جول كولىك اپاتىن تومەندەتۋگە باعىتتالعان ءتۇرلى الدىن الۋ شارالارى  تالدىقورعاندا قارقىندى تۇردە  ءجۇرىپ جاتىر. وعان  قىىب جەرگىلىكتى پوليتسيا قىزمەتىنىڭ جەكە قۇرامى جانە وبلىستىق جول-پاترۋلدىق پوليتسيا  ينسپەكتورلارى ات سالىسۋدا. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا بەلگىلى بولدى.

جول-كولىك وقيعاسىنا جاياۋ جۇرگىنشىلەردىڭ قاتىسۋىمەن وبلىستا 382 فاكت  ورىن الدى. ونىڭ ءوسۋ كورسەتكىشى سەگىز اۋداندا جانە تالدىقورعان قالاسىندا بايقالۋدا. ماسەلەن، 7 ايدا جاياۋ جۇرگىنشىلەردىڭ جاپا شەگۋى 22,2%-عا ءوسىپ، ءتۇرلى جاراقات الۋ بويىنشا 38 دەرەك تىركەلدى.كوبىنەسە جكو-نىڭ سەبەبى جاياۋ جۇرگىنشىلەردىڭ تارتىپسىزدىگىنەن جانە جول ءجۇرۋ ەرەجەسىن ساقتاماۋىنان تۋىندايدى.

«جىل باسىنان بەرى جاياۋ جۇرگىنشىلەردىڭ 2222 جول قوزعالىسى ەرەجەسىن ساقتاماۋ بەلگىلەرى ورىن الدى. سونىمەن قاتار، جاياۋ جۇرگىنشىلەردى وتكىزبەگەندىگى ءۇشىن 3995 كولىك جۇرگىزۋشىسى جاۋاپقا تارتىلدى. بۇل ءبىزدىڭ قىزمەتكەرلەردىڭ جۇرگىزگەن  مونيتورينگ بارىسىندا انىقتالعان. جاياۋ جۇرگىنشى مەن كولىك جۇرگىزۋشىسىنىڭ ءوزارا سىيلاستىعى جول كولىك وقيعاسى قاۋپىن تومەندەتىندىگىن ەسكەرۋىمىز قاجەت. جانە وبلىس تۇرعىندارىنا جول ەرەجەسىن قاتاڭ ساقتاۋعا، بەكىتىلگەن ورىنداردان عانا جولدى وتۋگە شاقىرامىز»، - دەدى وبلىستىق ءىىد پوليتسيا پولكوۆنيگى، جەرگىلىكتى پوليتسيا قىزمەتى باسشىسىنىڭ ورىنباسارى سابۋروۆ شىنعىسحان.

Abai.kz