جەكسەنبى, 17 جەلتوقسان 2017
46 - ءسوز 1463 1 پىكىر 11 قازان, 2017 ساعات 08:49

ء"وزىمىز دە ەكىنشى سيريامىز"

جىعىلىپ جاتىپ، سۇرىنگەنگە كۇلەتىن بىزدەي حالىق، بىزدەگىدەي بيلىك الەمدە بار ما ەكەن؟ "سيريا قانعا بوكتى", "يراك تاقتان قۇلاپ", "اۋعان اتتان اۋدى", بىزدە تىنىشتىق، شۇكىر، تاۋبە! ۇنەمى ەستيتىنىمىز وسى. تاۋبە ءھام شۇكىر!

"ولاردا سوعىس، ال بىزدە تىنىشتىق" دەپ ءماز بولادى كەي جاندار بىلعارى كرەسلودا كەرىلىپ. بىراق ءبىزدىڭ سول تاياۋ شىعىستاعى سويقاننان قاي جەرىمىز ارتىق؟! لوگيكالىق سۇراق. قاي جەرىمىز؟ مەنىڭشە ەش جەرىمىز. ولاردا سوعىستا بومبا جارىلسا، بىزدە بەيبىت كۇندە جارىلىپ جاتىر. ايدىڭ-كۇننىڭ امانىندا ءوز جەرىمىزدى وزگەگە اتقىلاتىپ، توبەمىزدەن ۋ توگىلتىپ ءمازبىز. رەسەي قالاعان ايماعىنان ء"اپ بالەم" دەپ ءبىر كنوپكانى باسىپ، قازاقستانداعى كەز كەلگەن پوليگونداعى نىسانىن جوق قىلادى. قۇددى ءبىر تير الاڭى سياقتىمىز.

ەندى مىنە تورعايدىڭ توبەسىنە ۋ توكپەكشى. ەرتەڭ و دۇنيەدە امانگەلدىنىڭ بەتىنە قالاي قارايمىز. قاسيەتتى تورعايدى قورلاتقان قازاقتى كەشەگى قازاق كەشىرە مە؟ قايدام... بىرنەشە سىناق الاڭى اشىق تۇرعاندا قازاق تا، الاش تا ازات ەمەس. كسرو قازاقتىڭ جەرىن قالاي سىناسا، تاۋەلسىزدىكتە دە سولاي سىنالىپ جاتىر. سوندىقتان سيريا سوعىسىن توقتاتام دەپ ەمەس، قازاق دالاسىن سىناقتان ازات ەتەم دەپ جانتالاسۋعا ءتيىسپىز.

اسحات قاسەنعالي

Facebook-تەگى پاراقشاسىنان

1 پىكىر