جۇما, 29 ناۋرىز 2024
4032 0 پىكىر 13 شىلدە, 2017 ساعات 10:47

قىرعىز وپپوزيتسيونەرى تەكەباەۆ سوتتان تولقۇجاتىن قايتارىپ بەرۋىن ءوتىندى

بىشكەكتىڭ پەرۆوماي اۋداندىق سوتىندا "اتا مەكەن" وپپوزيتسيالىق پارتياسىنىڭ جەتەكشىسى ومىربەك تەكەباەۆ پەن قىرعىزستاننىڭ وڭتۇستىك كورەياداعى بۇرىنعى ەلشىسى دۋيشەنبەك چوتونوۆقا قاتىستى ءىس بويىنشا سوت ءجۇرىپ جاتىر. تەكەباەۆ كونستيتۋتسيالىق قۇقىعى شەكتەلىپ وتىرعانىن سوت وتىرىسىندا مالىمدەدى.

دەپۋتاتتىڭ ايتۋىنشا، تەرگەۋ كەزىندە جانە سوت ءجۇرىپ جاتقان ۋاقىتتا ول زاڭدى قۇقىقتارىن پايدالانا الادى، ول ءۇشىن وعان تولقۇجاتىن (ID-كارتا) قايتارىپ الۋ كەرەك. سول سەبەپتى ول سوتتان ورتالىق سايلاۋ كوميسسياسىنا قۇجاتتار وتكىزۋ ءۇشىن تولقۇجاتىن سۇرادى.

"مەنىڭ تولقۇجاتىمدى نەگە قايتارمايسىڭدار؟ ءىس ماتەريالدارىندا مەنىڭ ەكى تولقۇجاتىم دا جاتىر. ID-كارتا ماعان قازىر كەرەك. مەنىڭ كونستيتۋتسيالىق قۇقىعىمدى شەكتەمەۋىڭىزدى سۇرايمىن", - دەدى تەكەباەۆ.

دەگەنمەن سۋديا ونىڭ ءوتىنىشىن قاناعاتتاندىرمادى. ەسكە سالايىق، ومىربەك تەكەباەۆ ورتالىق سايلاۋ كوميسسياسىنا قىرعىز پرەزيدەنتى سايلاۋىنا ءتۇسۋ ءۇشىن ءوزىن-ءوزى ۇسىنعان. ونىڭ ءوتىنىشى قابىلدانعان.

تەكەباەۆ پەن چوتونوۆقا پارا الدى دەگەن ايىپ تاعىلىپ وتىر. قىلمىستىق ءىس رەسەي ازاماتتارى الەكسەي مودين مەن لەونيد ماەۆسكيدىڭ كۋالىك ەتۋى نەگىزىندە قوزعالدى. سوتتالۋشىلار ءىستىڭ ساياسي استارى بار دەپ ەسەپتەيدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553