سەنبى, 18 قاراشا 2017
دەپ جاتىر 1126 12 پىكىر 10 قاراشا, 2017 ساعات 08:27

قىلمىس جاساعان ءجاسوسپىرىمنىڭ اكە-شەشەسى دە جازالانۋى ءتيىس

سوڭعى بەس جىلدا اجىراسۋلاردىڭ سانى 4 مىڭعا ارتىپ، 51 775-ءتى قۇراعان. پارلامەنت سەناتىنىڭ جالپى وتىرىسىندا دەپۋتات ءالي بەكتاەۆ وسى ماسەلەنى كوتەرىپ، ۇكىمەت باسشىسى باقىتجان ساعىنتاەۆتىڭ اتىنا دەپۋتاتتىق ساۋال جولدادى، - دەپ حابارلايدى قازاقپارات.

«قازىرگى قوعامدا وتباسى قۇندىلىقتارىنىڭ قۇلدىراۋعا ۇشىراپ بارا جاتقانى اششى دا بولسا اقيقات. بۇعان دالەل قارتتار ۇيلەرىنە وتكىزىلگەن ەگدە ادامداردىڭ كوبەيۋى. الەۋمەتتىك مەكەمەلەردەگى قارتتار سانى سوڭعى 5 جىلدا 26 پايىزعا وسكەن. وكىنىشكە قاراي، ولاردىڭ 40 پايىزىنىڭ بالالارى بار، الايدا ءتۇرلى جاعدايعا ۇشىراعان. اتا-اناعا دەگەن قۇرمەتتىڭ ازايۋى وتباسى قۇندىلىقتارىنىڭ تومەندەۋىنىڭ باسى دەپ ايتۋعا بولادى»، - دەيدى سەناتور.

دەپۋتتاتتىڭ پايىمىنشا، نەكە قۇرعان جاس وتباسىلاردىڭ اراسىنداعى اجىراسۋدىڭ اسا قاۋىپتى دەڭگەيگە جەتكەنى دە سونىڭ سالدارى. «سوڭعى بەس جىلدا اجىراسۋلاردىڭ سانى 4 مىڭعا ارتىپ، 51 775-ءتى قۇراعان. بۇگىنگى تاڭدا جاس وتباسىلاردىڭ اراسىنداعى اجىراسۋ دەڭگەيى اۋىلدىق جەرلەردە 27 پايىز، قالالاردا 40 پايىزعا جەتكەن. ولاردىڭ 40 پايىزىنىڭ نەكەسى العاشقى 5 جىلدا بۇزىلادى ەكەن.

"قازىرگى ۇردىستەردىڭ سەبەبى تەك قانا الەۋمەتتىك، ەكونوميكالىق ماسەلەلەر دەپ ايتۋ ابەستىك بولادى. باستى سەبەپ -  وتباسىداعى تاربيەنىڭ، قۇندىلىقتاردىڭ قۇلدىراۋىندا. بالا ومىرگە كەلگەننەن باستاپ، ءوسىپ ازامات بولعانىنا دەيىن ونىڭ تاربيەسىنە تەك اتا-انا جاۋاپتى. وكىنىشتىسى، بالانىڭ تاربيەسى دە، وقۋى دا، دەنساۋلىعى دا بۇگىندە تەك مەكتەپتەرگە ارتىپ قويىلعان. ۇلى مەن قىزىنىڭ قايدا جۇرگەنىن كەيبىر اتا-انالار سۇرامايدى دا. بالاسى بۇزاقىلىق نەمەسە قىلمىس جاساسا دا، اتا-انا مۇلدەم جاۋاپ بەرمەيدى", - دەپ توقتالدى ول.

دەپۋتاتتىڭ اتاپ وتۋىنشە، بۇگىنگى قوعامىمىزدا قىز تاعدىرىن تالكەك ەتكەندەر، جەڭىل ءجۇرىستى قىزدار، تاستاندى بالالار، اتا-انالىق قۇقىقتان باس تارتقاندار كوبەيدى. ەلىمىزدەگى 6 ايەلدەر كولونياسىندا 2 161 قىز-كەلىنشەك جازاسىن وتەپ وتىر.

«ايەل وزدىگىنەن قىلمىس جاسامايدى. ەگەر زاڭ بۇزۋشىلىققا بارسا، ونىڭ استارىن الەۋمەتتىك پروبلەمادان ىزدەۋ كەرەك. قىز-كەلىنشەكتەردى تۇرمەگە جاپقاننان گورى كەشىرىم جاساپ، ولارعا كومەك كورسەتكەن ابزال. تۇرمەگە تۇسكەن قىز بالاسى تۇگىلى، ەرلەردىڭ اراسىنان سانا-سەزىمى پسيحولوگيالىق دەفورماتسياعا ۇشىراماعان جاندى كەزدەستىرۋدىڭ ءوزى قيىن. قوعامدا قىزعا، ايەلگە، اناعا، بالالى وتباسىلارعا دەگەن كوزقاراستى مۇلدەم قايتا قاراۋدىڭ ۋاقىتى كەلدى»، - دەيدى سەناتور.

وسىدان كەيىن ءا. بەكتاەۆ بىرقاتار ۇسىنىستاردى ەنگىزدى. بۇل رەتتە قازاقستاندا وتباسىلىق ساياساتتى زامان تالابىنا ساي دامىتۋ ماقساتىندا ەلىمىزدە وتباسىلاردى قولداۋ جانە وتباسى قۇندىلىقتارىن دامىتۋ جونىندەگى كەشەندى باعدارلاما قابىلداۋ، سونىمەن قاتار وتباسى قۇندىلىقتارىن جان-جاقتى زەرتتەۋ، زامانعا بەيىمدەۋ، ومىرگە ەنگىزۋ ماقساتىندا قر ءبىلىم جانە عىلىم مينيسترلىگى جانىنان ارنايى نەكە جانە وتباسى عىلىمي-زەرتتەۋ ينستيتۋتىن اشۋ جونىندەگى پىكىر ايتىلدى. مۇنىمەن قوسا، بالا تاربيەسىندەگى وتباسىنىڭ ءرولىن كۇشەيتۋ ماقساتىندا «وتباسىلىق ءومىردىڭ رۋحاني نەگىزدەرى» دەگەن ارنايى ءپان ازىرلەپ، وعان لايىقتى وقۋلىقتار دايىنداپ، مەكتەپ باعدارلاماسىنا ەنگىزۋ ۇسىنىلدى. «اتا-انانىڭ جاۋاپكەرشىلىگىن ارتتىرۋ ماقساتىندا قر اكىمشىلىك كودەكسىنە بۇزاقىلىق نەمەسە قىلمىس جاساعان جاسوسپىرىمدەردىڭ اكە-شەشەسىنە اكىمشىلىك شارا قولدانۋ جونىندە باپ ەنگىزۋدى، وتباسىنىڭ بۇزىلۋىن تەجەۋ ماقساتىندا نەكە بۇزۋعا تولەنەتىن باج سالىعىنىڭ كولەمىن جۇپتارعا ماتەريالدىق تۇرعىدان سەزىلەتىندەي ەتىپ كوبەيتۋ ۇسىنىلادى»، - دەدى ءالي بەكتاەۆ.

Abai.kz

12 پىكىر
Eseng'ali', Antaki'adan 2017-11-13 06:15:39
Os's'ym, atyn' s'yqpasa, jer o'rten'n' keri. "Jurt qatary ui'yqtap otyrg'ans'a ottap otyrai'yn" dep ai'ta salg'an ga'p.
Қазақ 2017-11-12 23:56:26
Депутаттың өзге ұсыныстарымен келісемін, ал бұзақы баласы үшін ата-аналарды әкімшілік жауапкершілікке тарту туралы ұсынысымен мүлде келіспеймін. Өйткені, ата-ана бала үшін ең беделді тұлға. Баланың отбасындағы сенімді тірегін, баланың азамат болғанға дейінгі арқасүйерлерін жазалау -- отбасындағы айрандай ұйыған татулықты бұзып, шаңырақтың іргесін шайқалтуы мүмкін. Сондықтан ата-ананың отбасындағы беделіне тиісуге, оған қол сұғуға болмайды! Депутат ашық пікірге түсіністікпен қарайтын шығар деп үміттенемін.
Қазақ 2017-11-12 22:59:57
Мен депутаттың мына ұсынына әлі таң қалып отырмын. Бала деген ата-анадан туылғаннан кейін бөлек өсіп-жетілетін организм. Баланың организмі ата-анамен қан айналымы арқылы байланыс жасап отырған жоқ, ата-ананы жазалайтындай. Әрине, ата-ана баланы аялап, адамгершілікке тәрбиелейді. Баласы бұзақы болса, ата-ананы кіналауға болады. Ал бұзақы бала үшін ат-ананы жазалау деген еш қисынға келмейді. Біздің елде отбасы институты дамымаған. Бұзақы бала үшін ата-ананы жазалағанша, баланы тәрбиелеуге үйрететін отбасы институттарын ашуды қолға алу керек. Сонда жақсы нәтижеге қол жеткізетін шығармыз.
Қазақ 2017-11-12 22:35:49
Депутаттың бұзақы бала үшін ата-ананы жазалау туралы ұсынысы -- диктаторлық әрекетке ұқсайды деуге болады. Ата-ана әрқашан балалардың алдында мінсіз тұлға және балалардың мықты тірегі болып қалыптасуы үшін ата-аналардың бала алдындағы беделіне ешқашан қол сұғуға болмайды. Сондықтан, кодекске ондай бап енгізудің өзі қылмыспен пара-пар деуге болады. Өйткені, қазақ үшін ата-ана шаңырақтың алтын діңгегі болып қалыптасуы керек. Депутат мырза! Отбасыңызда өзіңіздің беделіңіз қандай? Егер ата-ана балаларына қадірлі болса, бір бала үшін өзге балалар алдында ата-ананың қадірін кетіруге болмайды. Ата-ананы жазалау туралы бап Әкімшілік кодекске енгізілетін болса, бұл отбасын ыдыратуға жол ашатыны анық. Одан да бұзақы баланы тәрбиелеудің басқа жолын ойластыру қажет.
Қазақ 2017-11-12 22:17:29
Депутат ұлтты алға сүйреудің бір шарасын іздеп отыр ғой. Бірақ жазаның үстіне жазалау даналық емес. Депутат ұлтты алға сүйрегісі келсе, тереңнен толғауы керек. Мәселен, ата-ана бұзақылық жасаған үлкен ұлы үшін әкімшілік жазаға тартылса, өзге кішкентай балаларының алдында беті күймей ме? Сонда кейінгі бүлдіршін балалардың ата-анасына деген көзқарасы өзгермесіне кім кепіл? Баласы үшін ата-ананы әкімшілік жазаға тарту, отбасындағы келісім мен тұрақтылықты бұзуға жол ашпай ма? Қанша тәрбиелесе де, түзелмейтін балалар өмірде кездеседі. Қазақ "Бір анадан ала да туады, құла да туады" дейді. Түзелуі қиын бала үшін ата-ананы жазаға тарту мүлде дұрыс емес. Депутат ата-ананың кейінгі балаларын ойламапты. Ата-ана кейінгі балаларға үлгілі тәрбиеші-ұстаз болып қала беруі үшін, бір бала үшін жауапкершілікке тартылмауы тиіс. Депутаттың бұл ұсынысы ұлттық логикаға симайды. Депутат мырза! Бір балаңыз үшін әйеліңізбен бірге жазаланып жатсаңыз, кейінгі балаларыңызға қалай үлгі көрсетесіз? . . .
Төре 2017-11-12 11:09:21
Қылмыс жасаған жасөспірімнің әке-шешесі де жазалануы тиіс ... Апырмай десеңізші, қандай асқан "даналық". Нұротандық депудат - баяғы коммунистердің қөшірмесі!
Қазақбай 2017-11-11 20:21:19
Қазақта "біреуге ор қазба, өзің түсесің" деген мақал бар. Мына депутаттың сөзі бойынша баласы қылмыс жасаған ата-ана жауапқа тартылуы керек - мыс екен. Оны қайдан алған, кеңестік компартияда балаңды неге дұрыс тәрбиелемейсің деген сұрақтар ата-анаға қойылатын, бірақ ата-ана сотталсын деген әңгіме айтылмайтын. Ал мына депутаттың айтқаны қабыл болсын делік, ертең өзінің баласы ма, немересі ме біреуі қылмыс жасап, сотқа тартылса, өзі де сотталуы мүмкін ғой. Сондықтан пәле шақырмасын, басына келеді. Депутат мемлекеттік тұрғыда ойлай білуі керек, егер айтар мәселесі жоқ болса онанда Қазақстанда әділ мемлекет орнауы үшін дұрыс заң қабылдансын, заң сақталсын деп жұмыс істесін. Премьер -министрлері, облыс, аудан әкімдері, генералдары, министрлері шетінен парақорлық пен коррупция үшін сотталып жататын, түрмеде отыратын, шетелде қашып жүретін мемлекетте басқа мәселе жоқ па ? . Соны білмеген депутат мемлекет мүддесі үшін қалай қызмет етеді деген сұрақ еріксіз санаңды билейді.
Мақсұт 2017-11-10 18:21:00
Егер министрлер мен әкімдер, ірі шенеуніктер ұрлықпен ұсталып жазаланып жатса -алдымен солардың "Ұстаз", "әкелері" - соларды жұмысқа тағайындап жемқорлықтарына ақ батасын берген Елбасты да бірге жазалануы тиіс!
Қазақ әйелі 2017-11-10 15:11:41
Мемлекетті ірітетін дін мен коррупция. Коррупция белең алған қоғамда әлеуметтік жағдай төмендейді. Әлеуметтік жағдайы төмен отбасында ұрыс-керіс басталады. Аяғы ажырасуға әкеліп тірейді. Депутат жаңалық ашқандай өзіне пиар жасағанша, коррупцияны тыюдың жолын таппайды ма? Барлық мәселе әлеуметтік жағдайдан бастау алады. Коррупция тыйылмаса, әлеуметтік жағдай жақсармайды. Әлеуметтік жағдай жақсармаса, отбасылық тұрақтылық болмайды. Отбасында тұрақтылық болмаса, ұлттық құндылықтардың негізі жойылып кетуі мүмкін. Осы депутаттар өзі не оқиды екен? Ұлтты алға сүйреймін деп күндіз-түні ізденіп жұмыс істейді ме, әлде тәжірибені қайталап отырады ма?. .
Eseng'ali', Antaki'adan 2017-11-10 14:12:09
Эрсин ука, жепутаттың теоремасы бойынша - егер күйеубалаң істі болса, сен де жазаланасың, бұл жепутаттың оттаубайы іске асса, Қазақстан азаматы шетелде сотталса (терроризм статьясымен), онда Қазақстан президенті де терроризмді ұйымдастырушы ретінде Гаага сотында жауап беруге тиіс болады. Яшанг, жепутат ака !
шым 2017-11-10 12:15:36
Жасөспірімнің ата анасын жазалау деген өте дұрыс. Мен өзім коледжде жұмыс істеймін. Сонда менің түсінгенім қазір ата аналардың бала мен шаруасы жоқ. Баласын коледжге түсірді бітті ары қарай шаруасы жоқ. Ол бала оқып жатыр ма, көшеде жүр ма? қызық емес. Балаңыз сабаққа келмей жатыр десең білмеймін жүрген шығар дейді. Біреудің баласы секілді сөйлейді. Бізде мұндайлар өте көп. Егер ата анасына қатаңырақ шара көрілетін болса дұрысталар ма еді. Қазір де бар ата ана жауапкершілігі деген заңда. Бірақ білмеймін онымен айыппұл салу қиын.
Ерсін 2017-11-10 08:36:43
Депутаттар халықтың қамын ойлаудың орнына басқа бірдеңелермен айналысып кетеді. Егер күйеу балаларымыз істі болса бізде жазалануымыз керек пе?

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 9984
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18071