سارسەنبى, 17 قاڭتار 2018
بەتبۇرىس 4363 107 پىكىر 12 قىركۇيەك, 2017 ساعات 15:18

لاتىن قارىپىندەگى قازاق ءالىپبيى (جوبا)

 

 

سونىمەن لاتىن قارىپىنە وتۋگە بەت بۇردىق. قۇرمەتتى وقىرمان، ءسىز سۋرەتتەن كورىپ وتىرعان نۇسقا كەشە ءماجىلىستىڭ وتىرىسىندا دەپۋتاتتارعا ۇسىنىلعان جوبا. ازىرگە جوبا. جوبانىڭ جۋىق ارادا ماقۇلدانۋى دا مۇمكىن. ۇلتتىق، مەملەكەتتىك مازمۇنى تەرەڭ ماسەلەگە بايلانىستى قازىر الەۋمەتتىك جەلىلەر مەن سايتتاردا قىزۋ پىكىرتالاس ءجۇرىپ جاتىر. كوپشىلىك لاتىن قارىپى نۇسقاسىنداعى قازاق ءالىپبيىن قولداۋدا، قارسى پىكىر ايتۋشىلار دا بار. الايدا، لاتىنعا كوشۋدىڭ ءمان-ماعىناسىنا تەرەڭىرەك ءۇڭىلىپ وتىرعان زيالى جاس قاۋىم وكىلدەرى باسىم داۋىسقا يە بولۋدا. سونىڭ ءبىرى بەلىگلى ساياساتتانۋشى ەرلان سايىروۆ بىلاي دەيدى:

قۇرمەتتى دوستار!
ءالىپبيدى اۋىستىرۋ وڭاي شارۋا ەمەس، ول انىق دۇنيە. "بەس ساۋساق بىردەي ەمەس", ءار-الۋان پىكىر بولادى.
مەن بۇل ماسەلەنى ەڭ باسىنان قولداپ كەلە جاتىرمىن.
شىنى كەرەك، ءبىز كەشىگىپ كەلەمىز. بۇل گرافيكاعا 2000 جىلداردىڭ باسىندا ءوتىپ كەتۋىمىز كەرەك ەدى. لاتىن ءالىپبيى نە ءۇشىن كەرەك؟ 
ول كوپتەگەن رۋحاني "فوبيالارعا" يممۋنيتەت. يمۋنيتەت ءۇشىن ۆاكتسينا ەنگىزگەن كەزدە كىم بولسا دا باسىندا اۋىرادى. بىراق، ول كەزەڭ وتەدى. وتكەننەن كەيىن ورگانيزم كوپتەگەن اۋىرۋعا ءتوزىمدى كەلەدى. ءبىزدىڭ لاتىن ارپىنە قاراستى وي-پىكىرلەرىمىزدى مەديتسينالىق ۇعىمدا وسىلاي بەينەلەپ ايتۋعا بولادى. سوندىقتان، ناقتى ۇسىنىستاردى بەرىپ، عالىمداردىڭ ورتاسىنا سالىپ، شەشىم شىعارىپ، بۇل ماسەلەنى ماڭگىلىكە جاۋىپ تاستاۋعا ءتيىسپىز. لاتىن ءارپى ءبىىزدىڭ بولاشاعىمىزدىڭ كەپىلى!
بۇل - اكسيوما!
مەن ءوزىم، ەشقانداي ماشىعىم بولماسا دا، كوميسسيا رەسمي تۇردە ءالىپبيدى قابىلداعان كۇننەن باستاپ، قازاق تىلىندە تەك قانا لاتىن ارپىمەن جازاتىن بولامىن!
قانشا قيىن بولسا دا!
ويتكەنى، ادام "كومفورت ايماعىنان" شىعۋعا قابىلەتتى بولعان كەزدە عانا دامۋعا بەيىمدەلەدى!
ناقتى ۇسىنىستاردى بەرىپ، تالقىلاۋعا تەك عىلىمي تۇرعىدا قاتىسىپ، العا جىلجيتىن ۋاقىت كەلدى.
ءبىزدىڭ بالالارىمىز گادجەت، ايفون ارقىلى "اتام زاماندا" لاتىن ارپىنە ءوتىپ كەتكەن. بالالارىمىزدان ۇيات بولىپ جۇرمەسىن. وسىنى دا ەسكەرەيىك!

Abai.kz

107 پىكىر