بەيسەنبى, 19 قازان 2017
بولعان وقيعا 1139 1 پىكىر 12 قىركۇيەك, 2017 ساعات 08:40

ۇقك-ءنىڭ بۇرىنعى باسشىسى سوتتالدى

اقمولا گارنيزونىنىڭ اسكەري سوتى بيىل 24 تامىزدا ۇقك-ءنىڭ بۇرىنعى توراعاسى نارتاي دۇتباەۆتىڭ قىلمىستىق ءىسى مەن وعان قاتىستى ءۇش ادامعا ۇكىم شىعارعان. سوت پروتسەسى جابىق تۇردە ءوتتى. سوت ۇكىمى تۋرالى رەسمي اقپارات كەشە عانا قازاقستان اسكەري سوتىنىڭ سايتىندا جاريالاندى.

ۇكىم بويىنشا، نارتاي دۇتباەۆ مەملەكەتتىك قۇپيانى جاريالادى جانە قىزمەت بابىن اسىرا پايدالاندى دەپ تانىلىپ، جەتى جىل التى اي باس بوستاندىعىنان ايىرۋ جازاسىنا كەسىلدى. بۇعان قوسا دۇتباەۆتىڭ مەملەكەتتىك لاۋازىمدى قىزمەت اتقارۋىنا ءومىر بويىنا تىيىم سالىنىپ، ونى "گەنەرال-لەيتەنانت" اسكەري شەنىنەن جانە مەملەكەتتىك ناگرادالارىنان ايىرۋعا ۇسىنىس جاسالعان.

"دۇتباەۆ ءىسى" بويىنشا سوتقا تارتىلعان رايس مۇراتوۆ پەن نۇرلان حاسەن دە تاپ وسىنداي قىلمىس جاسادى دەپ ايىپتالىپ، ەكەۋىنە دە بەس جىلعا باس بوستاندىعىنان جانە ءومىر بويى مەملەكەتتىك لاۋازىمدى قىزمەت اتقارۋ قۇقىعىنان ايىرۋ جازاسى تاعايىندالعان. نۇرلان حاسەننىڭ مەملەكەتتىك ناگرادالارىنان ايىرۋعا ۇسىنىس جاسالعان.

"دۇتباەۆ ىسىندەگى" سوڭعى سوتتالۋشى ەرلان نۇرتاەۆ "مەملەكەتتىك قۇپيانى جاريالاۋعا بولىستى" دەپ ايىپتالىپ، ءۇش جىل التى ايعا باس بوستاندىعىنان ايىرۋ جانە مەملەكەتتىك لاۋازىمدى قىزمەت اتقارۋ قۇقىعىنان ايىرۋ جازاسى كەسىلگەن.

اسكەري سوتتىڭ اقپاراتىنا قاراعاندا، ۇكىم زاڭدى كۇشىنە ءالى ەنبەگەن.

نارتاي دۇتباەۆ – قازاقستان تاۋەلسىزدىگىن جاريالاعالى بەرى وتكەن شيرەك عاسىردا سوتتالعان ارنايى قىزمەتتىڭ ەكىنشى باسشىسى. ءبىرىنشىسى – ارنايى قىزمەتتى ەكى رەت باسقارعان، ال 2008 جىلى "مەملەكەتكە وپاسىزدىق جاسادى" جانە "مەملەكەتتىك توڭكەرىس جاساۋعا ارەكەتتەندى" دەگەن ايىپتار بويىنشا سىرتتاي سوتتالعان ءالنۇر مۇساەۆ. ۇقك باسشىلارى رەتىندە مۇساەۆ پەن دۇتباەۆتىڭ اتى-ءجونىن ۇقك سايتىنان الىپ تاستاعان.

نارتاي دۇتباەۆ ۇقك-ءنى 2001 جىلعى جەلتوقساننان 2006 جىلعى اقپاننىڭ 22-سىنە دەيىن باسقارعان. ول وپپوزيتسيا جەتەكشىسى التىنبەك سارسەنبايۇلىن قاستاندىقپەن ولتىرۋگە ۇقك-ءنىڭ "ارىستان" ارنايى جاساعى قىزمەتكەرلەرىنىڭ قاتىسى بارى انىقتالعاننان كەيىن وتستاۆكاعا كەتكەن. دۇتباەۆ وتستاۆكاعا كەتكەن سوڭ ۇقك اكادەمياسىنىڭ باسشىسى، پرەزيدەنت نۇرسۇلتان نازارباەۆتىڭ كەڭەسشىسى بولدى، از ۋاقىت "قازاتومونەركاسىبى" ۇلتتىق كومپانياسىنىڭ ۆيتسە-پرەزيدەنتى قىزمەتىن اتقاردى.

Abai.kz

1 پىكىر
Қайдағы құпия 2017-09-12 16:22:01
Түбі сотталатын болғасын мемлекеттік құпияға жатқызып отырылған біреулердің қылмыстарын елге жария етіп жіберіп, ерлік көрсету керек еді. Бірақ әлі де кеш емес.

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7676
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 14919