بەيسەنبى, 17 تامىز 2017
ءجون-اق 1138 10 پىكىر 10 تامىز, 2017 ساعات 17:31

رۋحاني جاڭعىرۋ «نۇر وتاننىڭ» نازارىندا

 

ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ۇلتتىق قۇندىلىقتار مەن تاريحي مۇرالارىمىزدى كەڭىنەن ناسيحاتتاۋعا ارنالعان تىڭ جوبالار ۇسىنىلعانى بەلگىلى. سولاردىڭ ءتيىمدى جۇزەگە اسۋى مەن ورىندالۋى «نۇر وتان» پارتياسىنىڭ تىكەلەي باقىلاۋىندا. وسىعان وراي پارتيا توراعاسىنىڭ ءبىرىنشى ورىنباسارى مۇحتار قۇل-مۇحاممەد قىزىلوردا وبلىسىنا ارنايى بارىپ، ءوڭىر باسشىسى قىرىمبەك كوشەرباەۆپەن بىرگە «قورقىت اتا» مەموريالدى كەشەنىندە بولدى جانە ورتاعاسىرلىق سىعاناق قالاسىن قايتا قالپىنا كەلتىرۋ جۇمىستارىمەن تانىستى.

وبلىستاعى تاريحي-مادەني جادىگەرلەردىڭ ەڭ بىرەگەيى «قورقىت اتا» مەموريالدى كەشەنى ەحرو-2017 حالىقارالىق كورمەسى اياسىنداعى تۋريستىك نىسانداردىڭ تىزىمىنە ەنگىزىلگەن. ۇلى ويشىلعا ارنالعان بۇل تاريحي ەسكەرتكىشكە قالپىنا كەلتىرۋ جۇمىستارى جۇرگىزىلىپ، 2014 جىلى كەشەن قايتا جاڭعىرتىلدى. ساپار اياسىندا «نۇر وتان» پارتياسى توراعاسىنىڭ ءبىرىنشى ورىنباسارى اتالعان مەموريالدى كەشەن، مۋزەي جانە وسى ماڭدا ورنالاسقان ەتنواۋىلدا بولىپ، مۇنداي تاريحي ورىنداردىڭ وتانشىلدىق پەن ۇلتتىق بىرەگەيلىكتى ساقتاپ، نىعايتۋدا ماڭىزدى رولگە يە ەكەنىن ايتتى.

«تاۋەلسىز ەلىمىز شيرەك عاسىر ىشىندە قارىشتاپ دامىپ، قازاقستان الەم تانىعان ابىرويلى مەملەكەتكە اينالعاندا ەلباسىمىز رۋحاني جاڭعىرۋ باعدارلاماسىن ۇسىندى. ونىڭ ماقساتى جاس ۇرپاقتى بابالار تاريحىنان تاعىلىم العان ەلىن، جەرىن سۇيەتىن وتانشىل رۋحتا تاربيەلەۋ. سوندىقتان «نۇر وتان» ۇلت رۋحانياتىن تۇلەتۋگە ارنالعان ەلباسى تاپسىرماسىنىڭ ەلىمىزدىڭ بارلىق وڭىرلەرىندە ويداعىداي جۇزەگە اسۋىن ەرەكشە نازاردا ۇستايتىن بولادى»، – دەدى پارتيا توراعاسىنىڭ ءبىرىنشى ورىنباسارى مۇحتار قۇل-مۇحاممەد.

سونىمەن قاتار مۇحتار قۇل-مۇحاممەد سىر وڭىرىندەگى رەسپۋبليكالىق ماڭىزعا يە تاعى ءبىر تاريحي جادىگەر ورتاعاسىرلىق سىعاناق قالاسىنا ارنايى ات باسىن بۇردى. تاريح تۇڭعان بۇل جادىگەردى تىڭعىلىقتى زەرتتەۋ جۇمىستارى تەك 2003 جىلى «مادەني مۇرا» باعدارلاماسىنىڭ ارقاسىندا عانا قولعا الىندى. بۇگىندە ارحەولوگ-عالىمدار ءبىر كەزدەرى ءىرى شاھار بولعان ورىننىڭ قيراعان ءۇيىندىسىن اسقان ىجداھاتتىلىقپەن زەرتتەپ، قالانى قورشاپ تۇرعان قورعان قابىرعانى، ۇيلەردى جانە مەشىت-مەدرەسەنى قالپىنا كەلتىرۋ جۇمىستارىن قارقىندى جۇرگىزۋدە. جوبانىڭ باستى ماقساتى – ورتاعاسىرلىق سىعاناق قالاسىنىڭ ورنىن اشىق اسپان استىنداعى مۋزەيگە اينالدىرۋ.

«نۇر وتان» پارتياسى توراعاسىنىڭ ءبىرىنشى ورىنباسارى سىر وڭىرىنە جاساعان ساپارى بارىسىندا كىشى ارالدى قايتا قالپىنا كەلتىرۋ جۇمىستارىمەن دە تانىستى. ودان بولەك، وبلىستاعى اۋىل شارۋاشىلىعىنىڭ دامۋ بارىسىنا دا نازار اۋدارىپ، اسىل تۇقىمدى ءىرى قارا مالىن وسىرۋمەن اينالىساتىن «رزا» اكتسيونەرلىك قوعامىندا بولدى.

مەملەكەت باسشىسىنىڭ ۇلتتىق كودتى ساقتاپ، رۋحاني قۇندىلىقتارىمىزدى دارىپتەۋگە باعىتتالعان باستاماسىن قولداپ قانا قويماي، ونىڭ جۇزەگە اسۋىن ءوز باقىلاۋىنا العان "نۇر وتان" پارتياسىنىڭ بۇل باستاماسى تولىعىمەن قۇپتارلىق ءىس ەكەنى ءسوزسىز. ونىڭ ۇستىنە ۇزاق جىل مادەنيەت ءمينيسترى بولعان مۇحتار قۇل-مۇحاممەدتىڭ دە بۇل سالاعا جاقىن ەكەنى بەلگىلى. سوندىقتان پارتيانىڭ بۇل باستاماسى وڭ ناتيجە بەرەدى دەپ سەنەمىز.

Abai.kz

10 پىكىر
Үміт 2017-08-11 18:45:57
осы бастама жалғасын тауып барлық ұйымдар осылай әр өңірге аттанып, септіктерін тигізсе игі болар еді.
айбек 2017-08-11 18:45:42
Нұр Отан елдің беделді партиясының бірі ретінде белсенділік танытуы дұрыс, атына заты сай қызмет атқарып, елің нұрландыруға атсалысқандарын құптаймын.
Жарас 2017-08-11 18:45:29
Сығанақ қаласы қалпына келтіру жұмыстарын бір қадағалап өткені жөн болған, тарихи мәні бар қала ғой, тарих тірілгендей әсерде қалатын болармыз.
медина 2017-08-11 18:45:16
білесіздер ме, рухани жаңғыру осы отырған әрқайсымыздың бойымыздан бастау алатындығын, күнделікті жүріс тұрысымыздан бастап, ойымызға дейін сәулелендірсек жарар еді!
Қасым 2017-08-11 18:45:00
Бұл Рухани жаңғыру ешкімнің де назарынан тыс қалмауда, барлық Отандастар, Отандық ұйымдар осылай белсенділік танытып, үлестерін қосқандары жөн әрине.
Нұргүл 2017-08-10 19:31:28
Осындай жақсы бастамалардың оң нәтиже берері сөзсіз
Ардақ 2017-08-10 18:45:24
ұлттық құндылықты насихаттау, тарихи мұраларды жаңғырту еліміз үшін, болашағымыз үшін өте маңызды. Бұл жұмыстарды нұротандықтар абырой мен атқаратындығына сенімдімін
Патриот 2017-08-10 18:39:47
Көзқарастарға толы, маңызы зор, мәртебесі биік мақала қолдау табуға тиіс. Ұлы Дала елінің келешегіндегі рухани жаңғырудың жаңа дәуірдегі даңғыл жолының барлық тұстары айқындалған десек артық айтқандық емес.
Ғалымжан 2017-08-10 18:26:31
Рухани жаңғыруға жаңа тыныс керек. Сол тынысты ашатын идеологияның майталмандары... Іске сәт!
Ореке 2017-08-10 17:40:01
Елбасының осы бағадарламалық мақаласын ұлттық даму бағадарламасы етіп бекітіп алған дұрыс сияқты. Рухани жаңғыруға жалт қарамаған қазақ баласы жоқ деп білемін өз басым.

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 2885
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 7458