جۇما, 29 ناۋرىز 2024
كاسىپ-ءتۇبى ءناسىپ 3456 0 پىكىر 23 شىلدە, 2017 ساعات 10:45

كاسىپكەرلەرگە تەگىن ساۋدا ورىندارى بەرىلۋدە

ازىق-تۇلىك باعاسىن تۇراقتاندىرۋ ماقساتىندا تالدىقورعان قالاسىنداعى «جەرۇيىق» بازارىندا اۋىل شارۋاشىلىعى كووپەراتيۆتەرىنىڭ ونىمدەرىن ساۋدالاۋعا 26 ورىن تەگىن بەرىلگەن. بۇل تۋرالى الماتى وبلىسى اكىمىنىڭ ءباسپاسوز قىزمەتى حابارلادى.

مۇنداعى ءار سەنبى سايىن ۇيىمداستىرىلاتىن جارمەڭكەدە اقسۋ، سارقان، كوكسۋ، ەسكەلدى اۋداندارى مەن تالدىقورعان قالاسىنىڭ شارۋالارى، «جۇمىسپەن قامتۋ جول كارتاسى - 2020» مەملەكەتتىك باعدارلاماسىنىڭ قاتىسۋشىلارى وزدەرى ءوسىرىپ، وندىرگەن ەت جانە ءسۇت ونىمدەرىن، جەمىس پەن كوكونىستەرىن ءتيىمدى باعامەن ساۋدالايدى. بۇل تۋرالى وبلىس اكىمىنىڭ ءبىرىنشى ورىنباسارى لاززات تۇرلاشوۆتىڭ توراعالىعىمەن وتكەن باعا مەن تاريفتەردى تۇراقتاندىرۋ جونىندەگى جەدەل شتابتىڭ وتىرىسىندا قالا اكىمىنىڭ ورىنباسارى نۇرلان مامبەتجانوۆ ايتتى.

جالپى ازىق-تۇلىكتىڭ، سونىڭ ىشىندە الەۋمەتتىك ماڭىزدى سانالاتىن 19 ءتۇرلى ءونىم باعاسىنىڭ وسۋىنە جول بەرمەۋ ماقساتىندا ساۋدا ورىندارىندا ازىق-تۇلىك وندىرۋشىلەرگە ورىندى تەگىن بەرۋ، سەنبى سايىن ازىق-تۇلىك جارمەڭكەسىن وتكىزۋ سياقتى شارالار اتقارىلۋدا. ماسەلەن، جىل باسىنان بەرى استانا، الماتى، تالدىقورعان قالالارىندا جانە اۋدان ورتالىقتارىندا جالپى سانى 760 جارمەڭكە وتكىزىلگەن. تالدىقورعان قالاسىندا جەرگىلىكتى كاسىپورىندار «اققۇس» جشس-نىڭ،  «JLC ءسۇت» سەرىكتەستىگىنىڭ، ۇشتوبە ءسۇت زاۋىتىنىڭ ونىمدەرىن دەلدالسىز تىكەلەي  ساتاتىن ارنايى ورىندار مەن دۇكەندەر بەلگىلەنگەن.

ازىق-تۇلىك باعاسىن تۇراقتاندىرۋ شارالارىنا «جەتىسۋ» اكك-ءنىڭ تۇراقتاندىرۋ قورى دا ۇلكەن سەپتىگىن تيگىزىپ وتىر. 

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3618