دۇيسەنبى, 18 جەلتوقسان 2017
614 3 پىكىر 11 قىركۇيەك, 2017 ساعات 08:25

اشحابادتا قىز-كەلىنشەكتەر مەرەكەلىك كيىممەن كوشە تازالايتىن بولادى

اشحابادتا ازيا ويىندارى قارساڭىندا كوشە تازالاۋشىلار جۇمىسقا ەندى مەرەكەلىك جاسىل ءتۇستى كيىممەن شىعۋ كەرەك. كوشە تازالاۋشى ايەلدەر باستارىن شاڭنان قورعايتىن ورامال تاعا المايدى.

كوممۋنالدى شارۋاشىلىق قىزمەتىنىڭ كوشە تازالاۋشىسى باسشىلىق جاسىل ءتۇستى ماتادان تىگىلگەن جاڭا كيىمگە تاپسىرىس بەرگەنىن ايتادى. بىراق ونىڭ قۇنىن ەڭبەك اقىلارىنان ۇستاپ قالادى ەكەن. كەيبىر جۇمىسشىلار اقشانى ۇنەمدەۋ ءۇشىن، ماتانى الىپ، كيىمدى وزدەرى تىگۋدى سۇراپتى. بىراق باسشىلىق باس تارتقان.

ونىڭ ۇستىنە كوشە تازالاۋشىلاردىڭ جۇمىس كەستەسى دە وزگەرگەن. ولار تاڭعى ساعات 7-دەن تۇنگى 3-كە دەيىن جۇمىس ىستەيتىن بولادى.

جەرگىلىكتى باقىلاۋشىلار كوشە تازالايتىن ارنايى زاماناۋي تەحنيكالار بولا تۇرا، جۇمىسشىلاردى قولمەن ىستەيتىن قارا جۇمىسقا سالادى دەيدى. تىپتەن قىز-كەلىنشەكتەر جولداردى شۇبەرەكپەن جۋادى ەكەن.

بۇدان بولەك كوشەنى تازالاۋعا دا كەلبەتتى، جاسى 30-دان اسپاعان ايەلدەردى تارتادى ەكەن.

Abai.kz

3 پىكىر