سارسەنبى, 22 قاراشا 2017
تالقى 2270 14 پىكىر 13 قىركۇيەك, 2017 ساعات 19:58

ا. پەرۋاشەۆ: جاڭا الفاۆيت قولدانۋعا ىڭعايلى، وقۋعا جەڭىل بولۋى ءتيىس!

كەشە ماجىلىستە لاتىن گرافيكاسىنىڭ بىرىڭعاي ستاندارتىن ەنگىزۋ تۋرالى پارلامەنتتىك تىڭداۋ بولدى.

مىنە، پارلامەنتتەگى جيىندا ا.بايتۇرسىنوۆ اتىنداعى ينستيتۋت ماماندارى لاتىن ءالىپبيىنىڭ جوباسى قوعامدا قىزۋ تالقىلانىپ جاتىر.

وسىدان كەيىن ش.شاياحمەتوۆ اتىنداعى رەسپۋبليكالىق ءتىل دامىتۋ ورتالىعى لاتىن الىپبيىنە قاتىستى ەسكەرتپەلەردى نەمەسە ۇسىنىستاردى قابىلدايتىنىن مالىمدەدى.

ءيا، لاتىن قارپىنە كوشۋ ماسەلەسى ءجۇردىم-باردىمنىڭ شارۋاسى ەمەس. بارلىق پىكىرلەر مەن ۇسىنىستار تىڭدالىپ، پىسىقتالىپ بارىپ بىرىڭعاي نورما قابىلدانۋى كەرەك.

تىڭداۋ بارىسىندا ۇسىنىلعان نۇسقانى قولداۋشىلار از بولىپ شىقتى. بۇل تەگىندە قازاق ءالىپبيىن لاتىن گرافيكاسىنا كوشىرۋگە قارسىلىق دەگەندى بىلدىرمەسە كەرەك. قولداۋ – قوس قولدى كوتەرىپ الىپ ۋرالاي بەرۋ ەمەس، قولداۋ دەگەن بىزشە بولعاندا، كەم كەتىكتى دەر كەزىندە ايتۋ، كورسەتۋ.

وسى رەتتە ءماجىلىس دەپۋتاتى ازات پەرۋاشەۆ مىرزا «Abai.kz» اقپاراتتىق پورتالىنا لاتىن ءالىپبيى تۋرالى ءوز پىكىرىن ايتقان ەدى.

ازات پەرۋاشەۆ، ءماجىلىس دەپۋتاتى:

-الدىمەن قازاق ءتىلىنىڭ لاتىن قارپىنە كوشۋ جونىندەگى كوميسسيانىڭ  اتقارعان جۇمىستارىنا زور العىسىمدى بىلدىرەمىن.

لاتىن قارپىنە كوشۋ جونىندەگى شەشىمنىڭ ۇلتتىق مەملەكەتىمىز بەن قازاق ۇلتىنىڭ دامۋىندا ۇلكەن ءرول اتقاراتىندىعىنا جانە دەر كەزىندە قابىلدانعاندىعىنا سەنەمىن. ەندى كەشىگۋگە بولمايدى.

«اق جول» پارتياسى 2007 جىلدان بەرى ءوزىنىڭ باعدارلامالىق قۇجاتتارىندا، مالىمدەمەلەرىندە قازاق ءتىلىن لاتىن قارپىنە كوشىرۋدى جاقتاپ بىرنەشە باستامالار كوتەرگەن بولاتىن. ول كەزدە بۇل بالكىم ەرتەرەك بولعان شىعار،ال، قازىر ونى كەيىنگە قالدىرۋعا بولمايدى. كەشە ەرتە بولسا، ەرتەڭ كەش بولادى. بۇل ءبىزدىڭ الەمدىك وركەنيەتكە ەنۋىمىزدىڭ جاڭا بەلەسى. بۇل رەفورما- رۋحاني وتارسىزدانۋدىڭ تۋرا جولى!

بۇگىندە قوعامدا وسى ماسەلەگە بايلانىستى قىزۋ پىكىر تالاس ءجۇرىپ جاتىر. مەنىڭشە ول وتە دۇرىس. سەبەبى بۇل حالىقتىق تالقىلاۋعا ۇسىنىلعان جوبا. قازىرگى ۇسىنىلىپ وتىرعان نۇسقاداعى ەرەكشە ءبىر بەلگىلەر مەن ارىپتەردى قوسپاي-اق الەمدىك اقپارات كەڭىستىگىندەگى دايىن سيمۆولداردى ۇسىنعان دايىنداۋشىلاردىڭ نيەتىن دە تۇسىنۋگە بولادى. ولاردىڭ ويى - الەمدىك اقپارات كەڭىستىگىنە ەش كەدەرگىسىز ەنۋ ەكەنى دە تۇسىنىكتى. سونىمەن بىرگە قازاق ءتىلىنىڭ وزىندىك ەرەكشەلىكتەرى مەن ۇندەستىگىن، سۇلۋلىعىن، شۇرايىن ساقتاپ قالۋعا ءتيىس ەكەنىمىزدى ۇمىتپاعانىمىز ءجون. ونىڭ تۇيتكىل تۇستارىن قازاق ءتىلىن زەرتتەۋشى ءتىل ماماندارىنىڭ وزدەرىنە تاپسىرىپ، ولاردىڭ دۇرىس جولدى تاڭدايتىنىنا سەنگەنىمىز دۇرىس.

ءتىل – ۇلتتىق مىنەزدىڭ كورىنىسى. قازىرگى قازاق ءتىلى ەشقانداي بۇرالاڭدى بىلمەيتىن ورلىكتىڭ، تاباندىلىقتىڭ، شەشەندىكتىڭ بەلگىسى. سۇلۋ دا سۇبەلى ءتىل. قازاقتىڭ ۇلى بيلەرىنىڭ ءبىرى قازىبەكتى قازداۋىستى دەپ تەگىن اتاماعان عوي.

بۇگىنگى ماقسات بىرەۋ- ءتۇرلى ۇسىنىستاردى ەسكەرە وتىرىپ، لاتىن قارپىنە كوشۋدىڭ ورتاق نۇسقاسىنا كەلۋىمىز قاجەت. ودان سوڭ، ءبىر اتانىڭ بالالارىنداي بىرىگىپ، بۇكىل حالىق بولىپ قولداۋ، تاريحي رەفورمانى توقتاتپاي ءارى قاراي قوزعاۋ ء–بارىمىزدىڭ ورتاق مىندەتىمىز.

Abai.kz

14 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 10335
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18547