بەيسەنبى, 18 قاڭتار 2018
تالقى 1118 17 پىكىر 11 قىركۇيەك, 2017 ساعات 12:09

ن.نىعماتۋلين: قازاق ءتىلىن جاڭعىرتۋدىڭ باستى كورسەتكىشى – لاتىن جازۋىنا كوشۋ

بۇگىن ماجىلىستە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ بىرىڭعاي ستاندارتىن ەنگىزۋ ماسەلەلەرى تۋرالى» پارلامەنتتىك تىڭداۋ ءوتتى.

مەملەكەتتىك ءتىلدى جاڭعىرتۋ قاجەتتىلىگىن، ونىڭ ىشىندە لاتىن گرافيكاسىنا ءوتۋ تۋرالى مەملەكەت باسشىسى ن.ءا. نازارباەۆ «قازاقستان – 2050 ستراتەگياسى قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا اتاپ وتكەن بولاتىن.

پارلامەنتتىك تىڭداۋدا ءماجىلىس توراعاسى ن. نىعماتۋلين: «ءبىزدىڭ   ۇلتتىق سانا-سەزىم، رۋحاني دامۋ، وركەندەۋ جولىمىز، وسىنىڭ بارلىعى، قازاق    ءتىلىنىڭ    جاڭا    ءالىپبيىن  جاساۋدان   باستالادى. سەبەبى، ەلباسىمىز نۇرسۇلتان ءابىشۇلى نازارباەۆ ايتقانداي، قازاق  ءتىلى  –   ول   ءبىزدىڭ  رۋحاني  نەگىزىمىز. وسى جولدا ءتىلدىڭ حالىقارالىق مارتەبەسىن كوتەرۋ، ءبىزدىڭ الەمدىك وركەنيەتكە  جەتۋىمىزدىڭ  باستى  كەپىلى. سونىمەن  بىرگە،  جاڭا  ءالىپبي بۇكىل الەم قازاقتارىن بىرىكتىرەتىن  وتە ماڭىزدى فاكتور» - دەدى.

وسى رەتتە پالاتا سپيكەرى  تىل جانە جاڭا ءالىپبي ماسەلەسىندە قاتەلىككە جول بەرۋگە بولمايتىنىنا، قازاق ءتىلىن جاڭعىرتۋدىڭ باستى كورسەتكىشى لاتىن جازۋىنا كوشۋ ەكەندىگىنە جانە الەم قازاقتارىن بىرىكتىرەتىن ماڭىزدى فاكتور ەكەنىنە توقتالدى.

وتىرىس بارىسىندا حالىق قالاۋلىلارى مەن بەلگىلى ساياساتكەرلەر، زيالى قاۋىم وكىلدەرى، عالىمدار، ساراپشىلار مەن ءتىل ماماندارى، قوعامدىق ۇيىم مۇشەلەرى جاڭا ءالىپبيدىڭ جوباسىن ازىرلەگەن مامانداردىڭ ەڭبەكتەرىمەن تانىستى.

Abai.kz

17 پىكىر