دۇيسەنبى, 20 قاراشا 2017
ماڭگىلىك ەل 685 0 پىكىر 11 قىركۇيەك, 2017 ساعات 11:54

بلوگەرلەر جەتىسۋ ولكەسىنىڭ تاريحي جەرلەرىن زەرتتەۋدە

فوتو. ماكسيم روجين 

بلوگەرلەر ورتا ازياداعى ەڭ بيىك سارقىرامالارىنىڭ ءبىرى بۇرحانبۇلاققا ساياحات جاساپ قايتتى. ونى  الماتى وبلىسىنىڭ ىشكى ساياسات باسقارماسى بۇقارالىق اقپارات قۇرالدارىنىڭ وكىلدەرىنە ارناپ  ۇيىمداستىرعان. بۇرحانبۇلاق جوڭعار الاتاۋىنىڭ شىعىس بەتكەيىندە تابيعاتى كەرەمەت جەردە ورنالاسقان. تەكەلى قالاسىنا جاقىن ماڭايدا وبلىس ورتالىعىنان 100 شاقىرىم جەردە تۇر. بۇرحانبۇلاق 112 مەتر بيىكتىكتەن قۇلايدى. سۋى دەرتكە داۋا، جانعا شيپا. كونەكوز ادامداردىڭ ايتۋىنشا، بۇل جەردە وڭىرگە قاتىستى تالاي اڭىز اڭگىمەلەر دە تۋعان.

«سارقىراما جايلى اڭىز بار: بۇرحان اناسىنىڭ جالعىز ۇلى بولادى، اناسى ونىڭ ۇيگە سىپايى جاقسى قىز الىپ كەلەدى دەپ ارماندايدى. بىراق بۇرحان وتە نامىسشىل اسقاق قورانى ءسۇيىپ قالادى. بالاسىنىڭ تاڭداۋىنا نارازى بولعان اناسى ۇلىن سول ماحابباتتان الشاقتاتۋ ءۇشىن ۇلكەن ساراي سالىپ ۇلىن سول جەرگە قاماپ قويادى. بىراق بۇرحاننىڭ ماحابباتى كۇشتى بولعاندىقتان ول قاماۋدان بوساپ شىعىپ ءوزىنىڭ سۋلارىن ادەمى قورامەن ءتۇيىستىردى. سول ۋاقىتتان بەرى ولار بىرگە اعادى»، - دەدى ولكە تانۋشى سابانچيەۆ باعلان.

سونىمەن قاتار، وبلىستىق ىشكى ساياسات باسقارماسىنىڭ باسشىسى رۋستام الپىسباەۆ: «ءبىزدىڭ ماقساتىمىز – وسى ينفوكۆەست پرەسس-تۋرى ارقىلى  ءبىزدىڭ جاستارىمىزدى زاماناۋي تەحنولوگيالاردىڭ، سونىڭ ىشىندە كەيبىر كەزدە زيان تيگىزەتىن گادجەتتەردەن، ءموبيلدى تەحنولوگيالاردان ءۇزىپ، وسى اتا-بابالارىمىز كورگەن، تاڭداعان، ناسيحاتتاعان، اڭىز اڭگىمەلەرى وسى جەردەن باستاۋ العان جەرلەرگە الىپ كەلىپ كورسەتۋ».

30 ادامنان قۇرالعان ساياحاتشىلار توبى  بۇرحانبۇلاق باسىنداعى لينگۆيستيكالىق لاگەرگە توقتاپ، سەمينار-ترەنينگ ۇيىمداستىردى.

Abai.kz

 

0 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 10108
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18247