بەيسەنبى, 28 ناۋرىز 2024
بيلىك 4408 15 پىكىر 7 تامىز, 2017 ساعات 10:28

ساياسات نۇربەك: قازىر اۋىلدى جەرلەردە ادامدار ايتتامايدى

بىلتىر اۋىلعا باردىم. سەمەي جاققا. ورازا ايتپەن قاتار كەلگەن ساپارىمدا، كوزىم جەتكەنى اۋىل ادامدارى ءبىزدىڭ بالا كۇنىمىزدەي ايتتامايتىن بولىپتى. ايت مەرەكەسىندە كورشى، كۇللى اۋىل بولىپ ءبىر-ءبىرىنىڭ ۇيىنە ايتتايتىن داستۇرگە ۇيرەنىپ قالعانبىز عوي. سەبەبىن سۇراسام، ۋاقىت جوق نەمەسە ىڭعايسىزدىق تۋدىرعىم كەلمەدى، - دەيدى ءبىراز اۋىل تۇرعىنى.

اڭگىمەسىن اۋىلىندا وتكەن ايت مەرەكەسىنەن باستاعان ساياسات نۇربەك «QazTalks» اشىق اڭگىمە الاڭىندا قازىرگى قوعامداعى قۇندىلىقتاردىڭ ازايىپ بارا جاتقاندىعىن اشىق ايتتى. قۇندىلىقتاردى زەرتتەگەن ساياساتتانۋشى الەۋمەتتىك ساۋالنامالاردى 2014 جىلى «نۇر وتان» پارتياسىنىڭ قوعامدىق ساياسات ينستيتۋتىندا جۇمىس ىستەگەندە باستاعان. ساۋالناماعا جاستارى 18-دەن جوعارى 1600-دەن استام ادام قاتىسقان. ولار قالا مەن اۋىل تۇرعىندارى.

سونىمەن، ناتيجەسىندە قازاقستاندىقتاردىڭ 75% -ى دەنساۋلىقتى باستى قۇندىلىققا شىعارىپتى. بالا مەن جەكە باس قاۋىپسىزدىگىن ەڭ ۇلكەن قۇندىلىق دەپ سانايتىندار 44-54 % قۇراعان. قالعان ساتىلارعا ادامنىڭ تۇرمىستىق قاجەتتىلىكتەرى ساي كەلسە، وتانعا قىزمەت ەتۋ، پاتريوتتىق سەزىم جانە ءوزىن-ءوزى دامىتۋ ساۋالناماعا قاتىسقان كەيبىر ادامدار ءۇشىن سوڭعى ورىنعا ىعىستىرىلعان. قازىرگى ادامدار ۇزاق مەرىزىمگە جوسپار قۇرۋدى ۇمىتقان. تەحنولوگيا مەن زاماننىڭ قارىشتاپ دامۋى ادامنىڭ رۋحاني قۇندىلىعىنىڭ السىرەۋىنە اكەلدى. ال ەلباسىنىڭ رۋحاني جاڭعىرۋ ماقالاسىندا كورسەتىلگەن ءار ءبولىم رۋحاني قۇندىلىقتارىمىزدى قايتا قالىپتاستىرۋعا مۇمكىندىك بەرەتىن ۇلكەن باعدارلاما،- دەدى ساياسات نۇربەك.

سپيكەر «QazTalks» اشىق اڭگىمە الاڭىنداعى ءسوزىن قورىتىندىلاي كەلە، دجەيمس روبينسون مەن دارون ادجەموگلۋدىڭ «Why Nations Fail» (مەملەكەتتەر نەگە كۇيرەيدى؟) دەگەن ەكى جىل بۇرىن شىققان كىتابىن وقۋعا كەڭەس بەردى. قۇندىلىقتار تۋرالى كوپ سۇراقتىڭ جاۋابىن وسى كىتاپتان تابۋعا بولاتىنىن اتاپ ءوتتى.

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3529