دۇيسەنبى, 18 جەلتوقسان 2017
692 3 پىكىر 11 قىركۇيەك, 2017 ساعات 08:30

ۋكراينا بيلىگى ميحايل سااكاشۆيليدىڭ شەكارانى "بۇزىپ ءوتۋىن" ايىپتادى

10 قىركۇيەكتە ۋكراينا ازاماتتىعىنان ايىرىلعان ودەسسا وبلىسىنىڭ بۇرىنعى باسشىسى، گرۋزيانىڭ ەكس-پرەزيدەنتى ميحايل سااكاشۆيلي پولشا مەن ۋكراينا اراسىنداعى شەكارانى كەسىپ ءوتتى. ۋكراينا بيلىگى ونى مەملەكەتتىك شەكارانىڭ ءتارتىبىن بۇزدى دەپ ايىپتادى.

ۋكراينانىڭ مەملەكەتتىك شەكارا قىزمەتى "شەگيني" وتكىزۋ بەكەتىندە اگرەسسيالى توپ ۇلتتىق پوليتسيا وكىلدەرىمەن توبەلەس ۇيىمداستىرىپ، مەملەكەتتىك شەكارا ءتارتىبىن بۇزدى. ونىڭ ىشىندە حالىق دەپۋتاتتارى بولدى" دەپ مالىمدەمە جاسادى.

ۋكراينانىڭ باس پروكۋرورى يۋري لۋتسەنكو شەكارا ءتارتىبىن بۇزعان ميحايل سااكاشۆيلي باستاعان توپتىڭ قىلمىستىق جاۋاپقا تارتىلاتىنىن ەسكەرتتى.

سااكاشۆيلي ەكى رەت ءوزىنىڭ جوسپارىن وزگەرتىپ، پولشا-ۋكراينا شەكاراسىن كەسىپ ءوتىپ، "شەگيني" (لۆوۆ وبلىسى) وتكىزۋ بەكەتىنە كەلدى. بۇل جەردە سااكاشۆيلي كەلەردەن بىرنەشە ءمينوت بۇرىن، شەكاراشىلار وتكىزۋ بەكەتىنىڭ جابىلاتىنىن مالىمدەدى. ەكى جاقتى دا ارنايى قىزمەتتىڭ اسكەرى قورشاپ تۇردى. بىراق سااكاشۆيلي حالىقتىڭ جانە جوعارعى رادا دەپۋتاتتارىنىڭ قولداۋىمەن قورشاۋدى بۇزىپ، ۋكراينا اۋماعىنا ءوتتى.

سااكاشۆيلي ۋكراينا پرەزيدەنتىنىڭ جارلىعىمەن ۋكراين ازاماتتىعىنان ايىرىلدى. ەندى وعان بۇل ەلگە كىرۋ ءۇشىن ارنايى ۆيزا قاجەت بولعان.

Abai.kz

3 پىكىر