سارسەنبى, 18 قازان 2017
انىق-قانىعى 1324 3 پىكىر 13 قازان, 2017 ساعات 01:18

ۇقك: شەكارادا جوسپارلى وپەراتسيا ءجۇرىپ جاتىر

قازاقستان ۇلتتىق قاۋىپسىزدىك كوميتەتى (ۇقك) قىرعىزستانمەن شەكاراداعى جاعدايعا قاتىستى تۇسىنىك بەردى. ۇقك رەسمي سايتىندا جاريالانعان اقپاراتتا "مەملەكەتتىك شەكارا بويىندا، ونىڭ ىشىندە قىرعىزستانمەن شەكارادا جوسپارلى تەكسەرۋ وپەراتسياسى جۇرگىزىلىپ جاتقانى" ايتىلادى.

ارنايى قىزمەتتىڭ حابارلاۋىنشا، وپەراتسيا "شەكارادا زاڭعا قايشى ارەكەتتەردىڭ الدىن الۋ، تەررورلىق، كونتراباندالىق جانە باسقا دا قىلمىستارعا قاتىسى بار ادامداردى انىقتاۋ، شەكارا رەجيمى مەن ميگراتسيالىق زاڭداردىڭ ورىندالۋىن تەكسەرۋ" ماقساتىندا جۇرگىزىلىپ جاتىر.

"وسىعان بايلانىستى شەكارادان وتەتىن ادامداردى، كولىك قۇرالدارىن، جۇك پەن تاۋاردى تەكسەرۋ كۇشەيتىلدى. بۇل جاعدايدا شەكارادان وتۋگە الدەبىر شەكتەۋ نەمەسە تىيىم سالىنعان جوق" دەلىنگەن ۇقك اقپاراتىندا.

10 قازاننان باستاپ شەكارانىڭ قىرعىزستان جاعىنان قازاقستانعا ءوتۋ قيىنداپ، تەكسەرىس كۇشەيىپ، بەكەتتە ۇلكەن كەزەك پايدا بولعان جانە ونداعان كولىك جينالىپ قالعان. شەكارادا كەزەكتە تۇرعاندار شەكارانىڭ قىرعىزستان جاعىنداعى "اق جول" بەكەتىندە ەشقانداي كىدىرىس جوعىن، قازاقستان جاعىندا تەكسەرۋ كۇشەيىپ، ءتىپتى كولىكتەردى مۇقيات تەكسەرىپ جاتقانىن الەۋمەتتىك جەلىلەردە حابارلاي باستاعان.

بىراق قىرعىزستانمەن شەكاراداعى سياقتى جاعداي قازاقستاننىڭ باسقا ەلدەرمەن شەكاراسىندا بايقالمادى.

11 قازاندا "قورداي" شەكارا بەكەتىنە بارعان ازاتتىق ءتىلشىسى بەكەتكە جاقىن قورداي كەنتىنە كىرە بەرىستە جانە ودان بەكەتكە دەيىنگى جولدا اسكەريلەردىڭ پوست قويىپ، كىرگەن-شىققان كولىكتەردى تەكسەرىپ جاتقانىن بايقاعان.

Abai.kz

3 پىكىر
жəй Қазақ 2017-10-14 22:59:17
Шекара, Кеден дегендер Тəуелсіз Елдің міндетті белгісі, түсініксіз жері біз бұларды ЕАЭО-қа кіргелі Орысқа бергеміз, Кеден саясаты ҚР-да жоқ. Қорғастағы негізгі билік сол Орыста. Ал Ресей мен ара айқара ашық, ол жақтан "еш қауып жоқ" деп саналады. Қырғыз бен арада ЕАЭО-тың шекарасы, бір-екі күн ғана Қазақ ұстауы мүмкін, Мəскеу естіген соң бəрібір ашуға мəжбүр болады. Қоқаң сонымен бітеді
Қазақ 2017-10-13 15:26:23
"Суға кеткен тал қармайды" деген. Бұл кедергінің қырғыз жағына қаншалықты зияны болса, қазақтарға да зияннан басқа түк пайдасы жоқ, онсыз да теңгенің құлдырауынан заттардың бағалары күннен күнге өсіп барады.
Қазақ 2017-10-13 15:24:57
"Суға кеткен тал қармайды" деген. Бұл кедергінің қырғыз жағына қаншалықты зияны болса, қазақтарға да зияннан басқа түк пайдасы жоқ, онсыз теңгенің құлдырауынан заттардың бағасы күннен күнге өсіп барады.

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 7631
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 14852