سەنبى, 16 جەلتوقسان 2017
ايبىن 4311 4 پىكىر 28 تامىز, 2017 ساعات 10:02

«پاراساتتى پوليتسەي» بايقاۋى مارەگە جەتتى

سولتۇستىك قازاقستان وبلىسىندا ىشكى ىستەر ورگاندارى قىزمەتكەرلەرى اراسىندا وتكەن «پاراساتتى پوليتسەي» ءداستۇرلى سەگىزىنشى رەسپۋبليكالىق بايقاۋىنىڭ قورىتىندىسى شىعارىلدى. 

قازاقستان رەسپۋبليكاسى ىشكى ىستەر مينيسترلىگىنىڭ باستاماسىمەن وتكىزىلگەن بايقاۋدىڭ ماقساتى – ىشكى ىستەر ورگاندارىندا ءتىل ساياساتىن ناسيحاتتاۋ، پوليتسەيلەردى وتانسۇيگىشتىك رۋحتا تاربيەلەۋ، تىلگە دەگەن قۇرمەتىن ارتتىرۋ، قىزمەتتە جانە ۇيدە مەملەكەتتىك ءتىلدىڭ قولدانىس اياسىن كەڭەيتۋ، سونداي-اق پوليتسيا ماماندىعىنىڭ مارتەبەسىن كوتەرۋ بولىپ تابىلادى. 

بيىل «پاراساتتى پوليتسەي» بايقاۋىنا ءارتۇرلى ۇلت وكىلدەرىنەن قۇرالعان 95 پوليتسيا قىزمەتكەرى قاتىستى. قازاقستاننىڭ بارلىق وبلىسىنان جينالعان 19 كوماندا بايقاۋدا ءتۇرلى تۆورچەستۆولىق تاپسىرمالاردى ورىنداۋ ارقىلى وزدەرىنىڭ العىرلىقتارىن، اكتەرلىك قابىلەتتەرىن،  شەبەرلىكتەرىن پاش ەتتى. كاسىبي تەرميندەر، مەملەكەتتىك تىلدە سويلەمدەردى دۇرىس ءارى ادەمى قۇراۋ بويىنشا بىلىكتىلىكتەرىن سىنعا سالۋ كەزىندە كوماندالار وزدەرىنىڭ جوعارى دايىندىق دەڭگەيىن كورسەتە ءبىلدى.

«پاراساتتى پوليتسەي» بايقاۋىنىڭ قورىتىندىسىندا ءادىل قازىلار القاسىنىڭ شەشىمىمەن ءبىرىنشى ورىن العان اقتوبە وبلىسى ءىىد-ءنىڭ «سەرت بەرەمىز» كومانداسى ۇزدىك تانىلدى. ەكىنشى ورىندى اقمولا وبلىسى ءىىد-ءنىڭ  «كوكشە ساقشىلارى» مەن جامبىل وبلىسى ءىىد-ءنىڭ «تاراز قىراندارى» كوماندالارى ءوزارا ءبولىستى، ال ءۇشىنشى ورىن ماڭعىستاۋ وبلىسى ءىىد-ءنىڭ «كاسپي» جانە قر ءىىم قوستاناي اكادەمياسىنىڭ «قابىلباەۆ ۇرپاقتارى» كوماندالارىنا بۇيىردى.

بۇعان قوسا، 5 نوميناتسيا بويىنشا كەلەسى كوماندالار جەڭىمپاز تانىلدى:
-«كورەرمەن كوزايىمى» نوميناتسياسىندا - الماتى وبلىسى ءىىد-ءنىڭ «ماڭگىلىك ەل» جانە قاراعاندى وبلىسى ءىىد-ءنىڭ «الاش ايبىنى» كوماندالارى;
-«ۇيىمشىل كوماندا» نوميناتسياسىندا - استانا قالاسى ءىىد-ءنىڭ «ەلوردا» كومانداسى;
-«ونەرلى كوماندا» نوميناتسياسىندا - قر ءىىم قاراعاندى اكادەمياسىنىڭ «ساقشىلار ورداسى» كومانداسى;
-«تىلەگى مەن ءتىلى ءبىر» - نوميناتسياسىندا - قىزىلوردا وبلىسى ءىىد-ءنىڭ «سىر ساقشىلارى» كومانداسى;
«اكتەرلىك شەبەرلىگى ءۇشىن» نوميناتسياسىندا - اقمولا وبلىسى ءىىد كومانداسى جەڭىس تۇعىرىنان كورىندى.

بايقاۋدىڭ جابىلۋ سالتاناتىندا ىشكى ىستەر ءمينيسترىنىڭ ءبىرىنشى ورىنباسارى مارات دەمەۋوۆ بارلىق جەڭىمپازداردى قۇتتىقتاپ، ارنايى ديپولمدار مەن باعالى سىيلىقتار تابىس ەتتى.
مارات دەمەۋوۆ ءوزىنىڭ قۇتتىقتاۋ سوزىندە مەملەكەتتىك ءتىلدى مەڭگەرۋ دەڭگەيىن ارتتىرۋ – پوليتسيا قىزمەتكەرلەرىنىڭ كاسىبي ورتاسىن نىعايتىپ، ولاردى پاتريوتتىق رۋحتا تاربيەلەپ، وزدەرىنىڭ ماماندىعىنا دەگەن ماقتانىش سەزىمىن قالىپتاستىراتىنىن اتاپ ءوتتى.

سونىمەن بىرگە قازاقستاندىق پوليتسيانىڭ 25 جىلدىعى اياسىندا كولىكتەگى ىشكى ىستەر دەپارتامەنتى، وڭىرلەردەگى ىشكى ىستەر دەپارتامەنتتەرى اراسىندا ايتۋلى مەرەكەگە ارنالعان ءىس-شارالار تۋرالى بەينەروليكتەر بايقاۋى وتكىزىلگەن بولاتىن. ۇزدىك بەينەروليك ءۇشىن ءى دارەجەلى ديپلوممەن ماڭعىستاۋ وبلىسى ىشكى ىستەر دەپارتامەنتى، ءىى دارەجەلى ديپلومدارمەن جامبىل جانە سولتۇستىك قازاقستان وبلىسى ىشكى ىستەر دەپارتامەنتتەرى، ءىىى دارەجەلى ديپلومدارمەن استانا قالاسى، الماتى جانە شىعىس قازاقستان وبلىسى ىشكى ىستەر دەپارتامەنتتەرى ماراپاتتالدى. سونداي-اق ۇزدىك كليپ ءۇشىن ماڭعىستاۋ وبلىسى ءىىد ارنايى ديپلومدى قانجىعاسىنا بايلادى.

ءىلياس اقباي

Abai.kz

4 پىكىر