بەيسەنبى, 28 ناۋرىز 2024
دات 3893 0 پىكىر 9 قازان, 2017 ساعات 17:37

 قانداستارىمىزدىڭ اتاجۇرتىندا قالۋىنا مۇمكىندىك جاساۋىڭىزدى سۇرايمىن

قازاقستان رەسپۋبليكاسىنىڭ

باس پروكۋرورى

ج.ق. اسانوۆقا

 قۇرمەتتى جاقىپ قاجىمانۇلى!

سوڭعى كۇندەرى Abai.kz اقپاراتتىق پورتالى باستاپ، مەملەكەتتىك تىلدە حابار تاراتاتىن ەلىمىزدىڭ اقپارات قۇرالدارى قىتاي حالىق رەسپۋبليكاسىنان اتاجۇرتىنا ورالعان 251 قانداسىمىزدىڭ تاعدىرىنا ۇلكەن الانداۋشىلىق ءبىلدىرىپ، دابىل كوتەرۋدە. كەزىندە «حالىقتىڭ كوشى-قونى تۋرالى» زاڭعا تولىقتىرۋلار مەن وزگەرتۋلەر ەنگىزىلۋىنە بايلانىستى شەتەلدەن كوشىپ كەلەتىن قانداستارىمىزدىڭ ازاماتتىق الۋىنىڭ مەرزىمى ۇزارتىلىپ، ولار ءۇشىن الماتى قالاسىندا  تۇراقتى تىركەۋگە تۇرۋىنا جانە ىقتيارحات پەن ورالمان كۋالىگىن الۋى مۇمكىن بولماي قالعان ەدى. سول سەبەپتەن اتاجۇرتقا كەلگەن قانداستارىمىز ءتيىستى قۇجاتتار الۋ ءۇشىن امالسىزدان «دەلدالداردىڭ» قىزمەتىنە جۇگىنىپ، تاراز قالاسىنىڭ كوشى-قون پوليتسياسىنان ءمورى باسىلعان ىقتيارحات العان. ولاردىن كوبىسى قولدانىستاعى زاڭدى بىلمەگەندىكتەن جانە ءتيىستى ورگاندار ەلىمىزدەن قۋىپ جىبەرە مە دەگەن قورقىنىشتان وسى قادامعا بارعانى انىق.

قۇرمەتتى جاقىپ قاجمانۇلى! قازىرگى تاڭدا قانداستارىمىزعا جالعان قۇجات جاساپ بەرگەن الاياقتار ۇستالىپ جاۋاپقا تارتىلىپ جاتىر. زاڭ بويىنشا اتاجۇرتىنا ورالعان 251 ەتنيكالىق قازاقتى ەلدەن شىعارىپ جىبەرۋىمىز كەرەك. ونداي جاعدايدا ولاردىڭ  تاعدىرى قىتايدا قانداي بولارى بەلگىسىز.

سوندىقتان دا الاياقتاردىن ارباۋىنا ءتۇسىپ، الدانىپ قالعان قانداستارىمىزدىڭ بارلىعى اتاجۇرتىندا ۇرپاق وسىرەمىن، ەلىمە قىزمەت ەتەمىن دەگەن ۇمىتتەرىن زاڭدى تۇردە بەكىتىپ بەرۋگە مۇمكىندىك جاساۋىڭىزدى سۇرايمىن.

 

قۇرمەتپەن، مۇرات باقتيارۇلى،

سەنات دەپۋتاتى

Abai.kz

 

 

 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516