سەنبى, 23 قىركۇيەك 2017
ماڭگىلىك ەل 424 0 پىكىر 11 قىركۇيەك, 2017 ساعات 09:59

الماتى وبلىسىندا ۇزدىك جاس وتباسىنى انىقتادى

تالدىقورعان قالاسى، «ەراسىل» دەمالىس ورنىندا «ماڭگىلىك ەل –ماڭگىلىك وتباسى» وبلىستىق جاس وتباسىلار بايقاۋى ءوتتى. بيىلعى جىلى «ماڭگىلىك ەل –ماڭگىلىك وتباسى» بايقاۋى التىنشى رەت ۇيىمداستىرىلىپ وتىر.

بايقاۋدىڭ ماقساتى جاستاردى وتباسىلىق قۇندىلىقتاردى قۇرمەتتەي بىلۋگە شاقىرۋ، قازاق حالقىنىڭ سالت-ءداستۇر، ادەت- عۇرىپتارىن ساقتاي وتىرا، دوستىعى ۇيىعان وتباسىلاردى جان- جاقتى ناسيحاتتاۋ، بولاشاق جاستارعا پاتريوتتىق ءتالىم-تاربيە بەرۋگە، مەملەكەتتىك جاستار ساياساتىن جۇزەگە اسىرۋعا باعىتتالعان.

سالتاناتتى ءراسىمدى وبلىس اكىمىنىڭ ورىنباسارى جاقسىلىق ومار اشىپ، جارىسقا قاتىسۋشىلارعا ساتتىلىك پەن ادال جەڭىس تىلەستى. قاتىسۋشىلار «وتباسىلىق ەستافەسا»، «كانەكەي بالاقاي»، «جۇيرىك بولساڭ، وزىپ كور»،   «اتا كورگەن وق جونار، انا كورگەن تون پىشەر» «تانىستىرۋ» «ونەرلىگە ءورىس كەڭ» سەكىلدى كەزەڭدەردەن سىنعا ءتۇسىپ، ءوز باقتارىن سىنادى. جارىستىڭ ناتيجەسى بويىنشا باس جۇلدەنى كاكيموۆتار جانۇياسى ( قاراتال اۋدانى)  يەلەندى، 1- ءشى ورىندى تۇرىسبەكوۆتار (كەربۇلاق اۋدانى) ، 2- ءشى ورىندى تاۋىربەكوۆتار جانۇياسى ( جامبىل اۋدانى) بولسا 3- ءشى ورىن ماراتوۆتارعا (سارقان) اۋدانى يەلەندى. ەڭ ۇزدىك جاس وتباسىعا ءۇي جيhازىن ساتىپ الۋعا 200 000 تەڭگەلەي سىيلىق جانە قالعان ورىندارعا تۇرمىستىق تەxنيكا بەرىلدى.

Abai.kz

0 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 5879
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 12385