بەيسەنبى, 28 ناۋرىز 2024
جاڭالىقتار 5271 0 پىكىر 22 تامىز, 2017 ساعات 10:48

قازاقستان دراما تەاترلارىنىڭ  XXV رەسپۋبليكالىق فەستيۆالى وتەدى

9-13 قىركۇيەك ارالىعىندا استانادا قازاقستان رەسپۋبليكاسى مادەنيەت جانە سپورت مينيسترلىگى جانە قازاقستان تەاترلار اسسوتسياتسياسى  حالىقارالىق ەكسپو-2017 كورمەسىنىڭ مادەني باعدارلاماسى اياسىندا حالقىمىزدىڭ ءبىرتۋار تۇلعاسى، قازاقستاننىڭ ەڭبەك سىڭىرگەن ونەر قايراتكەرى،  مەملەكەتتىك سىيلىقتىڭ يەگەرى، كورنەكتى تەاتر سىنشىسى اشىربەك سىعايدىڭ 70 جىلدىعىنا ارنالعان قازاقستان دراما تەاترلارىنىڭ  XXV رەسپۋبليكالىق فەستيۆالىن وتكىزەدى.

"فەستيۆالدىڭ نەگىزگى ماقساتى – بار عۇمىرىن تەاتر ونەرىنە ارناعان سارابدال سىنشى، بىرەگەي تەاتر قايراتكەرىنىڭ شىعارماشىلىعىن كوپشىلىككە دارىپتەۋ، سوڭىنان قالدىرعان مۇرالارىن جاڭعىرتۋ، ەسىمىن ەل ەسىندە ماڭگى قالدىرۋ بولىپ تابىلادى.

سونداي-اق قازاقستانداعى تەاتر ونەرىنىڭ بۇگىنگى دامۋ باعىتتارى مەن كوركەمدىك كەلبەتىن  زەردەلەپ، ءوزارا شىعارماشىلىق قارىم-قاتىناستى ودان ءارى نىعايتۋ، تەاتر ونەرىندەگى ساباقتاستىقتى ساقتاپ، جاڭاشىلدىق ۇردىستەردى دامىتۋ، دارىندى اكتەرلەر مەن رەجيسسەرلەرگە قولداۋ كورسەتۋ – ماقسات-مۇراتىمىزعا اينالىپ وتىر",-دەيدى شارانىڭ ۇيىمداستىرۋشىلارى.

فەستيۆالگە  سوڭعى 2-3 تەاترلىق ماۋسىمدا تۇساۋكەسەرى وتكەن جانە بەدەلدى تەاتر سىنشىلارىنىڭ جوعارى باعاسىنا يە بولعان، بۇرىن فەستيۆالدەرگە قاتىسپاعان ۇزدىك قويىلىممەن قاتىسۋعا ەلىمىزدىڭ دراما، مۋزىكالىق دراما، مۋزىكالىق-كومەديا، ساتيرا، بالالار مەن جاسوسپىرىمدەر تەاترلارى قاتىسادى دەپ كۇتىلۋدە.

فەستيۆالگە رەسپۋبليكالىق – ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى،  اتىراۋ وبلىستىق ماحامبەت اتىنداعى قازاق دراما تەاترى، رەسپۋبليكالىق اكادەميالىق نەمىس دراما تەاترى، ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى، اقمولا وبلىستىق ورىس دراما تەاترى، استانا جاستار تەاترى، شىعىس قازاقستان وبلىسى «داريعا-اي» جاستار تەاترى، «جاس ساحنا» تەاترلارى  قاتىسادى.

بەس كۇن بويى استانا قالاسىنىڭ قوناقتارى مەن تۇرعىندارى فەستيۆال قويىلىمدارىن  ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى، «قازاقستان» ورتالىق كونتسەرت زالى جانە جاستار تەاترى ساحنالارىنان تەگىن تاماشالاي الادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530