جەكسەنبى, 17 جەلتوقسان 2017
690 0 پىكىر 12 قازان, 2017 ساعات 09:47

تەكەباەۆ پەن چوتونوۆ كولونيانىڭ جالپى كامەراسىنا كوشىرىلدى

پارلامەنت دەپۋتاتى ومىربەك تەكەباەۆ پەن بۇرىنعى ەلشى دۋيشەنكۋل چوتونوۆ تەرگەۋ اباقتىسىنىڭ 8 ادامدىق كامەراسىنا اۋىستىرىلعان. بۇل تۋرالى ازاپتاۋدىڭ الدىن الۋ ۇلتتىق ورتالىعىنىڭ ديرەكتورى نۋردين سۋلايمانوۆ حابارلادى.

ونىڭ ايتۋىنشا، 11 قازاندا ورتالىق قىزمەتكەرلەرى تەكەباەۆ پەن چوتونوۆپەن جولىققان. ولار ەشقانداي شاعىم ايتپاعان.

"تەكەباەۆتىڭ ايتۋىنشا، ولاردى جاعدايى ءتاۋىر كامەراعا اۋىستىرعان. ولارمەن بىرگە وتىرعان التى ادام دا بۇرىن سوتتالماعان. ولاردىڭ بارلىعى مەملەكەتتىك قىزمەتتە ىستەگەن", - دەدى سۋلايمانوۆ.

كولونيا №47 كولونيا بىشكەكتە ورنالاسقان. مەكەمەدە ەمدەلىپ جاتقان جازاسىن وتەۋشىلەر وتىر..

ومۋربەك تەكەباەۆ پەن دۋيشەنكۋل چوتونوۆ "مەگاكوم" كومپانياسىنا قاتىستى ىستە 1 ملن دوللار پارا الدى دەگەن ايىپپەن سوتتالدى. ولاردىڭ ارقايسىسىنا سەگىز جىل بەردى.

ساياساتكەرلەر تاعىلعان ايىپتاردى جوققا شىعارىپ وتىر.

Abai.kz

0 پىكىر