جۇما, 29 ناۋرىز 2024
دەپ جاتىر 10036 17 پىكىر 6 قىركۇيەك, 2017 ساعات 08:46

قارا توقا كۇلەكباەۆتىڭ ءىسىن قايتالاۋى كەرەك پە؟

اتىراۋ وبلىسى، جىلوي اۋدانى 7 - اۋىلدا تۇراتىن باۋىرىمىز 24 جاستاعى امانداۋلەتوۆ توقتار، جاناما اتى "قارا توقا" (پو كليچكە "چەرنىي توكا") قازاقتىڭ جاي، قارا دومالاق سالماقتى، بيازى بالاسى. اسىرا ماقتاعاندىق ەمەس، تۋا بىتكەن شىمىر، مىقتى سپورت شەبەرى، ءبىرتۋار ازامات دەسەك تە بولادى. بۇل باۋىرىمىزدىڭ سپورت سالاسىنا دا قوسقان ۇلەسى وتە زور. مۇنداي ءبىرتۋار جىگىتتەردىڭ كوزىن اشىپ، ىنتالاندىرىپ، قول جەتپەس بيىك بەلەستەرگە قانات جايىپ ۇمتىلۋىنا جاعداي جاساۋدىڭ، سەبەپ بولۋدىڭ ورنىنا ءبىزدىڭ ءىى ءبولىمى قىزمەتكەرلەرى ونى سىندىرىپ، ودان ۇلتاراق جاساماق.

قازىر مۇگەدەك بولسا دا مۇگەدەكتەر ارالىق جارىستاردا ءبىرىنشى ورىن الىپ اۋداننىڭ ابىروي-داڭقىن، اتاعىن كوتەرىپ وتىرعانىن نەگە ايتپاسقا؟ وسى ۋاقىتقا دەيىن ىشىنە سىرىن بۇككەن باۋىرىمىز كۇنى كەشە كەلىپ (جاستار جيىلاتىن ورداعا) ىشىندەگى بار سىرىن ورتاعا  اقتارىپ سالدى. ء"بىر كۇنانىڭ يەسى بولسام ءبىر ءسارى، نەگىزسىز ارتقا تۇسكەننەن اسقان ازاپ جوق ەكەن. نە ىستەۋ قالدى، نە ىستەيىن، مەن سىناتىن شىنى حرۋستال ەمەسپىن، الدىم قۇز دا ارتىم جار، كۇلەكباەۆ قۇساپ تۇگەل قىرۋ كەرەك پە بۇلاردى؟" دەدى.

بۇل - لاجى قالماعان اشۋلى جىگىتتىڭ سوڭعى ۇيعارىمى ەكەن. وسى ماسەلەدە قاندايدا ءبىر جامانات ورىن السا، بۇعان كىنالى، مۇندايعا جول اشقان، سەبەپكەر قۇزىرلى ورىن قىزمەتكەرلەرى بولىپ قالماق. ءبىز سابىرلى بولۋعا شاقىردىق ونى.

"قارا توقانىڭ" ارتىنا 2015 جىلدان باستاپ ءىى ءبولىمى قىزمەتكەرلەرى شىراق الىپ ءتۇسىپتى. داۋدىڭ باسى دايرابايدىڭ الا سيىرى دەگەندەي، جالعان نارسەنى سىلتاۋ قىلىپ، شىبىننان ءپىل جاساۋ ءىى بولىمىنە مىزعىماس قاعيدا بولىپ بەكىگەن بە؟ 2015 جىلى، ياعني اۋداندىق ىشكى ىستەر باسقاراماسى ءىى ءبولىم قىزمەتكەرلەرى جالا جاپقان كەزدە توقتار بالداقپەن جۇرگەن مۇگەدەك ەدى. سونداي جۇگىرە المايتىن مۇگەدەككە «سوتكا ۇرلاپ قاشتىڭ» دەپ جالا جابۋى، جالعان كۋاگەرلەر جالداۋى، توقتاردىڭ اتىنان تۇسىنىكتەمە، ارىز، قولحاتتار جازىپ، ونىڭ قولىن قويۋى بارىپ تۇرعان قىلمىس ەمەس پە، وسىنىڭ ءبارى اقىلعا سيا ما؟

ەكى جىلدىق درامانى بۇل جەرگە سىيعىزۋ مۇمكىن ەمەس، دەگەنمەن دە ناقتىلانىپ جازىلىپ جاتىر. قورقىتىپ مويىنداتۋ، قارۋمەن قورقىتۋ، قالتاعا ناركوتيك-ەسىرتكى سالۋ وپەراتسياسىنىڭ بارىن جاساپ كورگەن، "ولمەيتىن قۇلعا ءولى بالىق كەزىگەدى" دەگەندەي، ازىرشە وندايلاردان باۋىرىمىز ءدىن امان. بىراق، قۋعىنشىعا جارعا تىرەلگەن حايۋاننىڭ ازۋىن اقسىيتۋى تابيعي زاڭدىلىق. دەمەك، قارسى تاراپتان ىزعار، قاۋىپ بار. حيكايا الداعى ۋاقىتتا تولىق جاريالانادى. سوندىقتان دا، توقانىڭ ارتىنا تۇسكەن "باندىنى قۋعان حاميتتەرگە" ايتارىمىز، ءىس ناسىرعا شاپپاي تۇرعاندا بەيبىت جاعدايدا ءىستى توقتاتۋلارىڭدى جىلوي جاستارى اتىنان سۇرايمىز!

جىلىوي نامىستى جاستارى!

Abai.kz

17 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604