەگە اسىرۋ 2020 جىلعا دەيىن جۇرگىزىلەدى، ونىڭ ناتيجەسى رەتىندە قوعامدىق سانادا زايىرلىق پرينتسيپتەرىن نىعايتۋ، قوعامدا ءدىني قاتىناستار سالاسىندا راديكالدى جانە ەكسترەميستىك كورىنىستەرمەن بايلانىستى كەز كەلگەن ءىس-قيمىلعا مۇلدە توزبەۋشىلىككە قول جەتكىزۋ كۇتىلەدى.

تۇجىرىمدامانى ىسكە اسىرۋ قازاقستان رەسپۋبليكاسى كونستيتۋتسياسىنىڭ نەگىزگى قۇندىلىقتارى مەن قاعيداتتارىن جاڭا گەوساياسي احۋال مەن ۇلتتىق قاۋىپسىزدىكتىڭ ىشكى جانە سىرتقى سىن-تەگەۋرىندەرىنە ۋاقتىلى دەن قويۋ تۇرعىسىنان ودان ءارى جۇزەگە اسىرۋعا  ىقپال ەتەتىن بولادى.

Abai.kz