دۇيسەنبى, 20 قاراشا 2017
1318 0 پىكىر 11 قىركۇيەك, 2017 ساعات 08:27

تىڭشىلىقپەن ايىپتالعان ءزۇلفيانىڭ اكەسى وزبەكستان پرەزيدەنتىنە حات جازدى

تاجىكستاننىڭ تىڭشىسى بولدى دەپ ايىپتالىپ، 11,5 جىلعا باس بوستاندىعىنان ايىرىلعان ءزۇلفيا حاليموۆانىڭ اكەسى مۇحاممادنوسير حاليموۆ 8 قىركۇيەكتە تۇرمەدەگى قىزىمەن كەزدەسكەن. كەزدەسۋدەن كەيىن ول وزبەكستان پرەزيدەنتى مەن جوعارعى سوت توراعاسىنا حات جولداعان.

– كەشە مەن قىزىممەن كەزدەستىم. ونىمەن سويلەسىپ، كىناسىز ەكەنىنە كوزىمدى جەتكىزدىم. قىزىم زورلىق-زومبىلىقتان كەيىن، ىستەمەگەن ءىستى مويىندادىم دەيدى. بۇگىن مەن وزبەكستان پرەزيدەنتى مەن جوعارعى سوت توراعاسىنا حات جازدىم. مەنىڭ قىزىم تىڭشى ەمەس، – دەيدى 36 جاستاعى ءزۇلفيانىڭ اكەسى.

ول قىزىنىڭ جۇمىس ىزدەپ تاجىكستانعا كەتكەنىنە بولا، ايىپتالعانىن ايتادى.

– مەنىڭ قىزىمدى سىرداريا جىلۋ ەلەكتر ستانتسياسىندا جۇمىس ىستەپ جۇرگەنىندە تىركەۋ بولىمىنە الداپ شاقىرىپ العان. وندا ەكى ايەل قاستاندىق جاساعان. كەيىن ميليتسيا كەلىپ، قىزىمدى الىپ كەتكەن. ونى بۇزاقىلىق جاسادى دەپ 10 تاۋلىككە قاماعان. بۇل جونىندە تىپتەن بىزگە حابار دا بەرمەگەن. ول قاماۋدا وتىرعاندا، ارنايى قىزمەتتىڭ تەرگەۋشىسى زوير تۇرسىنوۆ قىسىم كورسەتىپ، ىستەمەگەن قىلمىسىن مويىنداتقىزىپ، قول قويدىرىپ العان، – دەيدى حاليموۆ.

36 جاستاعى ءزۇلفيا حاليموۆانىڭ ءىسى وزبەكستاننىڭ اسكەري سوتىندا جابىق ەسىك جاعدايىندا وتكەن.

Abai.kz

0 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 10108
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18247