جۇما, 29 ناۋرىز 2024
جاڭالىقتار 8081 9 پىكىر 3 شىلدە, 2017 ساعات 12:02

الەمنىڭ ۇزدىك فوتوسۋرەتشىلەرى استانادا باس قوستى

حالىقارالىق «ەكسپو- 2017» كورمەسى اياسىندا قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ ۇيىمداستىرۋىمەن  استاناداعى ۇلتتىق مۋزەيدە  ەلىمىزدە بۇرىن-سوڭدى بولماعان اۋقىمدى فوتوفەستيۆالدىڭ سالتاناتتى اشىلۋى بولدى.  «مادەنيەت پەن ونەر- حالىقتار مەن مەملەكەتتەر اراسىن جالعايتىن التىن كوپىر. فوتوگرافيا ونەرى ۇلتقا،ناسىلگە، ءدىن مەن تىلگە بولىنبەيتىن بىردەن ء–بىر قۇبىلىس. الەمگە تانىمال فوتوسۋرەتشىلەردىڭ باسىن قوسقان حالىقارالىق «PHOTOfest.KZ» فوتوفەستيۆالى ەلىمىزدىڭ فوتوونەرىنىڭ دامۋىنا، قازاقستان مەملەكەتىنىڭ مادەنيەتىنە، تولەرانتتى ساياساتىنا ۇلكەن ۇلەس قوسادى دەگەن سەنىمدەمىن. فەستيۆال ءداستۇرلى جالعاسىن تابادى»-دەدى قر مادەنيەت جانە سپورت ءمينيسترى ارىستانبەك مۇحامەديۇلى شارانىڭ اشىلۋ راسىمىندە.

كورمەگە   21-ءشى  عاسىرداعى فوتو الەمى ۇزدىكتەرىنىڭ قايتالانباس تۋىندىلارى قويىلعان.  200– گە جۋىق فوتوسۋرەتتىڭ اۆتورلارى كورمەنى تاماشالاۋعا كەلگەن قوناقتارمەن سۋرەتكە ءتۇسىپ، قولتاڭبالارىن قالدىرىپ جاتتى. ولاردىڭ ىشىندە جۇمىستارى الەمنىڭ بارلىق اتاقتى كورمەلەرىنە قويىلعان جاپون فوتوسۋرەتشىسى شيگەرۋ يوشيدا،  فرانتسيادان كەلگەن كاسىبي فوتوگراف،نيۋ فوتوگرافيا، پورترەت جانە ناتيۋرمورت باعىتتارىنداعى ەڭبەكتەرى الەمگە تانىمال، جارىقپەن جۇمىس جاساۋدىڭ مامانى، وسى تاقىرىپتا التى كىتاپ جازىپ، ولاردىڭ بارلىعى بەستسەللەرگە اينالعان جان تيۋركو، تۇركيالىق يسمايل حايكير، ادنان اتاش پەن زاماناۋي ارت-فوتوگراف، رەسەي، ەۋروپا، اقش مەملەكەتتەرىنىڭ ەڭ اتاقتى پورترەتيست-سۋرەتشىسى پاۆەل انتونوۆ بار.  سونىمەن قاتار وسى سالانىڭ مايتالماندارى، ەلىمىزدە فوتوسۋرەت سالاسىنىڭ دامۋىنا ۇلەس قوسىپ جۇرگەن، قازاق تىلىندەگى تۇڭعىش «فوتوجۋرناليستيكا» وقۋ قۇرالىن جازعان اسىلحان ءابدىرايىم، قر پرەمەر-ءمينيسترىنىڭ جەكە ءفوتوتىلشىسى شۇكىر شاحاي،ماقسات شاعىرباەۆ پەن تۇرار قازانعاپوۆتىڭ تۋىندىلارى دا كورەرمەن نازارىنا ۇسىنىلدى.

ۇيىمداستىرۋشىلار شارانىڭ باستى ماقساتى تاۋەلسىز قازاقستاننىڭ دامۋ تاريحىندا العاش رەت  ورتالىق ازياداعى ەڭ اۋقىمدى فوتوفەستيۆال وتكىزىپ، جاستاردى فوتوسۋرەت ونەرىنە تارتۋ، قىزىقتىرۋ ەكەنىن ايتادى.

فوتوفەستيۆال اياسىندا قاتىسۋشىلار بۋراباي، باياناۋىل، ۇلىتاۋ، تۇركىستان،شىمبۇلاق، مەدەۋ، تامعالى تاس، كولساي، قارقارالى، باسقا دا ايماقتاردى ساياحاتتاپ، ول جەرلەردى سۋرەتكە تۇسىرمەك. تۇسىرىلگەن فوتوسۋرەتتەردىڭ ۇزدىكتەرىنەن «PHOTOfest.KZ»   -گۇلدەنگەن قازاقستان الەم فوتوسۋرەتشىلەرىنىڭ كوزىمەن» اتتى فوتوالماناح جاسالماق.

1-ءشى شىلدەدە سالتاناتتى اشىلعان فوتوكورمە ايدىڭ ورتاسىنا دەيىن جالعاسپاق.

زارينا ادىلبەك

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3602