سەنبى, 21 قازان 2017
دەپ جاتىر 1202 4 پىكىر 10 قازان, 2017 ساعات 10:03

ەردوعان كيەۆتە قىرىم تاتارلارىن قورعاپ سويلەدى

 

كيەۆكە رەسمي ساپارمەن بارعان تۇركيا پرەزيدەنتى تايىپ ەردوعان ءوز ەلى ۋكراينانىڭ تاۋەلسىزدىگى مەن تەرريتوريالىق بىرتۇتاستىعىن قولدايتىنىن ايتتى. ەردوعان 9 قازاندا ۋكراينالىق ارىپتەسى پەتر پوروشەنكومەن بىرلەسكەن مالىمدەمە جاساپ تۇرىپ رەسەيدىڭ قىرىمدى اننەكسيالاپ العانىن "مويىنداماي كەلگەنىن، ەشقاشان مويىندامايتىنىن" مالىمدەدى.

ەردوعاننىڭ سوزىنشە، تۇركيا قىرىم تاتارلارىنىڭ باسىنداعى احۋالدى ءجىتى باقىلاپ وتىرادى. ول ۋكرايناعا قىرىم تاتارلارىنىڭ قۇقىقتارىن قورعاپ جاتقانى ءۇشىن العىس ايتتى.

رەسەي ۋكراينانىڭ قۇرامىنداعى قىرىم اۆتونوميالىق ايماعىن 2014 جىلعى ناۋرىزدا اننەكسيالاپ العان ەدى. ماسكەۋ تۇبەككە اسكەر كىرگىزىپ، تاۋەلسىزدىك تۋرالى رەفەرەندۋم ۇيىمداستىرعان. رەفەرەندۋمنىڭ ناتيجەسىن كوپتەگەن ەل ءالى مويىندامايدى. رەسەي ۋكراينانىڭ شىعىسىندا باس كوتەرگەن سەپاراتيستەرگە دەم بەرىپ، قارۋلى قاقتىعىس كەزىندە 10 مىڭنان استام ادام ولگەن.

حالىقارالىق جانە جەرگىلىكتى قۇقىق قورعاۋ ۇيىمدارى مەن باتىس ەلدەرىنىڭ ۇكىمەتتەرى ماسكەۋگە قارسى شىققان قىرىم تاتارلارىنىڭ قۋدالاۋعا ۇشىراپ جاتقانىن ايىپتاپ كەلەدى.

9 قازاندا ۋكراينا پرەزيدەنتى پەتر پوروشەنكو Twitter پاراقشاسىندا:

"بۇگىن قىرىمداعى ۋكراينا ازاماتتارىنىڭ قۇقىقتارى مەن بوستاندىعىن حالىقارالىق مەحانيزمدەر اياسىندا قورعاي بەرۋگە كەلىستىك" دەپ جازدى.

كيەۆتەگى ءۇش ساعاتتىق ۋكراينا-تۇركيا كەلىسسوزدەرىنەن كەيىن ەكى جاق ءبىر جىلدىق ساۋدا اينالىمىن 3.8 ميلليارد دوللاردان 10 ميللياردقا دەيىن وسىرۋگە ۋاعدالاستى دەپ حابارلاندى.

Abai.kz

4 پىكىر
Бекжан 2017-10-11 22:46:44
Ердоған түркі халықтары ғана емес барша мұсылман әлемін қорғауға дайын тұратын адам. Ол осы ерлігімен өз халқының кешегі жарты әлемді билеген Осман Империясының мұрагерлері екенін әлемге мойындатуда. Инша Аллах, әлі Түркия әлемдік державалар қатарынан көрінер күн туар! Сонда ғана Орта Азиядағы түркітілді мемлекеттер Ресей мен Қытайдан көп қаймыға қоймайтын болады.
Есенгелдіге 2017-10-11 01:58:28
Логикаңыз қызық екен. Қырым татарлары орта қазақтардан бақуатты тұрып жатыр деп кімді сендірмексіз. Тірті солай болған күннің өзінде ұлыорыстық шовинизмнің шеңгелінде өмір сүрудің қаншалықты қасірет екенін білмеуші ме едіңіз. Кеңес Одағы күйрегеннен кейін атажұртында қарасы көбейе бастаған қырымлар (қ.татарларының шын атауы) Украин билігінен теперіш көрген жоқ. Әсіресе, Ющенконың кезінде мешіт, мектептерін ашып арқа-жарқа болып қалған еді. Орыс келіп ойран салғанға дейін. Саяси құғын-сүргін жағдайында өмір сүріп жатқан халықта қай бір оңған тұрмыс болсын.
жəй Қазақ 2017-10-10 22:13:17
Мемлекет басшысы, Ел басқаруда қателік (тазасы) жіберсе де, түбі бір Түркіні қорғауға тырысу керек. Ердоғанның едіреңі көп болсада, пиғылы дұрыс. Орыс бүткіл Түркіге Ата жау, сондықтан Ресейді ыңғайы келген жерде шала берген жөн, тамшы тас теседі.
Есенгелді 2017-10-10 14:33:10
Президент Р.Т.Ердоғандыкі бос сөз. Түркия - Қырым түбегіндегі татараларды қорғай алмайды. Жәнеде оларды қорғап қажеті жоқ. Оларға еш мемлекет қысастық жасап отырған жоқ. Осы жазда Қырымда (Алушта, Феодосия т.б.) болдым, ондағы татарлар Қазақстандағы орта қазақтардан әлде қайда жақсы тұрып жатыр. Сондықтанда, әлемдік саясаттағы рейтингісі төмен басшылардың (арабтардың шейхтары, африкалық Мбенелер, орта азияның диктаторлары мен "демократ" А.Атамбаевтардың саяси сөздері, көшедегі шәуілдеп үрген бұралқы кәнден иттің Пілге үргені сияқты болады да тұрады.

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7852
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 15182