بەيسەنبى, 28 ناۋرىز 2024
الاشوردا 11300 2 پىكىر 19 قىركۇيەك, 2017 ساعات 08:24

ابايدىڭ ۇرپاعى ازىرگە دانيارمەن توقتاپ تۇر

بيىل «اباي جولى» رومانىنىڭ جارىق كورگەنىنە 75 جىل. سوعان وراي استاناداعى ۇلتتىق اكادەميالىق كىتاپحانادا «ءبىر كىتاپ» كورمەسى ءوتتى. مۇحتار Əۋەزوۆ ابايدى əلەمگە تانىتتى. دەسەك تە، اباي مۇراسىن جيناپ، ساقتاۋشى – اقىننىڭ ۇرپاقتارى. ابايدىڭ ۇرپاقتارى كىمدەر، ولار قالاي ءومىر ءسۇردى، كوزى تىرىسىنەن كىم قالدى؟ وسى جايىندا بىلگىمىز كەلىپ، كورمەگە كەلگەن اقىننىڭ جيەنشارى لəيلə مۇحلەسقىزىمەن əڭگىمەلەستىك.

لəيلə مۇحلەسقىزى 1950 جىلى 7 اقپاندا پاۆلودار وبلىسىنىڭ باياناۋىل اۋدانىندا ومىرگە كەلگەن. ءومىرىنىڭ كوپ بولىگىن سەمەيدە وتكىزىپ، بىرنەشە جىل بۇرىن استاناعا كوشىپ كەلىپتى. ورتا مەكتەپتى ويداعىداي اياقتاعان سوڭ سەمەي پەداگوگيكالىق ينستيتۋتىنا ءتۇسىپ، ۇزاق جىل وقۋ-اعارتۋ سالاسىندا قىزمەت اتقارادى. بالا كەزىنەن اباي، اقىلباي، بايماعامبەت، مۇحتار تۋرالى ەستىپ وسكەن قىز اناسى قاۋاشپەن بىرگە اتاسىنىڭ مۇراجايىنا ءجيى باراتىن.

– ءوز اتامنىڭ مۇراجايىندا جۇمىس ىستەۋدى ارماندادىم. اقىرى ءسəتى ءتۇسىپ، 1996 جىلى اباي مۇراجايىنا اعا عىلىمي قىزمەتكەر بولىپ جۇمىسقا تۇردىم. مۇندا 14 جىل قىزمەت ەتىپ، زەينەتكە شىقتىم. زەينەتتە جۇرسەم دە، استانا قالاسىنداعى ۇلتتىق اكادەميالىق كىتاپحانانىڭ ابايتانۋ زالىنا قىزمەتكە شاقىردى. قازىر وسىندا ىستەپ جاتىرمىن.

لəيلə اپاي وسكەنباي ەسىمدى ازاماتىمەن ءبىر ۇل، ەكى قىز تəربيەلەپ وسىرگەن. بۇگىندە ارداقتى انا، سۇيىكتى əجە. لəيلə اپايدىڭ اناسى قاۋاش ابايدىڭ، اقىلبايدىڭ، ماعاۋيانىڭ، Əۋبəكىردىڭ ولەڭدەرىن جاتقا بىلگەن. سوزگە شەشەن، əڭگىمەشىل كىسى بولعان ەكەن.

– انام مۇحتار Əۋەزوۆ پەن ماعاۋيانىڭ قىزى كəميلا ەكەۋىنىڭ ماحابباتىنىڭ، تاعدىرىنىڭ كۋəسى بولعان. كəميلانىڭ مۇحتار Əۋەزوۆكە دەگەن ساعىنىشقا تولى ولەڭدەرىن جەتكىزگەن دە انامقاۋاش پەن مəكەن تۇراعۇلقىزى. مۇحتار Əۋەزوۆ كəميلادان ەكى قىز سۇيەدى. بىراق ەكەۋى دە بالا كەزىندە شەتىنەپ كەتكەن. سونان «ماعان بالا كەرەك» دەپ ءبىزدىڭ اپامىزدى تاستاپ، ورىس əيەل الادى. بۇل əرەكەتىنە ابايدىڭ ۇرپاقتارى ۇزاق ۋاقىت رەنجىپ ءجۇردى. رەنجىمەگەندە شە؟

ابايدىڭ ۇرپاعىن مەنسىنبەي، تاستاپ كەتتى دە، باسقا ۇلتتان əيەل الدى. بىراق كەيىن ابايدى تانىتىپ، كىتاپ جازعان سوڭ ءبىزدىڭ ۇلكەندەر دە كەشىرىپ، قايتادان جاقسى ارالاسىپ كەتتى. 

قاۋاش Əلىمقۇلقىزى ەرتەكشى بايماعامبەتتىڭ نەمەرەسى مۇحلەسكە تۇرمىسقا شىققان. ال بايماعامبەت ابايدىڭ دوسى، «سىرساندىعى». سوندا قاراڭىز، ابايدىڭ ۇلى –اقىلباي، ونىڭ بالاسى – Əلىمقۇل، Əلىمقۇلدىڭ قىزى – قاۋاش. ابايدىڭ دوسى – ەرتەكشى بايماعامبەت، ونىڭ ۇلى – ساليح. ساليحتىڭ ۇلى – مۇحلەس. سولايشا، اباي مەن بايماعامبەتتىڭ ۇرپاقتارى ءۇش اتادان كەيىن شاڭىراق كوتەرەدى. مۇحلەس ساليحۇلى سوعىستا بولىپ، وتان سوعىسىنىڭ I دəرەجەلى وردەنىمەن، بىرنەشە مەدالمەن ماراپاتتالعان. سوعىستان ورالعاننان كەيىن ءومىرىنىڭ سوڭىنا دەيىن اعارتۋ سالاسىندا قىزمەت ەتكەن. قاي جەردە جۇرسە دە وقۋ-اعارتۋ ىسىندەگى قىزمەتكەرلەرگە قامقورلىق جاساپ جۇرەدى ەكەن.

سونىڭ ءبىرى – باتىر قاسىم قايسەنوۆكە كومەكتەسكەنى. ول تۋرالى جازۋشى احات جاقسىباەۆتىڭ قاسىم قايسەنوۆ جايىندا جازعان «قايتپاس قايسار» كىتابىندا باياندالادى. قاسىم قايسەنوۆ 1938 جىلى ساياسي-اعارتۋ تەحنيكۋمىن ءبىتىرىپ، ەڭبەك جولىن پاۆلوداردان باستايدى.

«…پاۆلوداردا وبلىستىق وقۋ بولىمىنە ينسپەكتور بولىپ قىزمەتكە تۇردىم. جيىرماعا جاڭا تولعان جاس جىگىتپىن. وقۋ ءبولىمىن مارشينين دەگەن ورىس باسقارادى. ورىنباسارى مۇحلەس بايماعامبەتوۆ دەگەن اسا سابىرلى، مەيىرىمدى، ىسكەر ادام بولدى، جاقسىلىعىن كوپ كوردىم. 1939 جىلى فين سوعىسى باستالىپ، مەنى əسكەرگە العاندا سول كىسى قولىما قاراجات بەردى. قيىن-قىستاۋ كەزەڭدە ادامشىلىق، ازاماتتىق قولۇشىن بەرگەن قامقور اعانى قالاي ۇمىتارسىڭ…».

وسى ەستەلىكتەن-اق ەرتەكشى بايماعامبەتتىڭ ۇرپاعىن تاني الامىز.

لəيلə اپايدىڭ تەلي ەسىمدى əپكەسى بار. جاسى 74-تە. ءومىر بويى تاۋارتانۋ مامانى بولىپ قىزمەت ىستەگەن. قازىر №4 استانا قالالىق ەمحاناسى جانىنداعى زەينەتكەرلەرگە ارنالعان «التىن جىلدار» كلۋبىنىڭ ءتورايىمى. وتە بەلسەندى ءومىر سۇرەدى. ءتىپتى، ەلىمىزدە وتكەن EXPO-2017 كورمەسىندە ەكى اي ەرىكتى بولىپ جۇمىس ىستەپ، ەڭ جاسى ۇلكەن ەرىكتى اتاندى.

جىبەكتى تاڭداعان عازەل

– ماعاۋيانىڭ جاعىپار ەسىمدى ۇلى بولعان. ونىڭ قىزدارى يشاعى مەن عازەل اپايلارىمدى تاپتىم. ومىرلەرىنىڭ سوڭىنا دەيىن جاقسى ارالاسىپ، جەرلەۋىنە قاتىستىم. عازەل اپايىم كوپ جىل «قازاقفيلم» كينوستۋدياسىندا جۇمىس ىستەدى. ءبىر جولى ۇيىنە بارعانىمدا əدەمى قىزداردىڭ فوتولارى بار كونۆەرتتى كوردىم. سەمەيلىك قىزداردىڭ سۋرەتتەرى ەكەن. بارلىعى «قىز جىبەك» فيلمىنە جىبەكتىڭ ءرولىن سومداعىسى كەلىپ فوتولارىن جىبەرىپتى. عازەل اپايىم مەرۋەرت وتەكەشوۆانى الماتىدا تاڭداعان. كورە سالا «باستى رولگە وسى قىزدى بەكىتەمىز» دەپتى. تۇسىرىلىمدەردە مەرۋەرتكە: «سەن قورىقپا. سەن əدەمىسىڭ. جىبەك دەپ تەكسەنى ەلەستەتەمىن»، – دەپ ايتىپ جۇرەدى. مەرۋەرت ونى «ماما گاليا» دەپ اتاپ كەتكەن. عازەل اپايىممەن وتە جىلى قارىم-قاتىناستا بولدى. اپايىم قايتىس بولعاندا جىلاپ كەلدى. قىرقىندا دا، جىلىندا دا بولدى.

لəيلə اپاي ۇلى اقىننىڭ ۇرپاعى جالعاسپاي قالا ما دەپ ۋايىمدايتىنىن دا ايتتى.

– ۇرپاق جالعاۋشى ۇل بالاسى عوي. قازىر اتامىزدىڭ اقىلباي بالاسىنان ەكى ۇل بار بولۋى كەرەك. اقىلبايدىڭ بالاسى – Əلىمقۇل، ونىڭ باعفۋر دەگەن ۇلى بولعان. باعفۋردان ەرنەستو، باۋەر جəنە ايدار دەگەن ءۇش ۇل تارايدى. ەرنەستونىڭ ايدوس دەگەن بالاسى بار دەسەدى. Əسكەرگە الىنىپ، سونان سوڭ ورىس ۇلتىنان قىز العان دەيدى. قايبىر جىلدارى «الماتىدا تۇرىپ جاتىر، قىزدارى بار» دەپ ەستىگەنبىز. بىراق ارالاسپادىق. ايداردان دانيار ەسىمدى ۇل بار. ونىڭ ءوزى رەسەيدە ءبىلىم الىپ، ناتاليا دەگەن قىزعا ۇيلەنگەن. ءۇش قىزى بار.

ون ۇرپاقتان ەكەۋى امان قالعان

سوعىس جىلدارىندا وتان ءۇشىن وت كەشكەندەر قاتارىندا اباي ۇرپاقتارى دا قۇرمەتپەن اتالادى. ابايدىڭ ون نەمەرە-شوبەرەسى سوعىسقا اتتانىپ، تەك ەكەۋى امان ورالادى. ولار – الپاش اباەۆ پەن يشاعى جاعىپارقىزى. ال بەرەكەحان، جوشىحان، رəپيلا ماعاۋيندەر، Əليحان مەن قاپساليام اقىلباەۆتار، قۇزاير، قالىشەر مەكايىلۇلدارى، توقتاش ىزكايىلۇلى سوعىستا ەرلىكپەن شايقاسىپ، قازا بولادى.

يشاعى جاعىپارقىزى (سول جاقتا), لəيلə مۇحلەسقىزى (ورتادا), عازەل ماعاۋياقىزى (وڭ جاقتا)

يشاعى جاعىپارقىزى – ابايدىڭ كىشى بالاسى ماعاۋيانىڭ نەمەرەسى. لəيلə اپاي ونىڭ ءومىرى تۋرالى ايتىپ بەردى.

– يشاعى اپايىمىز قازىرگى اباي اۋدانىندا تۋعانىمەن، كەيىن بالالار ۇيىندە تəربيەلەنەدى، ارى قاراي مەكتەپ-ينتەرناتتا وقيدى. 1934 جىلى əكەسى 36 جاسىندا دۇنيەدەن وتكەن سوڭ اقىلباي اتامىزدىڭ شəباپ دەگەن نەمەرەسى ولاردى كوشىرىپ الۋعا كەلەدى. شەشەسىن الادى. ول كەزدە اپايلارىم نوۆوشۋلبا اۋدانى، ۋبا-فورپوستا تۇرعان. تۇرمىستارى جاقسى، مال بار، ءۇيى دە جاقسى، سىيلى بولىپ تۇرعان. يشاعى اپايىم: «شəباپ اعامىزدىڭ مىنەزى قيىن بولدى. باۋىرلارىمىزعا مازا بەرمەدى. عازەل مەن جوشىحان قاشىپ، الماتىداعى ۋəسيلانىڭ (ماعاۋيانىڭ قىزى) قولىنا باردى. ال مەنى قۇتايبايدىڭ بالاسى بەرەكەشپەن بىرگە سەمەيدەگى بالالار ۇيىنە تاستاپ كەتتى»، – دەپ ايتاتىن. سوندا مەنىڭ əكەم مۇحلەس بايماعامبەتوۆ وبلىستىق ءبىلىم بەرۋ بولىمىندە ىستەيتىن. سوعان «مەن بالالار ۇيىنە بارمايمىن» دەپ جىلاپ بارىپتى. Əكەم اپايىمدى بالالار ۇيىنەن الىپ، №11 مەكتەپ-ينتەرناتقا ورنالاستىردى.

يشاعى جاعىپارقىزى سەمەيدەگى مەكتەپ-ينتەرناتتىڭ 9-سىنىبىندا وقىپ جۇرگەندە ءبىر توپ قىزدار بولىپ سوعىسقا قاتىسۋ تۋرالى ارىز جازادى. مەكتەپتەگى بارلىق ەر بالالار سوعىسقا اتتانىپتى. ەل باسىنا كۇن تۋعان شاقتا الاڭسىز ساباق وقىپ جۇرە الماسا كەرەك. ول əۋە əسكەري پولكىندە قىزمەت ەتىپ، ۇشاقتاردى جوندەيدى، ۇشاقتان اتىپ ۇيرەنەدى، پاراشيۋتپەن سەكىرىپ، اۆياتسيا تەحنيگى بولىپ، حاربين ماڭىندا مايدانعا قاتىسادى. ءوزى تالدىرماش قىز بولىپتى. پاراشيۋتپەن سەكىرەردە كومانديرى əزىلدەپ: «سەنىڭ بەلىڭە تاس بايلاپ سەكىرتپەسەك، مىنا سالماعىڭمەن جەرگە قونا الماي اۋا كەڭىستىگىندە قالقىپ قالىپ قويارسىڭ»، – دەپتى. جەڭىس تۋى كوتەرىلىپ، فاشيستەر تاس-تالقان بولىپ جەڭىلگەندە دە قىزداردى ۇيىنە جىبەرمەيدى. سويتسە، جاپون سوعىسى باستالىپ كەتكەن ەكەن. Əسكەري ۇشاقتارعا ءزىل-باتپان بومبالاردى تيەۋ، قيراعان ۇشاقتاردى قايتا جابدىقتاۋ، جارالانعان ۇشقىشتاردى ۇشاقتان ءتۇسىرۋ سەكىلدى ماشاقاتى مول جۇمىستاردى اتقارادى. سوعىستان كەلگەن سوڭ الماتىدا تۇراتىن ۋəسيلا اپاسىنىڭ ۇيىنە توقتايدى. مۇحتار Əۋەزوۆتەن كوپ جاقسىلىق كورەدى. جازۋشىنىڭ جəردەمىمەن قازاق مەملەكەتتىك قىزدار پەداگوگيكالىق ينستيتۋتىنا تۇسەدى. الايدا ول جەردەن شىعىپ، باسقا ينستيتۋتقا سىرتتاي وقۋعا اۋىسىپتى. ويتكەنى، ۋəسيلا اپاسى جۇمىس ىستەمەيدى. عازەل ءسىڭلىسى ينتەرناتتا. تيىن كەرەك، تاماق كەرەك. مۇحتار قۇل-مۇحاممەدتىڭ دە قامقورلىعىن كورەدى. «ابايدىڭ سىلەمى» دەپ اتاپ، سول جىلدارى اي سايىن 20 مىڭ تەڭگەدەن ستيپەنديا بەرىپ تۇرعان ەكەن. يشاعى جاعىپارقىزىنىڭ ابايدىڭ نەمەرەلەرى راحيلا، مəكەن تۇراعۇلقىزدارىمەن ارالارى جاقسى بولماپتى. ولار يشاعى اپايدى قىزعانادى ەكەن. ونىڭ سەبەبى يشاعى اپاي 1986 جىلدان ومىردەن وزعانشا ءوز زەينەتا-قىسىنان بولەك، اتاسىنىڭ اتىنان جəردەماقى الىپ وتىرعان. ال ابايدىڭ Əيگەرىمنەن تۋعان بالالارى ول جəردەماقىعا ىلىنبەي قالعان. نەگىزىنەن اباي ۇرپاقتارىنىڭ ءبىر-بىرىمەن ارالاس-قۇرالاستىعى جاقىن ەمەس. وعان ورىسشا ءبىلىم الىپ، قۋعىن-سۇرگىن كورىپ، ورتادا بايلانىستىڭ ءۇزىلۋى نەمەسە ابايدىڭ ۇرپاعى ەكەنىن ايتۋعا قورىققان زاماندا ءبىر-بىرىنە قاراۋعا شاماسىنىڭ بولماۋى سەبەپ بولۋى مۇمكىن. وسىندايدا لەۆ تولستويدىڭ ۇرپاقتارى ويعا ورالادى. 2000 جىلى ياسنايا پوليانادا تولستوي ۇرپاقتارىنىڭ حالىقارالىق جيىنى وتەدى. سودان بەرى جيىن əر ەكى جىل سايىن ۇيىمداستىرىلىپ كەلەدى. قازىر جازۋشىنىڭ 350 ۇرپاعى əلەمنىڭ əر تۇكپىرىندە ءومىر سۇرەدى. ولاردىڭ ءبىرى جۋرناليست، فوتوگراف، مال دəرىگەرى، ەندى ءبىرى رەسەي فەدەراتسياسى پرەزيدەنتىنىڭ كەڭەسشىسى. 2016 جىلعى جيىندا رەسەيدەن، ەۋروپادان، اقش پەن لاتىن امەريكاسىنان تولستويدىڭ 87 ۇرپاعى باس قوسقان ەكەن. ءبىر-بىرىنەن الشاق كەتسە دە، بارلىعى بىردەي ورىس تىلىندە سويلەي الماسا دا، əر جيىندا ولار ورتاق ءتىل تابىسىپ كەتەدى. وزدەرىنىڭ شىعۋ تەگىنە قاتىستى اسا ماڭىزدى مəلىمەتكە قانىعادى.

ءۋاسيلا ماعاۋياقىزى

قازىر دانيار عانا – ابايدىڭ كوزى ءتىرى ۇرپاعى. لəيلə اپايدىڭ ايتۋىنشا، دانياردىڭ تۋىستىققا اسا جۇعىمى جوق كورىنەدى. يشاعى جاعىپارقىزىنىڭ ءىنىسى جوشىحان جاستايىنان ولەڭگە قۇمار بولىپ وسەدى. 12 جاسىنان باستاپ ولەڭ شىعارىپ، اقىن اتانا باستايدى. 1942 جىلى سوعىسقا اتتانىپ، 19 جاسىندا حاركوۆتى ازات ەتۋ ءۇشىن بولعان شايقاستا ەرلىكپەن قازا تاپقان. مايدان شەبىنەن قارىنداسى عازەلگە ولەڭ ارناپ، حات جىبەرىپ تۇرىپتى. ءبىر حاتىندا «البومعا» دەگەن تاقىرىپپەن مىناداي ولەڭ جولدايدى:

«قارىنداسىم، سۇيەنىشىم، تىرەگىم،

مەن دەگەندە وزگەشە ەدى-اۋ  جۇرەگىڭ.

اعاتايىڭ الىس كەتسە  قاسىڭنان،

جالعىزسىراپ جابىعارسىڭ، بىلەمىن.

 

حوش، باۋىرىم، كورىسكەنشە كۇن جاقسى،

سەن بايقاما كوزدەن تامعان ءبىر جاستى.

البومىڭدى اشقان كەزدە əرقاشان،

وسى بەتتى كوكىرەگىڭە ءبىر باسشى!»

جوشىحاننىڭ ءبىراز ولەڭدەرى باۋىرلارىنىڭ ارقاسىندا «جىر-امانات»  جيناعىنا ەنگىزىلەدى. ءبىرازى سەمەيدەگى ابايدىڭ مەموريالدى مۋزەيىنەتاپسىرىلعان.

ايدار باعفۋرۇلى

قيىن زاماندا كورگەن قۇقاي

اباي ۇرپاقتارى «بايدىڭ بالاسى» دەگەن جەلەۋمەن سوناۋ 1922 جىلدان قۋعىن-سۇرگىنگە ۇشىرايدى. سول جىلداردىڭ ساياسي ناۋقانىندا ابايدىڭ 1876 جىلى Əيگەرىمنەن تۋعان ۇلى تۇراعۇل اباقتىعا جابىلىپ، ءتورت ايداي قاماۋدا بولادى. ءوزى ورىسشا-ارابشاعا ساۋاتتى. تۇرمەدەن بوساتىلعان سوڭ اقشوقىدا جاتىپ، اۋدارمامەن اينالىسادى. م.گوركيدىڭ «چەركاش» əڭگىمەسىن تۇڭعىش رەت قازاق تىلىنە اۋدارىپ، 1924 جىلعى «تاڭ» جۋرنالىنا باستىرعان. ا.نەۆروۆتىڭ «مەن ومىرگە جەرىكپىن»، دجەك لوندوننىڭ «بالالىق تۋرالى əڭگىمە» سىندى شىعارمالارىن دا قازاق تىلىنە اۋدارعان. 1927 جىلى تۇراعۇل قايتا قاماۋعا الىنىپ، ءبىر جىل تۇرمەدە جاتادى. شىققان سوڭ بار دۇنيە-مۇلكى كəمپەسكەلەنىپ، ءوزىن شىمكەنتكە جەر اۋدارتادى. تۇراعۇل ابايۇلى 1934 جىلى 59 جاسىندا قايتىس بولىپ، شىمكەنتتەگى مۇسىلماندار زيراتىنا جەرلەنەدى. كەيىن زيراتتىڭ ۇستىنە زاۋىت سالىنىپ، تۇراعۇلدىڭ سۇيەگىن الاتىن جاناشىر تابىلماي، زاۋىت استىندا قالىپ قويعان. تۇراعۇلدىڭ ءىنىسى مەكايىل دا ارابشا، ورىسشا بىلەتىن، دومبىرا تارتىپ، əن سالعان سەرى كىسى بولعان. Əكەسى تۋرالى ەستەلىكتەردى ەل ىشىنە كەڭىنەن ناسيحاتتادى. مۇحتار Əۋەزوۆ تە مەكايىلدان اباي تۋرالى كوپ ەستەلىك ەستيدى. 1931 جىلى باي بالاسى دەپ، مەكايىلدى سەمەيدەگى پولكوۆنيچنىي ارالىندا اتىپ تاستايدى. سول جىلدارى قۇنانباەۆ بولىپ جازىلعان ابايدىڭ نەمەرەلەرىنىڭ بəرىقۋعىنعا ۇشىراپ، كوبى قاراقالپاق، وزبەكستان ەلىن پانالاعان. تۇراعۇلدىڭ ۇلى جەبىرەيىل دە قاشىپ ءجۇرىپ، نەبəرى 28 جاسىندا تاشكەنتتە سۇزەكتەن قايتىس بولادى. ءوزى قىز بىتكەننىڭ جۇرەگىن جاۋلاعان كوركەم جىگىت بولعان دەسەدى. اقىندىعى، əنشىلىگى، سەرىلىگى دە بار. مۇحتار Əۋەزوۆپەن دوس بولادى. دۇنيەدەن وتكەندە مۇحتار Əۋەزوۆ ارۋلاپ جەرلەيدى.

دانيار ايدارۇلى

سوعىس جىلدارىندا دا ۇلى اقىننىڭ ۇرپاقتارى وزدەرىنىڭ كىمنەن تاراعانىن اشىق ايتۋعا قايمىققان. سونىڭ ءبىر دəلەلى، ابايدىڭ شوبەرەسى جوشىحان 18 جاسىندا مايدان شەبىنە الىنىپ، سوعىسقا اتتاناردا قارىنداسى عازەلدى قۇشاقتاپ تۇرىپ: «اينالايىن، ابايدىڭ ۇرپاعى ەكەنىڭ تۋرالى لəم-ميم دەپ اۋزىڭدى اشۋشى بولما. قۋدالاپ ينتەرناتتان شىعارادى، دالادا قاڭعىپ ولەسىڭ»، – دەپ ايتىپ كەتكەن. ابايدىڭ ۇرپاعى əزىرگە دانيارمەن توقتاپ تۇر. اقتاۋدا تۇرادى. ءبىر جولى سەمەيگە بارعانىندا اۋىل اقساقالدارى ورتاعا الىپ: «كەلىنگە ايت، حالىقتىڭ ۇلى تۇلعاسىنان قازاققا ۇل كەرەك»، – دەپ قويمايدى. اقساقالداردىڭ ءسوزىن قۇپتاعان بولىپ، ۇيىنە قايتادى دا، سودان قايتىپ سەمەي جاققا اياق باسپاي قويادى. ۇلكەن كىسىنىڭ ۇرپاعى بولۋدىڭ اۋىرتپالىعىن، جاۋاپكەرشىلىگىن وسىندايدا تۇسىنەدى ەكەنسىڭ.

تاڭشولپان تولەگەن

«ۇلان» گازەتى، №37
12 قىركۇيەك 2017 جىل

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3501