سەنبى, 21 قازان 2017
مىڭ ءبىر مىسال 2024 58 پىكىر 10 قازان, 2017 ساعات 08:33

ساعىنتاەۆ اتامباەۆقا جاۋاپ بەردى

قازاقستاننىڭ پرەمەر-ءمينيسترى باقىتجان ساعىنتاەۆ قىرعىزستان پرەزيدەنتى المازبەك اتامباەۆتىڭ پىكىرىنە قاتىستى ارنايى مالىمدەمە جاسادى، - دەپ حابارلايدى kaz.tengrinews.kz تىلشىسى.

مالىمدەمەنىڭ تولىق ءماتىنى Primeminister.kz سايتىندا جاريالاندى.

"بيىلعى 7 قازاندا قىرعىز رەسپۋبليكاسىنىڭ پرەزيدەنتى المازبەك اتامباەۆ قازاقستاننىڭ الەۋمەتتىك-ەكونوميكالىق دامۋىنىڭ كەيبىر اسپەكتىلەرىنە قاتىستى قاتە ءارى دوستىققا جاتپايتىن مالىمدەمەلەر جاسادى. قىرعىز رەسپۋبليكاسىمەن ەكىجاقتى قارىم-قاتىناسىنىڭ دامۋ باعىتى بەرىك بولىپ قالۋىن راستاي وتىرىپ، قىرعىزستان پرەزيدەنتىنىڭ سايلاۋالدى ماقساتتارىندا جاسالعان ارازدىق تۋعىزاتىن جالعان تۇجىرىمدارى تالاي عاسىردان بەرگى دوستىق پەن ەلدەر اراسىنداعى ءوزارا كومەككە زيانىن تيگىزبەۋى ءتيىس دەپ سەنەمىن.

وسىعان بايلانىستى قىرعىز قاۋىمداستىعىن قازاقستاننىڭ ەكونوميكالىق دامۋى جايلى شىن مالىمەتتەرمەن حاباردار ەتۋدى ۇيعاردىم. تاۋەلسىزدىك العالى بەرى ءبىزدىڭ ەكونوميكا 20 ەسە ءوستى. 2012 جىلى قازاقستان ەكونوميكاسى الەمنىڭ باسەكەگە قابىلەتتى 50 ەلىنىڭ قاتارىنا كىردى. ەلدە مىقتى ۇلتتىق بيزنەس قۇرىلعان. Doing Business  دۇنيەجۇزىلىك بانكىنىڭ رەيتينگىندە قازاقستان 35-ورىندا تۇر. بۇگىن 1,3 ميلليون كاسىپكەرلىك قۇرىلىم جالپى ۇلتتىق بايلىقتىڭ تورتتەن ءبىر بولىگىن ءوندىرىپ وتىر. سوڭعى ون جىلدىڭ ىشىندە مەملەكەتتىك يندۋستريالدىق-يننوۆاتسيالىق دامۋ باعدارلاماسىنىڭ اياسىندا مىڭنان اسا جاڭا ءوندىرىس سالىندى، ونىڭ قاتارىندا اۆتوموبيل، لوكوموتيۆ، ۆاگون، تىكۇشاق جانە تاعى دا باسقا ءوندىرىسى بار. ءبىزدىڭ ەلدە ەشقاشان ءوندىرىلىپ كورمەگەن ءونىمنىڭ جاڭا 500 ءتۇرىن شىعارۋ يگەرىلگەن. قازاقستاننىڭ كولىك ينفراقۇرىلىمى تۇبەگەيلى جاڭارىپ جاتىر. 25 جىل ىشىندە ون مىڭ شاقىرىمنان اسا اۆتوجول سالىنىپ، قايتا جوندەلدى. تاياۋ جىلدارى بۇعان قوسا 8 000 شاقىرىمنان اسا اۆتوموبيل جولى مودەرنيزاتسيالانادى. "باتىس ەۋروپا - باتىس قىتاي" ترانسقۇرلىقتىق ماگيسترالىنىڭ قازاقستاندىق بولىگىنىڭ قۇرىلىسىن تولىقتاي اياقتادىق. 2,5 مىڭ مىڭ شاقىرىمنان اسا جاڭا تەمىرجول جولى سالىندى. اقتاۋ تەڭىز پورتىنىڭ ينفراقۇرىلىمى كەشەندى تۇردە مودەرنيزاتسيالاندى، قۇرىق جاڭا تەڭىز پاروم پورتى سالىندى. كاسپيدەگى تەڭىز وتكىزۋ قابىلەتى 25 ميلليون تونناعا دەيىن كوبەيدى. جىل سايىن جاڭا اۋەجايلار مەن تەمىرجول ۆوكزالدارى پايدالانۋعا بەرىلىپ جاتىر. قازاقستان تاۋەلسىزدىك جىلدارىندا 120 ميلليون شارشى مەتر باسپانا سالىپ، 1,1 ميلليون قازاقستاندىق وتباسىنى پاتەرمەن قامتاماسىز ەتتى.

2017 جىلدىڭ سەگىز ايىنىڭ ىشىندە "نۇرلى جول" مەملەكەتتىك باعدارلاماسىنىڭ اياسىندا 6,9 ميلليون شارشى مەتر جاڭا باسپانا سالىندى. ونىڭ ىشىندە 18,3 مىڭ جەكە ءۇي بار. 61 مىڭنان اسا قازاقستاندىق باسپانا جاعدايىن جاقسارتتى. تۇرعىن ءۇي قۇرىلىسى بەلسەندى تۇردە دامىپ جاتىر. وسى جىلدىڭ وزىندە 10,1 ميلليون شارشى مەتر جاڭا باسپانا پايدالانۋعا بەرىلدى", - دەپ حابارلادى ساعىنتاەۆ.

قر ۇكىمەت باسشىسىنىڭ مالىمەتىنشە، ەلدە الەۋمەتتىك ينفراقۇرىلىم بەلسەندى دامىپ جاتىر. 1,3 مىڭ جاڭا اۋرۋحانا مەن ەمحانا سالىنعان، 500 جاڭا بالاباقشا مەن 1,4 مىڭ مەكتەپ سالىندى.

"قازاقستان پرەزيدەنتى نۇرسۇلتان ءابىشۇلى نازارباەۆتىڭ باستاماسىمەن اشىلعان "بولاشاق" باعدارلاماسى ارقىلى 12,5 مىڭنان اسا ەل ازاماتى 35 ەلدىڭ الەمنىڭ ۇزدىك 200 جوعارى وقۋ ورنىندا ءبىلىم الدى. جىل سايىن ورتاشا ەسەپپەن 270 مىڭ جاڭا جۇمىس ورنى اشىلادى. سوڭعى 15 جىل ىشىندە قازاقستاندا ورتاشا جالاقى مەن زەينەتاقى 10 ەسە ءوستى. زەينەتاقى جانە الەۋمەتتىك قورلار حالىقارالىق اسسوتسياتسياسىنىڭ رەسمي مالىمەتى بويىنشا، قازاقستاندا مينيمالدىق جانە ورتاشا زەينەتاقى مولشەرى قىرعىزستانداعى جاعدايعا قاراعاندا بەس جانە ءۇش ەسە كوپ. ءبىزدىڭ ەلدە ورتاشا ءومىر ءسۇرۋ ۇزاقتىعى 72,3 جىلعا جەتتى", - دەپ اتاپ ءوتتى پرەمەر-مينيستر.

"ال قىزمەت تاريفتەرىنە كەلسەك، قازىرگى ۋاقىتتا قازاقستاندا تابيعي مونوپوليا مەن تۇتىنۋشىلار سۋبەكتىلەرىنىڭ مۇددەلەرىن تەڭدىكپەن قامتاماسىز ەتۋدى ەسەپكە الا وتىرىپ، نەگىزگى قورلاردى جاڭارتۋ مەن مودەرنيزاتسيالاۋعا ارنالعان جاڭا موجدەل ىسكە اسىرىلىپ جاتقانىن اتاپ وتكىم كەلەدى. گيدروەلەكترستانتسيالارى شىعاراتىن ەلەكترەنەرگياسىنىڭ تاريفتەرى قازبا ەنەرگيا قايناركوزدەرىن قولدانۋدا الىناتىن ەلەكترەنەرگيانىڭ تاريفتەرىنە قاراعاندا تومەن ەكەنى ايدان انىق. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ستراتەگيالىق ساياساتىن جۇزەگە اسىرۋدا جاڭا ەلوردامىز استانانى سالدىق. ەلوردانىڭ دامۋىنا 50 ميلليارد اقش دوللارىنان اساتىن قاراجات قۇيدىق. بۇگىندە استانا حالقى ءبىر ميلليون ادامنان استى", - دەلىنگەن ساعىنتاەۆتىڭ مالىمدەمەسىندە.

ساعىنتاەۆ بيىل استانادا تمد-دا تۇڭعىش رەت ەكسپو-2017 "بولاشاق ەنەرگياسى" دۇنيەجۇزىدىك كورمەسى وتكەنىن ەسكە سالدى. وعان 115 مەملەكەت پەن 22 حالىقارالىق ۇيىم قاتىسقان. كورمە كەزىندە 4 ميلليونداي تۋريست كەلگەن.

"مەملەكەتتىڭ ەكونوميكالىق مىقتىلىعى، تۇراقتىلىعى مەن جايلى ينۆەستيتسيالىق كليمات ارقاسىندا ءىرى ترانسۇلتتىق كورپوراتسيالار قازاقستان ەكونوميكاسىنىڭ بارلىق سالاسىندا جۇمىس ىستەۋدە. تىكەلەي شەتەلدىك ينۆەستيتسيانىڭ جالپى كولەمى تاۋەلسىزدىك جىلدارى 265 ميلليارد اقش دوللارىنا جەتتى. 2000 جىلى ەل پرەزيدەنتى قازاقستان رەسپۋبليكاسىنىڭ ۇلتتىق قورىن قۇردى. قازىرگى تاڭدا ۇلتتىق قور جانە قازاقستاننىڭ التىن مەن ۆاليۋتا قورىنىڭ جالپى كولەمى 91 ميلليارد اقش دوللارىنا جۋىق", - دەپ كەلتىردى مالىمەتتەردى ول.

"ەكونوميكانىڭ تۇراقتى ءوسىمى، ەل ءجىو-ءنىڭ ءوسىمى قازاقستانعا سەرىكتەس مەملەكەتتەرگە بارلىق كومەك ءتۇرىن كورسەتۋگە مۇمكىندىك بەرەدى. قازاقستان رەسپۋبليكاسى 1997 جىلدىڭ 8 ساۋىرىنەن "ماڭگىلىك دوستىق" جانە 2003 جىلدىڭ 25 جەلتوقسانىنان "وداقتاستىق" قارىم-قاتىناس تۋرالى كەلىسىمگە لايىق قىرعىز رەسپۋبليكاسىمەن باۋىرلاس جانە تاتۋ كورشى بولۋ ساياساتىن جۇزەگە اسىرىپ كەلەدى. وسى جىلداردان بەرى قازاقستان باۋىرلاس قىرعىز حالقىمەن بىرگە، اسىرەسە قيىن-قىستاۋ زاماندا قىرعىزستان بيلىگىنىڭ وتىنىشتەرىنە تۇسىنىكپەن قاراپ، الەۋمەتتىك-ەكونوميكالىق ماسەلەلەردى شەشۋگە بارىنشا قولداۋ ءبىلدىرىپ، ايتارلىقتاي گۋمانيتارلىق كومەك كورسەتكەن. ونىڭ ىشىندە قۋات تاسىمالداۋشىلار، ازىق-تۇلىك جانە وزگە دە الەۋمەتتىك ماڭىزى بار تاۋارلاردى جەتكىزۋ بار. قىرعىزستاننىڭ ەۋرازيالىق ەكونوميكالىق وداققا كىرۋىنىڭ اياسىندا قازاقستان رەسپۋبليكاسىنىڭ پرەزيدەنتى 100 ميلليون اقش دوللار كولەمىندە تەحنيكالىق كومەك بەرۋ تۋرالى شەشىم قابىلداعان بولاتىن. قازىرگى كەزدە تەحنيكالىق كومەك بەرۋ كەلىسىمى قازاقستان رەسپۋبليكاسىنىڭ پارلامەنتىمەن راتيفيكاتسيالاندى. قىرعىزستانعا گۋمانيتارلىق كومەك بەرۋ بويىنشا 20 ميلليون اقش دوللارى ءبولىنىپ قويىلعان، بىشكەك پەن وشتا ەكى جالپى ءبىلىم بەرۋ مەكتەبى سالىندى. وسىعان بايلانىستى مىڭداعان قىرعىزستاندىق جۇمىسپەن قامتاماسسىز ەتىلدى. سونىمەن بىرگە ينۆەستيتسيا كولەمى كوبىرەك بولۋى دا مۇمكىن ەدى، الايدا، ونىڭ ءوسۋى قازاقستاندىق كاسىپكەرلەرگە قاتىستى جايسىز ينۆەستيتسيالىق كليماتتى سول كۇيدە قالدىرادى", - دەلىنگەن ساعىنتاەۆتىڭ مالىمدەمەسىندە.

قازاقستاندا 125 مىڭ ەڭبەك ميگرانتى تىركەلىپ، ەلىمىزدە تۇرىپ جاتقانى بەلگىلى. ولار مەملەكەتىمىزدىڭ تاراپىنان الەۋمەتتىك جانە مەديتسينالىق كەپىلدەندىرۋمەن تولىق قامتىلعان.

"قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆتىڭ ۇستانىمىنىڭ ارقاسىندا قازىرگى ۋاقىتتا قىرعىزستاننىڭ يمپورتتالعان كەدەن باجدارىنان ۇلەسى ەۋرازيالىق ەكونوميكالىق قاۋىمداستىققا مۇشە ەلدەر اراسىندا 1,9 پايىزدى قۇرايدى. قىرعىزستان ەۋرازيالىق ەكونوميكالىق قاۋىمداستىققا كىرگەلى بەرى ولاردىڭ بيۋدجەتتەرى بىردەن كوبەيدى. مىسالى، 2016 جىلى قىرعىزستاننىڭ ۇلەسى 187,4 ميلليون دوللار بولدى. بۇل قىرعىزستان ەۋرازيالىق ەكونوميكالىق قاۋىمداستىققا كىرمەي تۇرعانداعى كورسەتكىشىنەن ءۇش ەسەگە كوپ. قازاقستان رەسپۋبليكاسى مەن قىرعىزستان رەسپۋبليكاسى اراسىنداعى تەمىرجول كولىكتەرى قىزمەتتەرىن رەتتەۋ تۋرالى كەلىسىمگە سايكەس، قىرعىز رەسپۋبليكاسى 2017 جىلدىڭ 10 قاڭتارىنان باستاپ بىرىزدەندىرىلگەن تەمىرجول تاريفتەرىن قولدانىپ جاتىر. بىراق ءتاريفتىڭ مەزگىلىنەن بۇرىن قولدانىسقا ەنگىزىلۋىنە بايلانىستى قازاقستان 49 ميلليون دوللار اقشا جوعالتتى. بۇل دەگەنىمىز قىرعىزستان ەكونوميكاسى ءۇشىن پايدا بولىپ وتىر.

"قىرعىزستان تاراپىنىڭ ەۋرازيالىق ەكونوميكالىق قاۋىمداستىق تالاپتارىنا سايكەس، سانيتارلىق، مال دارىگەرلىك جانە فيتوسانيتارلىق جۇيەلەردى قولدانىسقا ەنگىزۋ تۋرالى مىندەتتەردى ءوز موينىنا العانىن ايتىپ كەتۋ كەرەك. بىراق ول مىندەتتەر ءالى ورىندالعان جوق. بۇل قازاقستاندىق نارىققا جانە ينتەگراتسيالىق قاۋىمداستىققا زيان كەلتىرەدى. قازاقستاندىق تاراپ بۇعان قاراماستان قىرعىزستاننىڭ اۋىل شارۋاشىلىق ونىمدەرىنە دەگەن قولجەتىمدىلىكتى وڭايلاتۋ ماقساتىندا كەشەندى شارالار جۇرگىزدى. قىرعىزستاننان رەسەيگە قازاقستان اۋماعىنان تاسىمالداناتىن تاۋارلاردىڭ سانى ايتارلىقتاي - 100 تاۋارعا ءوستى. تەحنيكالىق كومەك اياسىندا قازاقستاننىڭ اقشاسىنا - 100 ميللون دوللار كولەمىندەگى اقشاعا مال دارىگەرلىك جانە فيتوسانيتارلىق بەكەتتەر جابدىقتالىپ، كارانتيندىك جانە مال دارىگەرلىك زەرتحانالار مەن مال دارىگەرلىك پرەپاراتتاردى تىركەيتىن ورتالىقتار سالىندى. قازاقستان رەسپۋبليكاسىنىڭ كەدەن ورگاندارى قىتاي رەسپۋبليكاسىنا قىتايلىق تاۋارلاردىڭ وتە كوپ يمپورتتالعانىن جانە قازاقستانعا دا قىرعىز رەسپۋبليكاسىنىڭ قىتايلىق تاۋارلاردىڭ كوپ مولشەردە اكەلىنىپ جاتقانىن تىركەدى. بۇل كەدەندىك اكىمشىلىكتىڭ تيىمسىزدىگىمەن بايلانىستى. دەگەنمەن دە قازاقستاندىق تاراپ قىرعىز تاۋارلارىنا قانداي دا ءبىر شەكتەۋ قويىپ جاتقان جوق.

قىرعىزستاننان كەلەتىن تاۋارلاردى قىتايدان كەلەتىن رەكسپورت تاۋارلارىنىڭ دەرەگى بار بولۋىنا قاراماستان قازاقستانعا ەركىن تۇردە وتكىزۋدى قامتاماسىز ەتۋ شارالارى تولىعىمەن ىسكە اسىپ جاتىر. بولجاممەن ەۆرازەس ۇيىمىنا مۇشە ەلدەردىڭ شىعىنى شامامەن 100 ميلليون اقش دوللار، سونىمەن قاتار قازاقستاننىڭ ققس شىعىندارى - 155,8 ميلليون اقش دوللارى. سونىمەن قاتار، ءبىز قىرعىزستان ءۇشىن كەيبىر ماڭىزدى تاۋارلارعا ەكسپورتتىق كەدەندى باج سالىعىن المايمىز، الايدا ءبىز وسى تاۋارلاردىڭ (مۇناي جانە مۇناي ونىمدەرى، قارا جانە ءتۇستى مەتالل، تەرى جانە جانۋارلاردىڭ ءجۇنى جانە تاعى باسقا) قىرعىزستاننان رەەكسپورتتالۋ دەرەگىن بىلەمىز. جوعارىدا اتالعان زاتتاردىڭ بارلىعى ەكى ەلدىڭ ىنتىماقتاستىعىن قۇرۋداعى ءبىر بولىگى عانا. قورىتىندىلاي كەلە قىرعىزستان پرەزيدەنتى المازبەك اتامباەۆتىڭ سپەكۋلياتسيالىق ۇندەۋلەرىنە قاراماستان، قازاقستان رەسپۋبليكاسىنىڭ ۇكىمەتى قازاق-قىرعىز ىنتىماقتاستىعىن جانە ستراتەگيالىق سەرىكتەستىگىن بەلسەندى تۇردە كەڭەيتىپ، نىعايتادى", - دەلىنگەن قازاقستان ۇكىمەتى باسشىسىنىڭ مالىمدەمەسىندە.

Abai.kz

58 پىكىر
Бұлбұл 2017-10-12 11:36:44
Дұрыс айтасыз, адам өз эмоциясын басқарып үйренгені жөн. Жеке басының қамына халықты тұтас айдап салудың қажеті шамалы. Қазақтың басшысын сынауға, қырғызға ешкім ерік берген жоқ. Өз басшымыз өзімізге. Қазақ жалпы кең халық қой.
Арай 2017-10-12 11:29:55
Түбі бір түркілердің бір жағадан бас, бір жеңнен қол шығаратын кезінде, Атамбаевтың бұлай айтуы мүлдем дұрыс болмасын. Бұл бір туған қазақ-қырғыздың арасына жік салу. Өз эмоциясын басқара алмаған адам, халықты қалай басқарады?
Мейрамбек 2017-10-12 11:23:01
Тау таумен кездесепесе де, адам адаммен жүздеседі. Бір адамның көңіл күйі тұтас халыққа кері әсерін тигізбеуі тиіс. Тек жақсылыққа...
Мейрамбек 2017-10-12 11:22:59
Тау таумен кездесепесе де, адам адаммен жүздеседі. Бір адамның көңіл күйі тұтас халыққа кері әсерін тигізбеуі тиіс. Тек жақсылыққа...
Жұмамұрат Шәмші Кеңесұлы 2017-10-12 00:39:37
Өкінішке қарай, ҚР Премьер-министрі Бақытжан Сағынтаевтан Қырғыз Президентті ҚР әлеуметтік-экономикалық жағдайы туралы есеп бер дегені жоқ. Ол Назарбаевтың ҚР Президентіне үміткер Бабановты неге? қабылдағанына ашулы біріншіден, жас Президент керек дегеніне ызаланды. Әлі күні қазақ еместер басқарып отырғаны өтірік емес. Сондықтан салиқалы, сауатты жауап беретін бір қазақтың Үкіметте болмағаны адамды сан-саққа жетелейді. Көкем-ау, неге? мен сияқты бір адамды жұмысқа алмайды екен. Осындай кезде пайдаланбайсыздар ма? Бақытжан мырза.
Төре.1986 2017-10-11 09:53:56
Қырғыздар қазақ мемлекеттігіне əрқашанда сатқындық жасаған. Қазақстанда кімнің ұры өлмейтін жалмауыз екенін қырғыз айтпасада білеміз. Ел даурығып шулап жатқанда сатқын билік сататынын сатып жатыр екен.
Ақ пен қараны ашу керек қой 2017-10-11 02:06:37
Билік өкілдері бұрынғы генерал Мусаевтың ауыр айыптауларына неге жауап бере алмайды? Ақ пен қараны ашу керек қой.
жəй Қазақ қа 2017-10-11 01:59:54
Ішіп қойды, жеп қойды деп жағасынан сотқа сүйреп апарып қамай салатын Атамбаев оған пешка емес қой.
Сержан 2017-10-11 00:32:11
Бейшара Сағынтаев 2012 жылы 50 елдің қатарына кірдік дейді. Содан халық 50 тиын пайда көрді ме екен?!.Қазір 2017 жыл әлгі рейтинг бойынша Қазақстан 57 орында @-өтеннен кері кетіп бара жатырмыз.
жəй Қазақ 2017-10-10 22:51:53
Атамбаевқа жауап беретін Сағынтаевтың денгейі емес, əлде Мұрагер анықталған ба еді. Атамбаев Елбасына тигізіп айтқаны рас, жалпы Қазақты кінәлағана жоқ. Ал Ақсақалдың өзін қорғайтын шамасы жеткілікті.
Жаке 2017-10-10 22:48:51
1000 стастика айтсанда Кыргыз дурыс айтты. Кунде Жемкор курыкталады. Кормейсинбе соны? Мунайлы елде Бензин жок. 17 млё халыкты Бензинмен камтамасыз ете алмасан калай сойлейсин. Кымбатшылык Елде.
Түңілген 2017-10-10 19:16:46
Ойпыр-о-о-ой, статистиканы тізбектеген екен сабазың. Осы да жауап па? Атанбаев "Астанаң көмір жағып, қыс бойы түтінге тұмшаланып тұрады. Осы уақытқа дейін өзіңде бар газды бас қалаңа жеткізе алмасаң не бетіңмен ЭКСПО өткіздің" десе, не деп жауап берер еді.
Бақтияр 2017-10-10 19:02:01
Халық деген атпен берілген сөзге толық қосыламын. Ал одан кейінгі билікке көлгірсіген қысқа постардың барлығы Ақордадан ақша алып, күні үшін шындықты бұрмалаушылар. Осындай тролльдерді өрбітетін әдет кәзір билікті сынаған сайын қаптап шығады. Олар негізінен Сағадиев пен әпенді министрді сынағанда осындай постармен интернетте отырады. Бұл да халықты алдаудың біздің билік жете меңгерген бір жолы. Өтірік үстіне өтірк жамап, күн көріп отыр.
Маңқа қазақ 2017-10-10 18:16:25
Мына кісіден кім отчет сұрап отыр? "Ватсааптағы Атамбаевтың сөзін оқыған халық шулап жатыр, арты ушығып кетпесін, жауап дайындаңдар" деген установка түсті ме? Халық малғұн емес қой, Атамбаевты қойшы, бірдеңе қылып жауап бердіңдер. Ал ғаламторда қаптап жүрген видеоларға не айтасыңдар? Олардың қасында мына қырғыздың айтып отырғаны баланың ойыншығы емес пе?.. Сенген қойым сен болсаң...
Инабат 2017-10-10 18:11:26
көре алмаушылық пен ашкөздік не айтқызбайды..сол Атамбаевтың сөзіне түкіргенім бар, бізден асып бара жатқан түгі жоқ, пысқырмаймын да.
мүмин 2017-10-10 18:11:07
өзінің халқын жетістіріп алмай отырып бізде несі бар десеңші...
еркін 2017-10-10 18:10:30
міне біреудің сыртынан сөз айтып, өсектемей, осылай байыпты сөйлеу керек ер адам, саяси тұлға деген! Біздің шенеуіктерімізден үлгі алсын қырғыздың түк көрмегендері"
Сұрат 2017-10-10 16:53:19
Бізде зейнетақы 1,5 есе көп болғанымен, халық тұтынатын тауарлар қызғыздардікінен әлдеқайда қымбат емес пе? Нәтижесінде, біздегі зейнетақы олардікінен әлдеқайда аз болып шығады.
Мақтанамын деп өзіне өзі көр қазып алды. 2017-10-10 16:02:56
Бұл жауап жауап емес! Халқын, елін миллиардтаған долларларға қарызға отырғызып қойып, барлық шикізат байлықтарын санаулы жылдарда шет елдерге сатып тауысып, болашақ ұрпаққа түк қалдырмай сипанский қылып кетейін деп отырып "өйттік те бүйттік, отқа басын үйіттік" деп мақтанған кімге керек? Одан да Өтемұратов сияқты олигархтардың прихватизация жасамай, биліктегі лауазымын асыра пайдаланбай, президент Назарбаевтың кассирі атанбай, жеке қатынасын пайдаланбай қалай заңды жолмен байып миллиардер олигархтар болып жүргеніне жауап бергені дұрыс еді ғой. Қайта, жауап берем деп отырып "Елорданың дамуына 50 миллиард АҚШ долларынан асатын қаражат құйдық" деп Астананы салуға бюджеттен бір тиын да жұмсалмайды" деген сарындағы биліктің өтіріктерін әшкерелеп тастады.
Судың да сұрауы бар! 2017-10-10 15:37:21
Егер қазақстандықтардың орташа кірісі қырғызстандықтарың орташа кірісінен 10 есе көп болса, шынында онда неге қазақстандықтардың орташа зейнетақылары қырғызстандықтардың зейнетақыларының орташа мөлшерінен 1,5 есе ғана көп ???! Неге 10 есе көп емес???! Зейнетке шыққан қариялардың 70 жыл бойы маңдай терлерімен жасаған бар дүние мүліктерін бұл қылмыскер алаяқтар қызмет баптарын миллиард есе асыра пайдаланып, халықтың аманаттарына сұмдық қиянаттар жасап, санаулы ғана жылдарда түгін қалдырмай тонап алып Форбсқа мақтанышпен шығып отырғандары әлі де аз болып отыр ма? Жауап бергіштер осындай заңды сұрақтарға неге жауап бермейді???!
Атамбаев ақиқатты айтып отыр! 2017-10-10 15:23:24
Бұл жауап жауап емес! Халқын, елін миллиардтаған долларларға қарызға отырғызып қойып, барлық шикізат байлықтарын санаулы жылдарда шет елдерге сатып тауысып, болашақ ұрпаққа түк қалдырмай сипанский қылып кетейін деп отырып "өйттік те бүйттік, отқа басын үйіттік" деп мақтанған кімге керек? Одан да Өтембаев сияқты олигархтардың прихватизация жасамай, биліктегі лауазымын, Назарбаевпен жеке қатынасын пайдаланбай қалай заңды жолмен байып миллиардер олигархтар болып жүргеніне жауап берген дұрыс еді ғой. Қайта жауап берем деп отырып "Елорданың дамуына 50 миллиард АҚШ долларынан асатын қаражат құйдық" деп Астананы салуға бюджеттен бір тиын да жұмсалмайды" деген сарындағы биліктің өтіріктерін әшкерелеп тастады.
Түңілген 2017-10-10 14:36:14
Иә, бұл басы ғана! Әлі талай шындықтың беті ашылары хақ. Шындықты күнделікті қарапайым адамдар айтып жатыр ғой. Бірақ, өте жоғары лауазымды адамның айтқан сөзі қоғамда, әлемде үлкен дүрбелең туғыза алады. Қазір көшедегі әрбір қарапайым, тіпті қарабайыр қазақтардың телефондарында Атамбаев Алмазбектің айтқан видеосы жүр. Бір біріне көрсетіп, арқа-жарқа болып, айтылған шандыққа риза болып жүр. Тек қана жемқорлар мен халқын сатқан имансыздар ғана шындықтың терісін айналдырып, халықтың басын улауда. Негізі, Сағынтаев иманды жігіт сияқты. Бірақ, мына құдай атқан авторитарлы жүйенің айтқанына көнбесең, Серік Ахметов сияқты түрменің түбінен бірақ шығасың.
ХАЛЫҚ 2017-10-10 13:56:03
Ашынғанда шығады ащы дауыс Баяғыда бала күнімізде біздің ауылдың кәріқұлақ ақсақалдары «ашынғанда шығады ащы дауыс» деп айтып жататұғын. Ол кезде оның парқын онша түсінбейтінбіз. Өсе келе осы сөздің байыбын аңғара бастадық, яғни нақты мысал екі-үш күннен бері барлық әлеуметтік желі арқылы у-шу болып жатқан Қырғыз президенті Алмас Атамбаевтың Бішкек маңындағы Ала-Арча мемлекеттік сарайында ел азаматтарына мемлекеттік мәртебелер тапсыру рәсімінде сөйлеген сөзін талқылауда. 15.10.2017 ж. таяуда Қырғызстан Республикасының президент сайлауы өтпекші, соған байланысты сайлауға түсіп жатқан кандидаттарды сынай келе, қазіргі қазақ билігі туралы шындықты жайып салды. Қырғызстанның ішкі саясатына араласқан қазақ билігіне өкпесі қара қазандай екенін байқатты, тіпті «Если наши соседи не очухаются, не опомнятся, я буду говорить по-другому». Каждый народ должен выбирать своего правителя, и он заслуживает того, кого выберет. Я понимаю, почему нам хотят навязать своего кандидата казахская власть они любят Бакиева (экс-президента свергнутого во время цветной революций 2010 года). Я до сих пор слышу от официальных лиц Казахстана, что Бакиевы правильно делали, расстреливая мирных людей. Бакиевы до сих пор проводят в Казахстане праздники. Да, ВВП города Алматы в 5 раз больше, чем ВВП всего Киргизстана. А ВВП Казахстана больше ВВП Киргизстана в 20 раз. И валовый продукт Казахстана в доходах в 10 раз больше Киргизстана. Почему тогда пенсии Казахстана больше (киргизских) всего в 1,5 раза, а не 10 раз, а тарифы выше в 5 раз? Почему? Потому что разворовывают богатства в Казахстане». Бүгінге күнге дейін қазақтарды қазақ емес, осыдан 600 жыл бұрын сұлтан сайланған Шыңғысханның ұрпақтары басқарып отырғандай әсер қалдырады дегені А. Атамбаевтың не айтқысы келгенін екінің бірі түсіне бермейді. Оны түсіну үшін ерекше қабілет пен тарихтан хабары болғаны абзал. Біріншіден билікте ұзақ отыру мен оны монархиялық жолмен өз ұрпағына мұра етіп қалдыруға тырысудың халыққа қиянат екенін. Екіншіден қырғыздардың кезінде Кенесарының басын алғанын тағы бір мәрте ақтап алуға немесе қазақтардың соңғы ханының басын біз алғанбыз, бірінші президенті біз үшін түк емес. Үшіншіден қырғыздардың екі төңкеріспен екі президенттін елден жыраққа ит қосып қуғанын меңзеп «қазақпен салыстырғанда қырғыздар әлдеқашан халық билігін ұстанған, саяси оянғанын, бір адамның ұзақ жылдар бойы билеп—төстегеніне жол бермеген» деген ойды айтып отырған сияқты түйіледі. Назарбаев Ақордаға Қырғыз еліне үміткер Бабановты қабылдауы мүлдем дұрыс емес, ол бөтен елдің ішкі саясатына араласу болып табылады. Егер қырғыздар халықаралық сотқа шағым түсірсе сот алдында жауап беруге тура келеді. Елбасы ел ішіндегі мәселелер шаш—етектен екенін біле тұра, Қырғызстанға үкімін жүргізгісі келеді.«Ешкі мүйізін сұраймын деп жүріп, құлағынан айырылыпты» болып жүрмесін. «Атамбаев подает казахам «плохой» пример. Потому что, народ хочет справедливой власти. Правильно Назарбаев на встрече с Бабановым говорил о молодом президенте. Но, самый старший кандидат (в президенты Киргизии )на 20 лет моложе Назарбаева. А я—на 16 лет. И кому нужен молодой президент, нам или Казахстану? Я все равно проведу честные выборы. Я горжусь тем, что показал образец справедливой, чистой власти. В этом мне помогали кадры вроде Темира Жумакадырова (Таяуда белгісіз жағдайда көлік апатына ұшырап қайтыс болған Қырғызстан Үкіметі басшысының ел басшысын сайлауында жауапты орынбасары). Смерть забрала одного из нас, но нас больше шести миллионов. Дай бог после выборов унесу всю старую элиту, они никогда не вернутся. Потому что люди сейчас другие...Наш народ умеет различать людей. Не надо нас учить, мы нашли свой путь». Ғасырлар бойы ауылы—аралас, қойы—қоралас жатқан Қырғыз басшысының кенеттен ашуға мінгенін, сөйтіп, шыңғырған шындықты қарша боратып жатқанын алғашқыда түсінбей қалдық. Бұған дейін де бірнеше Алмас Атамбаевтың «ыстығы көтеріліп» қазақ билігіне қарата айтқаны есімізге түсірейік. «2010 жылы Бакиевті елден қуған кезде Қазақстан көмір бермей қойып, қырғыз халқы қатты қиналды»--деп еді. 2015 жылы Қазақстан мәдениет министрі Арыстанбек Мұхамедиұлының айтқан сөзіне жауап ретінде, Қазақстан Мәдениет министрінің Мәскеудің дәретханасын жуып жүрген қырғыз қыздарының деңгейімен бірдей ме?—деп кекеткені. Жуырда Назарбаев Қырғыз Президенттігіне үміткер Бабановты арнайы қабылдап, оң қабақ танытқаннан кейін Қырғызстанның Сыртқы істер министрлігі бұл әрекетке наразылығын білдіріп, дереу қарсылық нотасын жолдады. Кім біледі, алпыс екі айласы бар сұрқия сұм саясатты түсіну оңай емес, қазақ пен қырғыз арасына іріткі салып отырған солтүстіктегі аспанға ақырған аю ма? әлде шығыстағы алты басты аждаһар ма? немесе әлемді билеп—төсегісі келетін мұхиттың ар жағындағы 525 жыл бұрын Христафор Колумб ашқан құрлық па? «Естіген құлақта жазық жоқ»--дегендей, біз тек өз ойымызды ортаға салдық. Жұмамұрат Шәмші
Апашка 2017-10-10 12:07:15
Екі ел бауырлас халық, сондықтан арамыз ажырамасын. Тату болайық!
Бөкенбай 2017-10-10 12:06:14
Қырғыз халқына құдай қуат берсін, мынадай президенттен сақтасын
Эля 2017-10-10 12:04:55
Атамбаевтың түріне қарасам аянышты түрі, әңгімесі әйдік деп ойламаппын
Лорик 2017-10-10 12:01:45
Арманы тақтан таймау сияқты ғой Атамбаевтың
Аноним 2017-10-10 12:00:46
Атамбаев өз сөзіне жауап бере алады ма? Не болса соны айтып... тыныш жүрмей ма?
Че 2017-10-10 11:07:41
Қырғыздың қанында бар қазақтын басшыларына сатқындық жасау. Дəлел Кенесары ханың басы.
Кокс 2017-10-10 10:43:22
Өзі де президенттіке үміткер болған кезде Путинмен кездесті емеспе
Медет 2017-10-10 10:41:35
Басқа елдің жынына тигенше, өз елінің экономикасын көтермейме
Нуки 2017-10-10 10:39:57
Біздің елдің жетістігіктерін көре алмаудан ба деп қоям осы
Бека 2017-10-10 10:39:16
Президент болдым. Бәрін тындырдым, Ендігі қалғаны мені талқыға түсіретін зат қалдыру керек!-деген шығар
Ера 2017-10-10 10:36:00
Атамбаев кететін кезінде мұндайын күтпеп едім. Ренжідім
Нұрбақыт 2017-10-10 10:23:10
"Боламын деген баланың бетін қақпа белін бу"- деген аталы сөз бар. Бірін-бірі демеп жүру керек екі мемлекеттің ортасына Атамбаевтың сылдыр саясаты кедергі болмауы тиіс.
ауылдан 2017-10-10 10:18:27
Айтылған сөздің бәрі жақсы, тартымды, ал, бірақ, Атамбаевтың сөзінде жауабы жоқ шындық бар.
Еңілік 2017-10-10 10:16:53
Алма, арадан шыққан жау жаман деген осы болар. Иә, біз бауырлас елміз. Достығымызға ешкім сызат түсіре алмас!
Раушан 2017-10-10 10:15:13
Қырғыз елінің нөмірі бірінші азаматы бола тұра, айтқан сөздері өте ұятты(
Алма 2017-10-10 10:15:03
Өмірде барлығы болады. Бірақ Достықтың қадірін түсінбей сырттан оқ ату өте жаман қылық, Қанша жерден Атамбаев әрекет етсеңде елдің бірлігін бұза аламассың.
Ерсін 2017-10-10 10:13:36
Сіз қырғыздарға мәлімет жасайтын ол елдің премьері емессіз ғой оданда елде неге бензин тапшы, пенсия, зарплата неге төмен, үйсіз-күйсіз адамдар неге бар осыған жауап берсеңіз.
Клеопатра 2017-10-10 10:11:19
Осындай мәлімде жасайтындай біздің халық пен елбасы не істеп қойыпты саған Атамбаев-ау. Бәленің бәрі осылай шығады ғой
Несібе 2017-10-10 10:10:51
Міне нағыз айқын жауап. Атамбаев деп аттандап кеткендер енді басылған шығарсыңдар.
Гулшахар 2017-10-10 10:09:09
Үкімет басшымыздың мәлімдемесі нақ екен. Екі елдің ортасына от салмай Атамбаев атыңның басын тартып жүр.
Арал 2017-10-10 10:06:56
Мәселенің ақ пен қарасы ашылып жазылған екен. Атамбаевтың жалауын желбіретіп жүргендер енді естерін жиған шығар...
Нұрлан 2017-10-10 10:05:41
Біз қырғыз елі болсын, басқа болсын ылғи тек жақсылықпен қарсы алып, жақсы қарым-қатынас орнатуға тырыстық
Айнұр 2017-10-10 10:03:09
Еліміздің үкімет басшысы дұрыс мәлімдеме жасаған екен. Бір Атамбаевқа бола екі ел арасындағы достықты жоғалтып алуға болмайды. Былай қарап тұрсақ қаншама халық саудамен нанын тауып жүр.
Қайырбек 2017-10-10 10:03:09
Атамбаев не десең де, өзіңнің ауызың күйген. Тыныш отыруың керек еді өзгенің саясатына араласыпай
Данчик 2017-10-10 10:00:31
Басшы ретінде ол әрбір сөзіне абай болуы керек еді, енді ол осы қылығымен бүкіл қырғыз елінен сөйлегендей сол елді масқаралап отыр
Сара 2017-10-10 09:59:29
Осы жауап нақты жауап. Атамбаев өз сыйыңды құрттың, сайлауда жеңудің амалын осылай қарастырып отырсың ба?
Қазақ 2017-10-10 09:59:23
Менің ойымша, Атамбаев қара басының қамы үшін, елін ойламастан түк пайда әкелмейтін мәлімдеме жасаған.
Санек 2017-10-10 09:57:02
Басқаға сөз айтам деп, өзі ғана жаманатты болды. Басқа ешкімнің ештенесі кетпеді, себебі бәріне өзі кінәлі
Жамал 2017-10-10 09:56:25
Бауырмыз деп жүрген қырғыз ағайындармен арамыз үзілмес. Бірақ Атамабаев өзінің жаман тірлігін жасап кетті
Лейла 2017-10-10 09:55:00
Кезінде қол ұшын созып отырған қазақ еліне жағымсыз сөз келтіргені дұрыс болмапты...
Донча 2017-10-10 09:51:41
Өзінің сол сөздерімен Елбасыға да, тіпті қазақ халқына тіл тигізді. Бұндайды қалай ғана жасайды, біз бауырлас мемлекетпіз ғой!
Болашақ 2017-10-10 09:49:54
Жауап жақсы айтылған, бәрімізге де көкейеге түйіп жүретін мәліметтер. Ал Атамбаев енді өзгенің тірлігіне килікпей өз бетіңмен жүргейсің
Береке 2017-10-10 09:40:13
Охо, вот прикол. Это то ясно. Теперь бы понять зачем Атамбаеву нужно было так высказываться? Он же не может говорить за всех кыргызов
Жако 2017-10-10 09:30:29
Осындай толық айғақтармен барлық мәліметті алға қойып шығаратын мақалалар күшті. Енді біраз түсінікті болып қалды
Еркеш 2017-10-10 09:26:21
Шынымен күшті айтып салыпты ғой, білуіміз және ескеруіміз керек дүниелер екен. Атамбаевтың сөздерін қалай деуге болатының өздеріңіз де осылай ұғып қалған боларсыздар. Түк ұнамады

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7852
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 15182