جۇما, 29 ناۋرىز 2024
الاڭ 4379 3 پىكىر 11 تامىز, 2017 ساعات 15:57

جامپوزوۆتىڭ بالاسى ىشتەن تەپكەنى ءۇشىن ءىستى بولا ما؟

 

اقمولا وبلىسى، تسەلينوگراد اۋدانىنىڭ پروكۋرورىنا قول جۇمسادى دەپ پالەگە قالىپ جاتقان اسىلجان جامپوزوۆتىڭ ارەكەتىنە بايلانىستى ءىىم-ءنىڭ وكىلى الماس سادۋباەۆ مالىمدەمە جاسادى.

ءىىم-ءنىڭ وكىلى الماس سادۋباەۆتىڭ سوزىنە قاراعاندا اسىلجان جامپوزوۆ پروكۋروردى ىشتەن تەپكەن كورىنەدى. اسىلجاننىڭ اشۋ ۇستىندە مەملەكەتتىك قىزمەتكەرگە كۇش قولدانعانىن تاپ سول كەزدە وزگە دە مەملەكەتتىك قىزمەتكەرلەر كورىپ قالىپ، دەرەۋ كۋا بولىپ شىعا كەلگەنگە ۇقسايدى. ال پروكۋروردى «ۇرىپ جىبەرگەنىن» اسىلجاننىڭ ءوزى دە ايتىپ ءجۇر. «مەن ول كەزدە ءوزىمدى ءوزىم ۇستاي الماي افەكت جاعدايىندا بولدىم»، - دەيدى اسىلجان ومىربەكۇلى. ەندى قايتسىن، وزىنە ءوزى قول جۇمساۋعا جەتكىزگەن قيىن جاعدايدان قۇتىلۋدىڭ جولى باقي دۇنيەگە اتتانۋ دەپ شەشىم قابىلداعان اكەسى ارىستاي بولىپ سۇلاپ جاتسا، ۇلى قاراكەتسىز قاراپ وتىرا الا ما؟ بۇنداي كەزدە ىشتەن تەبۋ عانا ەمەس، ودان زورعىسى دا بولۋى مۇمكىن. ءتىپتى، شەتىن وقيعاعا قاتىسى باردىڭ باسى جارىلىپ، كوزى شىعىپ، مۇردەمگە كەتۋى دە ىقتيمال. الايدا، اسىلجان سول مەزەتتە ءوزىن سابىرعا شاقىرىپ، پروكۋروردان كەشىرىم سۇراپتى. ايتسە دە، جاس جامپوزوۆتىڭ پروكۋروردى ىشتەن تەبۋى  دەرەۋ تىركەلىپ، سول كۇنى، ياعني 20 شىلدە كۇنى اقمولا وبلىسىنىڭ ىشكى ىستەر دەپارتامەنتىنىڭ تەرگەۋ باسقارماسىنا جونەلتىلىپ ۇلگەرىپتى. ەستەرىڭىزگە سالا كەتەيىك، سول كۇنى ومىربەك جامپوزوۆ تسەلينوگراد اۋدانىنداعى پروكۋراتۋرا قىزمەتكەرى مەن پوليتسيا قىزمەتكەرىن اتىپ جارالاپ، سوڭىنان وزىنە قول جۇمساعان بولاتىن.

ءىىم-ءنىڭ وكىلى الماس سادۋباەۆ اسىلجان جامپوزوۆتىڭ ءىسى «مەملەكەتتىك قىزمەت وكىلىنە  كۇش قولدانۋ» جانە «سوتقا دەيىنگى تەرگەۋ ءىسى مەن سوتتىڭ شەشىمىنە بايلانىستى قورقىتىپ-ۇركىتۋ، كۇش قولدانۋ» بولىپ تابىلادى دەپ وتىر. الايدا اسىلجانعا قارسى قانداي دا ءبىر ءىس قوزعالماعانعا ۇقسايدى. راسىندا، اكە ولىمىنە جانى كۇيگەن جىگىت پروكۋروردى ىشتەن تەپكەنى ءۇشىن ءىستى بولا ما؟ بولمايتىن شىعار.

Abai.kz   

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3534