جۇما, 29 ناۋرىز 2024
بولعان وقيعا 3406 0 پىكىر 9 قازان, 2017 ساعات 12:53

ءپۋتيننىڭ تۋعان كۇنىنە وراي ورىس وپپوزيتسياسى سىيلىق جاسادى

 

رەسەي قالالارىندا 7 قازاندا وپپوزيتسيالىق ساياساتكەر الەكسەي ناۆالنىيدى قولداۋ اكتسيالارىنا شىققان 290 ادام ۇستالعان. "وۆد-ينفو" جوباسى قۇراستىرىپ، جاريالاعان تىزىمگە وسىنشاما ادام ەنگىزىلگەن.

ۇستالعاندار سانى بويىنشا سانكت-پەتەربۋرگ قالاسى ءبىرىنشى ورىندا – 68 ادام. "وتكرىتايا روسسيا" قوزعالىسىنىڭ ەكى بەلسەندىسى اندرەي پيۆوۆاروۆ پەن ۆاسيلي كۋنين دۇيسەنبىگە قاراعان ءتۇندى سانكت-پەتەربۋرگتەگى پوليتسيا بولىمشەسىندە وتكىزگەن. ناۆالنىي شتابىنىڭ بەلسەندىلەرى ميحايل سوسين مەن دەنيس ميحايلوۆتىڭ اربىرىنە رۇقسات ەتىلمەگەن نارازىلىق اكتسياسىن ۇيىمداستىرعانى ءۇشىن 20 مىڭ رۋبلدەن ايىپپۇل سالىنعان.

سانكت-پەتەربۋرگتە سونىمەن بىرگە گەورگي البۋروۆ باسقاراتىن جەمقورلىققا قارسى كۇرەس قورىنىڭ زەرتتەۋ ءبولىمىنىڭ قىزمەتكەرىن ۇستاپ، "بالاعاتتاعانى" ءۇشىن 500 رۋبل ايىپپۇل سالعاننان كەيىن ونى بوساتقان.

"وۆد-ينفو" ەسەبى بويىنشا، ياروسلاۆل قالاسىندا پوليتسيا قارسىلىق شەرۋىنەن 57 ادامدى ۇستاعان. شەرۋ وتكىزۋ ەرەجەسىن بۇزۋ جانە پوليتسيانىڭ بۇيرىعىنا باعىنباۋ ايىپتارى تاعىلعان ولاردىڭ كەمىندە تورتەۋى تۇنىمەن پوليتسيا بولىمشەسىندە بولعان. قارسىلىق اكتسيالارى وتكەن قالالاردىڭ كوبىندە ۇستالعان ادامداردى كەيىن پوليتسيا ەشقانداي حاتتاما تولتىرماستان قويا بەرگەن.

كەشە رەسەيدە 7 قازان، پرەزيدەنت ۆلاديمير ءپۋتيننىڭ تۋعان كۇنىنە وراي قارسىلىق اكتسيالارى وتكىزىلدى. ولاردى وپپوزيتسيالىق بەلسەندى الەكسەي ناۆالنىيدىڭ جاقتاستارى ۇيىمداستىرعان. كەلىسىم بەرىلمەگەن اكتسياعا جۇرتتى شاقىرعانى ءۇشىن سوت شەشىمى بويىنشا 2 قازاننان بەرى اكىمشىلىك قاماۋدا وتىرعان ناۆالنىيدىڭ ءوزى "اسىعىستاۋ" ۇيىمداستىرىلعانىنا قاراماستان نارازىلىق اكتسيالارىنىڭ ناتيجەسى "جاقسى" ەكەنىن ايتىپ، ماسكەۋدە بۇل جولعى شەرۋدە پوليتسيانىڭ ەشكىمدى ۇستاماۋىن "كرەملدىڭ ويىنى" دەپ اتاعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616