جۇما, 29 ناۋرىز 2024
ارىلۋ 4569 1 پىكىر 16 شىلدە, 2017 ساعات 00:00

تۇلەكتەرگە مەملەكەت انانىڭ ماحابباتى تاپشى

«بالام دەيتىن ەلىڭ بولماسا، ەلىم دەيتىن بالاڭ قايدان بولسىن» (ا.بايتۇرسىنۇلى). ءيا، قايدان بولادى!

سەنىڭ ىستىعىڭ وتپەسە، ول ىستىعىن قايدان وتكىزسىن ساعان. سەن قاراماساڭ، ول نەگە قاراسىن ساعان. سەن كەۋدەسىنەن يتەرىپ، جاتباۋىرلىق تانىتساڭ، ول سەنى قايتىپ «انام» دەمەك! سەن ءبىرىنىڭ ماڭدايىنان يىسكەپ، بىرىنە  نازارىڭدى دا سالماساڭ، ءبىرىن ىشكە ەنگىزىپ، ءبىرىن سىرقا قالدىرساڭ، سىرتتا قالعان ول سەنى قايتىپ «انام» دەمەك!

كەشەگى كەڭەس ءوز ەلىنىڭ ءار بالاسىن ءوز (مەم) اقىسىمەن وقىتتى. بىلايشا انالىق الاقانىنىڭ ىستىق تابىن بالاسىنا، ونىڭ ءسابي كەزىنەن وتكىزدى. ونىڭ «الاقانىنىڭ ىستىعىن» الىگە ۇمىتپاي كەلە جاتقانىمىز سودان...

بالا ورتا مەكتەپتى تاۋىسا سالا جوعارى وقۋ ورىندارىنا وقىعىسى كەلەدى. جانە وزىنە مەملەكەت دەم اتالاتىن الىپ اناسىنىڭ ماپەسىن كۇتەدى. ونىڭ ءوزىن سۇيگەنىن، باۋىرىنا باسقانىن، جەتپەيتىنىنە جەتكىزىسكەنىن قالايدى. ونىڭ ول كەزدە وزىنە جەتپەيتىنى نە؟ ول اۋەلى ماحاببات. مەمنىڭ، مەم سىندى الىپ اناسىنىڭ ماحابباتى. سوسىن ول الىپ اناسىنىڭ وزىنە سىيى. جانقالتاسىنداعى ءبىر شاقپاق قانتىن بەرۋى. ول مەمنىڭ شاقپاق قانتى نە؟ ول مەم – كۆوتاسى. ول قانتتى ءار بالانىڭ الىپ اناسىنىڭ قولىنان الىپ جەگىسى كەلەدى. ونى الىپ اناسى بىرىنە بەرىپ، بىرىنە بەرمەسە، بەرگەنى قۋانىپ، الىپ اناسىن جانىنداي جاقسى كورىپ، بەرمەگەنى ونى جاۋىنداي جەك كورەدى. قاسىنداعى ۇقساسىنا بەرىپ، وزىنە بەرمەگەنى، الالاعانى ءۇشىن جەك كورەدى. ءتىپتى ءومىر بويى جەك كورىپ كەتۋى مۇمكىن. سوسىنعى جەردە ونىڭ بۇيىرعانىنا بارماي، تالابىن ورىنداۋدان باس تارتاتىن بولادى... وعان ماحابباتى تولىق بولمايدى. بۇل تۇستا وزىنە كىم قول ۇشىن بەرسە سەنى جاقسى كورەتىن، سونىڭ ۇسىنىسىن بەگىرەك ورىندايتىن بولادى.

قۇل-كەرىم ەلەمەس

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544