جۇما, 29 ناۋرىز 2024
دەپ جاتىر 7799 40 پىكىر 8 قاراشا, 2017 ساعات 15:46

قازاقتىڭ جەرىن باسىپ جۇرگەن ءار ادام قازاق ءتىلىن ءبىلۋى كەرەك

 

قر پارلامەنت ءماجىلىسىنىڭ دەپۋتاتى گەننادي شيپوۆسكيح لاتىن ءالىپبيى ءوز ءتىلىن بىلمەيتىن قازاقتارعا انا ءتىلىن ۇيرەنۋگە كەرەمەت مۇمكىندىك  بەرەتىنىن ايتىپ ءسوز الدى دەپ حابارلايدى اباي-اقپارات

“ەلباسىمىزدىڭ ءساۋىر ايىندا شىققان كەزەكتى باعدارلاماسىندا حالقىمىزدىڭ سالت-ءداستۇرىن جاڭعىرتاتىنداي ۇلكەن باعدار بەرىلدى. سونىڭ ءبىرى – لاتىن الىپبيىنە كوشۋ. ءبىز لاتىن الىپبيىنە كوشپەيمىز – ورالامىز. سەبەبى، وزدەرىڭىز بىلەتىندەي، 1929 جىلدان باستاپ، 1940 جىلعا دەيىن ءبىز لاتىن ءالىپبيىن پايدالانىپ كەلدىك. الايدا بەلگىلى ءبىر ساياسي سەبەپتەرمەن ءبىز باسقا جازۋعا كوشۋگە ءماجبۇر بولدىق”، – دەيدى گەننادي شيپوۆسكيح.

مۇنىمەن قاتار، ول 90-جىلدارى ءالىپبيدىڭ اۋىسۋىنا  ەشكىمنىڭ كوپ باس قاتىرماعانىن ايتىپ ءوتتى. سەبەبى، ول كەزدە قازاقستاندىقتاردىڭ الدىندا الەۋمەتتىك، تۇرمىستىق ماسەلەلەردى شەشىپ الۋدىڭ قاجەتتىگى كۇن تارتىبىندە تۇر ەدى.

“اراعا 25 جىل سالعانىمىزدى ەسكەرىپ، ءالىپبيدى اۋىستىراتىن ۋاقىت كەلدى دەگەنگە كامىل سەنەمىن. ءار ادام قازاقستاندا قازاقتىڭ جەرىن باسىپ جۇرگەننەن كەيىن قازاق ءتىلىن ءبىلۋى كەرەك. ەشبىر ءتىلدى شەتتەتپەيمىز. قازاق بولا تۇرا قازاق تىلىندە سويلەي المايتىندار دا بارشىلىق. مەنىڭشە، لاتىن ءالىپبيى ءوز ءتىلىن بىلمەيتىن قازاقتارعا قازاق ءتىلىن مەڭگەرۋدە كەرەمەت مۇمكىندىك بەرەدى”، – دەدى دەپۋتات.

Abai.kz

40 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564