دۇيسەنبى, 18 جەلتوقسان 2017
«سوقىر» فەميدا 2990 10 پىكىر 9 تامىز, 2017 ساعات 07:08

قىتايعا دەپورتاتسيالانۋى مۇمكىن 250 ەتنيكالىق قازاق ءۇشىن اراشا سۇرايمىز

قازاقستان رەسپۋبليكاسىنىڭ پرەزيدەنتى

نۇرسۇلتان ءابىشۇلى نازارباەۆقا

قر ىشكى ىستەر ءمينستىرى ق.قاسىموۆقا

قر سىرتقى ىستەر ءمينستىرى ق.ابدراحمانوۆقا

قر ۇلتتىق قاۋىپسىزدىك كوميتەتىنىڭ توراعاسى ك. ماسىموۆكە

دۇنيەجۇزى قازاقتارى قاۋىمداستىعى

تورەعاسىنىڭ ءبىرىنشى ورىنباسارى ز.تۇرىسبەكوۆكە

قر بۇقارالىق اقپارات قۇرالدارىنىڭ نازارىنا!

 

 اشىق حات

سىزدەردەن، قىتايعا دەپورتاتسيالانۋى مۇمكىن دەلىنگەن 250 ەتنيكالىق قازاق ءۇشىن اراشا سۇرايمىز!

20-شى شىلدەدەگى تەلەارنالاردىڭ اقپاراتى نەگىزىندە، جامبىل وبلىستىق كوشى-قون پوليتسياسى قىزمەتكەرلەرىنىڭ بىلىقپالىعى كەسىرىنەن زاڭدى تۇردە كەرەكتى قۇجاتتارىن راسىمدەپ، وسى مەكەمەدەن العان ىقتيارحات قۇجاتىن، جارامسىز دەپ تانىلۋىنا بايلانىستى، 250 قانداستارىمىز ەلدەن كەتۋگە ءماجبۇر بولىپ وتىر.

ەگەر بۇل قانداستارىمىز قىتايعا دەپورتاتسيالانعان جاعدايدا ولاردىڭ بىردەن تۇرمەگە قامالاتىنى ايدان-انىق، سەبەبى، ءدال قازىر قىتاي قۇزىرلى ورگاندارى جاي حالىقتى، «قازاقستانعا شىققانى ءۇشىن» سۇراققا الىپ، الدىن قاماپ جاتقانى ، ءتىپتى قازاقستاندا تۇرىپ جاتقان نەمەسە وقىپ جاتقان قازاقتاردى قىتايعا كەرى شاقىرىپ، سۇراققا تارتىپ، قازاقستانعا جىبەرمەي وتىرعانىن شىندىق.

سوندىقتان سىزدەن، وسى قانداستارىمىزدىڭ جامبىل وبلىستىق كوشى-قون قىزمەتكەرلەرىنىڭ كەسىرىنەن جازىقسىز قىتايعا دەپارتاتسيالانۋىن توقتاتۋىڭىزدى وتىنەمىز.

ءوتىنىش بىلدىرۋشىلەر قازاقستان ازاماتتارى:

قىدىالى ورازۇلى 

بەيسەن احمەتۇلى

سەرىكالى نۇربولات

نۇربولات اسحاتبەك

ەرمەك ساعىنبەك

ارداق تۇرىسباي

قايرات بايتوللا. ت.ب

Abai.kz

10 پىكىر