دۇيسەنبى, 18 جەلتوقسان 2017
جاڭالىقتار 915 0 پىكىر 9 قازان, 2017 ساعات 20:16

ەلدوس سمەتوۆتىڭ كومانداسى جەڭىلدى

قازاقستاندا كونفەدەراتسيا كۋبوگىنىڭ ىرىكتەۋ كەزەڭدەرى باستالدى. ءدۇبىرلى دودادا سپورتتىڭ 5 تۇرىنەن سپورتشىلار باقتارىن سىنادى. اتاپ ايتقاندا، سپورتىشالىر بوكس، دزيۋدو، تاەكۆوندو، ەركىن جəنە گرەك ريم كۇرەستەرىنەن ءوزارا مىقتىنى انىقتادى.

تاراز قالاسىندا وتكەن ىرىكتەۋ كەزەڭىندە "D" توبىنىڭ سپورتشىلارى جارتىلاي فينالدىق جولداما ءۇشىن بارىن سالدى. جەرەبە بويىنشا "D" توبىنا اقمولا وبلىسى، جامبىل وبلىسى، قىزىلوردا وبلىسى جəنە الماتى قالاسىنىڭ قۇراما كوماندالارى تۇسكەن بولاتىن.

كونفەدەراتسيا كۋبوگىنىڭ ىرىكتەۋ كەزەڭدەرىنىڭ رەسمي اشىلۋ سالتاناتىندا سپورتتىق جەكپە-جەك جəنە كۇش قولدانىلاتىن سپورت تۇرلەرى كونفەدەراتسياسىنىڭ مۇشەلەرى مەن جامبىل وبلىسىنىڭ باسشىلارى قاتىستى.

دزيۋدو جəنە تاەكۆوندو بويىنشا 2016 جىلعى كونفەدەراتسيا كۋبوگىنىڭ يەگەرلەرى جامبىل وبلىسى بيىل جانكۇيەرلەر ءۇمىتىن اقتاي المادى. ولار ەكى سپورت تۇرىنەن دە الماتى قالاسىنىڭ سپورتشىلارىنا توتەپ بەرە المادى. دزيۋدودان جامبىل وبلىسىنىڭ قۇراما ساپىندا قر ۇلتتىق قۇراما مۇششەسى، ريو وليمپياداسىنىڭ كۇمىس جۇلدەگەرى، Əلەم چەمپيونى ەلدوس سمەتوۆ، ۇلتتىق قۇراما مۇشەسى ازيز قالقامانۇلى سىندى əلەمدىك جارىستاردا ەل نامىسىن قورعاپ جۇرگەن دزيۋدوشىلار بەلدەستى. سونداي-اق، الماتى قالاسىنىڭ نامىسىن حالىقارالىق جارىستاردا جۇلدەلى ورىندارمەن قازاق جۇرتىن قۋانتىپ جۇرگەن عۇسمان قىرعىزباەۆ، عۇمار قىرعىزباەۆ، ەلدوس جۇماحانوۆ، قىزىلوردا وبلىسىنىڭ قۇراما ساپىندا "قازاقستان بارىسى-2017" ءتۋرنيرىنىڭ جەڭىمپازى ەلامان ەرعاليەۆ كۇرەستى.

تاەكۆوندو بويىنشا دا الماتى قالاسىنىڭ سپورتشىلارى وسال ەمەستىگىن كورسەتتى. ولار جەرگىلىكتى سپورتشىلاردى، جامبىل وبلىسىنىڭ قۇراماسىن 85:90 ەسەبىمەن جەڭىپ، 2017 جىلعى كونفەدەراتسيا كۋبوگىنان جۇلدەسىز قالدىردى.

گرەك-ريم كۇرەسى بويىنشا بوز كىلەمدە بەلدەسكەن قىزىلوردا وبلىسىنىڭ بالۋاندارى شەشۋشى كەزدەسۋدە الماتى قالاسىنىڭ سپورتشىلارىنان مىقتى ەكەنىن دəلەلدەدى.

ەركىن كۇرەس بويىنشا الماتى قالاسىنىڭ بالۋاندارى قارسىلاس شاق كەلتىرمەدى. شەشۋشى جولداما ءۇشىن كۇرەستە قىزىلوردا وبلىسىنىڭ بالۋاندارىننان مىقتى بولدى.

ەلىمىزدە كونفەدەراتسيا كۋبوگى بىلتىردان باستاپ وتكىزىلىپ جاتىر. جارىستىڭ جالپى جۇلدە قورى 125 ملن تەڭگەنى قۇرايدى. كونفەدەراتسيا كۋبوگىنىڭ فينالدىق كەزەڭى 2-3 جەلتوقسان كۇندەرى الماتى قالاسىنداعى "بالۋان شولاق" سپورت كەشەنىندە وتەدى دەپ جوسپارلانعان.

اباي-اقپارات

0 پىكىر