سەنبى, 16 جەلتوقسان 2017
ءبىرتۋار 2061 6 پىكىر 11 قىركۇيەك, 2017 ساعات 08:41

Er Qazaq!

بۇل جىرىمدى QAZAQ قانات يسلام باستاعان

قازاقتىڭ جەڭىمپاز  جەتى ۇلىنا ارنايمىن. 

ۇلتىمەن ءبىر ماڭگى تىلەگى،

(ويى دا، بويى دا ءىرى ەدى)...

ال قانات - ۇلتىنىڭ ۇلى ەدى.

«QAZAQ» دەپ سوعاتىن جۇرەگى.

 

...عاجايىپ التىن كۇز كەشىندە،

ءتاتتى ويعا باتقانداي ەسىل دە...

QAZAQ - شىن ەرلىگىن كورسەتتى،

كيەلى سارى ارقا توسىندە!

 

نامىسىن قازاقتىڭ بەرمەدى،

نامىسشىل ەر QAZAQ ورلەدى.

جەڭىلىس بىلمەيتىن قاناتىم،

بۇل جولى تاعى دا ەرلەدى!

 

...جۇرەگىم كەۋدەمە سىيمادى،

ەرلەدى قازاعىم، سىنبادى!

سونداي-اق، قازاقتىڭ جەتى ۇلى

قاناتتاي تەك جەڭىس سىيلادى...

 

جەڭەتىن قانداي دا قايعىنى،

ۇل-قىزى – ۇلتىمنىڭ بايلىعى،

بۇل جولى بارشا الەم الدىندا

كورىندى ەر قازاق ايبىنى!

 

تەك قانا جاقسىلىق تىلەگى،

قازاقتىڭ نامىسشىل ۇلى ەدى،

ال شىنىن ايتقاندا ۇلتىم-اۋ،

بۇل ناعىز قازاقتىڭ كۇنى ەدى!..

 

ءبىر ساتتە جاقىنداپ الىسىم،

ەرلەدى ەر QAZAQ ارىسىم!

جاساي بەر، قازاعىم، جاساي بەر،

ايالاپ ۇلتىمنىڭ نامىسىن!..

 

جۇماش كەنەباي (كوكبورى),

10.09.2017 جىل، جەكسەنبى

Abai.kz

6 پىكىر