جۇما, 29 ناۋرىز 2024
3468 0 پىكىر 13 شىلدە, 2017 ساعات 10:46

تۇركىمەن ءجۋرناليسى ساپارمامەد نەپەسكۋليەۆ ەكى جىلدان بەرى تۇرمەدە وتىر

تۇركىمەنستاندىق جۋرناليست ساپارمامەد نەپەسكۋليەۆتىڭ قاماۋعا الىنعانىنا ەكى جىل بولدى. ول ءۇش جىلعا سوتتالعان. ادام قۇقىعىن قورعاۋشى ۇيىمدار مەن بۇۇ ونى ساياسي تۇتقىن دەپ تانىعان.

"ساپارمامەد جۋرناليستىك قىزمەتى ءۇشىن جازالاندى. ونى ادۆوكاتسىز سوتتادى، جابىق وتكەن ءىس قولدان ۇيىمداستىرىلعان دەپ ەسەپتەيمىز", - دەدى ازات ەۋروپا/ازاتتىق راديوسىنىڭ (RFE/RL) پرەزيدەنتى توماس كەنت.

نەپەسكۋليەۆ 2015 جىلى 7 شىلدەدە اۆازا كۋرورتتى قالاسىندا ۇستالعان. تۇركىمەنستان سوتى 2015 جىلى 30 تامىزدا ونى ەسىرتكى زاتتارىن ساقتاعان دەگەن ايىپپەن جازا بەلگىلەدى. ادام قۇقىعىن قورعاۋشىلار ءجۋرناليستىڭ ءىسىن ۇيىمداستىرعان دەپ ەسەپتەيدى.

بۇۇ-نىڭ جۇمىس توبى 2015 جىلى جەلتوقساندا ونىڭ ۇستالۋىن وي ەركىندىگىن شەكتەۋ دەپ تانىدى. وتكەن جىلى ماۋسىمدا وننان استام باق جانە ۇكىمەتتىك ەمەس ۇيىمدار ۇجىم بولىپ نارازىلىق ءبىلدىردى.

رەسپۋبليكاداعى ساياسي احۋالعا بايلانىستى، رسە/رس تۇركىمەنستاندا بيۋرو اشا الماي وتىر، سوعان قاراماستان جەرگىلىكتى تىلشىلەر ارقىلى جۇمىس جۇرگىزىپ كەلەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3596