سارسەنبى, 20 قىركۇيەك 2017
ماڭگىلىك ەل 402 0 پىكىر 13 قىركۇيەك, 2017 ساعات 09:41

الماتى وبلىسىندا «WELCOME to ZHETYSU» ءفيلمىنىڭ ءتۇسىرىلىمى باستالدى

بۇگىن الماتى وبلىسى اكىمىنىڭ ورىنباسارى جاقسىلىق ومار جاستاردىڭ جوباسىنا اق جول تىلەپ، جەتىسۋلىقتار «WELCOME to ZHETYSU» ءفيلمىن ءتۇسىرۋدى باستاپ كەتتى. بۇل تۋىندى جەتىسۋ ءوڭىرىنىڭ كورنەكتى جەرلەرىن كينو تىلىمەن ناسيحاتتايتىن ەرەكشە جوبا بولماق. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز ءماليحاتىندا بەلگىلى بولدى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

كينو جەلىسى وتە قىزىقتى، ءتۇرلى شىتىرمانعا تولى، ازىلمەن ارلەنگەن. جەتىسۋ ولكەسىنىڭ تاماشا جەرلەرى دە وسى تۋىندىنىڭ ىشىندە كورسەتىلەدى. ستسەناري اۆتورى جۇمابەك ادىلەتتىڭ ايتۋىنشا، كينو قازاق تىلىندە تۇسىرىلەدى، اتالمىش تۋىندىداعى نەگىزگى رولدەردى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ەڭ ۇزدىك تۇلەكتەرى ويناماق.

ءفيلمنىڭ قىسقاشا مازمۇنى: جاڭا تانىسىپ قوسىلعان جولداستار جەتىسۋ جەرىنەن اسەرلى بەينەروليك ءتۇسىرۋدى كوزدەيدى. ماقساتتارىنا جەتۋ جولىندا ءتۇرلى كەدەرگىلەرگە تاپ بولعانىنا قاراماستان، بارلىق قيىندىقتى ەڭسەرىپ شىعادى.

«ەلباسىمىز ايتقان رۋحاني جاڭعىرۋ ەڭ الدىمەن جاستاردىڭ ءوز ولكەسىن تانۋدان باستالادى. سوندىقتان جەتىسۋلىق جاستار تۋعان جەردىڭ توپىراعىن ناسيحاتتاۋدى كينو تىلىمەن جەتكىزۋگە تالپىنىس جاساپ وتىر. بۇل ورايدا وبلىسىمىزداعى قولعا الىنىپ وتىرعان العاشقى تىڭ جوبانىڭ ماڭىزى زور دەپ ەسەپتەيمىن. ونى جۇزەگە اسىرۋ ءۇشىن ءبىزدىڭ جاستاردا كۇش-جىگەر دە، قۋاتتى رۋح تا، پاتريوتيزم دە جەتكىلىكتى. سوندىقتان تىڭ جوبا ءوزىنىڭ ناتيجەسىن بەرەتىنىنە سەنىمدىمىز»، - دەدى وبلىس اكىمىنىڭ ورىنباسارى جاقسىلىق ومار.

جالپى، كينو تۇسىرۋگە 13,8 ملن. تەڭگە بولىنگەن. ءفيلمنىڭ ۇزاقتىعى 90 مينۋت بولادى دەپ مەجەلەنۋدە. اكتەرلەر قۇرامىندا ەربولات قۇدايبەرگەن، راميس كۋلاxمەتوۆ، رۇستەم وماروۆ، مەيىرحان شەرنيازوۆ، سالتانات قۇدايبەرگەن، ەلدار تاشكەنباي، ولجاس قاسىم، رايىمبەك بەكەت بار. فيلم شامامەن قاراشا ايىندا كورەرمەنگە جول تارتادى دەپ جوسپارلانىپ وتىر.

Abai.kz

0 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 5712
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 11941