جۇما, 29 ناۋرىز 2024
46 - ءسوز 4678 4 پىكىر 21 قىركۇيەك, 2017 ساعات 09:04

قوعامدى العا باستىرمايتىندار كىمدەر؟

قوعامدى العا باستىرمايتىندار كىمدەر؟ ءوزى ادال كاسىپ جاسامايتىن جانە وزگەگە جاساتپايتىندار!

ءبىز قازاقتار قويى شۋلاپ تايى تۋلاپ، كوڭ ءيىسى بۇرقىراعان اۋىلدا اسىر سالىپ وسكەن باتىر دا باقىتتى xالىقتىڭ ۇرپاعى ەدىك، وقىس شايقالىپ توگىلىپ كەتكەن ءسۇتتى دە انامىز ساۋساعىنا ءىلىپ الىپ ماڭدايىنا سۇيكەپ، "اقتى اياققا باسپاۋ كەرەك، كەپيەت بولادى" دەيتىن. سوندىقتان دا مالدى اۋىلدا وسكەن قازاقتىڭ ءبارى دە ويى سەرگەك، ءوزى ەڭبەكقور، ءبىر تامشى ءسۇتتى قانداي ايالاسا، ادالدىقپەن پاكتىكتى سونداي ايالايتىن.

ال قازىر تىرناعىن اسەمدەپ، ەكى اياعىن ايقاستىرىپ قاراپ وتىراتىن، جۇمىستىڭ لاززاتىمەن راحاتىن نە ءوزى بىلمەيتىن، نە بالالارىنا ۇيرەتە المايتىن اقساۋساق ورىسقۇلدار كوبەيىپ كەتتى. كورشىسى مال باقسا ءيىسى ساسىق دەپ جەر كوككە شاۋىپ ارىزدانادى. مەن جەمەگەن مايلى ىشەك بوعىمەن قاتسىن دەيتىن سەكىلدى. استانا سەكىلدى ءىرى قالاداردىڭ ماڭىندا قالا تۇرعىندارىن ارزان ءسۇت ، ەت پەن قامدايتىن شارۋاشىلىق اۋىلدار ەتىپ
بەلگىلەنگەن اۋىلدارعا مال باعۋعا جاڭاعى اقساۋساق ورىسقۇلدار ساسىق دەپ كەدەرگى كەلتىرىپ جاتىر. ال وندا مال باقپايتىن قوسشى سەكىلدى اۋىلدارعا قونىستانۋعا وزدەرىنىڭ جاعدايى كەلمەيدى ەكەن. ياعني كەدەيدىڭ كەربەزىنەن ساقتا دەگەن وسى شىعار.

اينالايىن اعايىندار، نە ايتايىن، مۇرىن شۇيىرگىشتەردىڭ كوبى تىرناعىن اسەمدەپ بازاردا ساتۋشى، ەدەن جۋىۋشى بولىپ ىستەپ ءجۇر، بىراق مالدى ساسىق دەيدى. مەن ايتار ەدىم، وسى ورىسقۇلدىق سانادان ارىلماساڭ اتا كاسىبىڭ مال شارۋاشىلىعىڭدى جانداندىرماساڭ ۇرپاعىڭنىڭ وبالىنا قالاسىڭ. وزگە ۇلتقا قۇل بولىپ كەتەدى.

دۇنيەدەگى ەڭ ساسىق قي مالدىكى ەمەس ، تاۋىقتىكى. بىراق مەن 200 تاۋىق ۇستايمىن ەشقانداي ساسىق ءيىسى شىعىپ كورگەن جوق. الەمدەگى ەڭ سەزىمتال نازىك جاندىلار، اقىن انشىلەردىڭ اراسىندا جۇرەمىن، بىراق ەشقاشان قي-تەزەك ساسىدىڭ دەگەنىن ەستىگەم جوق. جانە مال تاۋىق باعىپ قارا جۇمىس ىستەگەنىم ءۇشىن ءتىپتى يىعىم الاسارىپ كورگەن جوق.

سىزدەرگە ايتارىم بارشا قازاقتار اتا كاسىبىڭ مال باعۋدى قولىڭا ال، ساسىق دەپ مۇرىن شۇيىرگەن اقىماق ورىسقۇلدىقتان اۋلاق بول. مەنى اتا انام تىنىمسىز ەڭبەگىمەن، توقتاماي جۇمىس ىستەۋگە تاربيەلەدى. ادال كاسىپتىڭ ءبارى دە ۇلى، ءبارى دە ابرويلى.

گۇلىسحان دومالايقىزى

Facebook-تەگى پاراقشاسىنان

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594